କଟକ-ଭୁବନେଶ୍ୱର ପରେ ରାଜ୍ୟର ବିଭିନ୍ନ ଜିଲ୍ଲାରେ ଡେଙ୍ଗୁ ଚିନ୍ତା

by Banajyotshna Ray

ଅର୍ଗସ ବ୍ୟୁରୋ: ଭୁବନେଶ୍ୱର- କଟକ ପରେ ଏବେ ରାଜ୍ୟର ବିଭିନ୍ନ ଜିଲ୍ଲାରେ ଡେଙ୍ଗୁ ଚିନ୍ତା ବଢାଇଛି । କରୋନା କମିନଥିବା ବେଳେ ଡେଙ୍ଗୁ ମୁଣ୍ଡ ବିନ୍ଧାର କାରଣ ପାଲଟିଛି । ବର୍ଷା ଦିନ ଚାଲିଥିବା ବେଳେ ରାଜ୍ୟରେ ଡେଙ୍ଗୁ ସଂକ୍ରମଣ ବଢିବାରେ ଲାଗିଛି । ଡେଙ୍ଗୁକୁ ନେଇ ସଚେତନତା କାର୍ଯ୍ୟକ୍ରମ ହେଉଥିବା ବେଳେ ରାଜଧାନୀ ଉପକଣ୍ଠରେ ଡେଙ୍ଗୁ ଆତଙ୍କ ଦେଖାଦେଇଛି ।

ଜଟଣୀ ଅଂଚଳରୁ ୨ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଫିସ ପକ୍ଷରୁ ସୂଚନା ଦିଆଯାଇଛି । ଅନ୍ୟପଟେ କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକରେ ଡେଙ୍ଗୁ ଓ ମେଲେରିଆ ଜ୍ଵରକୁ ନେଇ ପରିସ୍ଥିତି ବଡ଼ ଜଟିଳ ହୋଇଛି । ବ୍ଲକର ବଡ ସରପୋଲୀ, ସାନ ସରପୋଲୀ ଗାଁରେ ପାଖାପାଖି ୩ଶହ ଘର ମଧ୍ୟରୁ ପ୍ରାୟ ୪୦ ଘରେ ଜଣେ କିମ୍ବା ଦୁଇ ଜଣ ଲେଖାଏଁ ଡେଙ୍ଗୁ ଓ ମେଲାରିଆ ରୋଗରେ ଆକ୍ରାନ୍ତ ହୋଇଥିବା ଜଣାପଡିଛି।

AI ପାଇଁ ସାରା ବିଶ୍ବରେ ୩୦ କୋଟି ଲୋକ ଚାକିରି ହରାଇପାରନ୍ତି

by Manini Pattanayak

Nearly 4,000 People In US Lost Their Jobs In May Because Of AI: Report

ନୂଆଦିଲ୍ଲୀ: ଚିନ୍ତାରେ ପକାଇଛି AI, ଚାକିରି ଖାଉଛି AI। ମେ ମାସରେ ୪୦୦୦ ଆମେରିକୀୟ ହରାଇଛନ୍ତି ଚାକିରି। ଚାଲେଞ୍ଜର, ଗ୍ରେ ଆଣ୍ଡ କ୍ରିସମସର ରିପୋର୍ଟ ହୋସ ଉଡାଇଦେଲା ଭଳି। ମହାମାରୀରେ ଯେତିକି ଲୋକ ଚାକିରି ହରାଇଥିଲେ, AI ପାଇଁ ତା’ଠୁ ଅଧିକ ଲୋକ ଚାକିରି ହରାଇବାକୁ ଯାଉଛନ୍ତି। ଚଳିତ ବର୍ଷ ଜାନୁଆରୀରୁ ମେ ମାସ ଯାଏଁ ୪ ଲକ୍ଷ ୧୭ ହଜାର ୫୦୦ ଲୋକ ଚାକିରି ହରାଇଛନ୍ତି। ସବୁଠାରୁ ବଡ଼ କଥା AI ପାଇଁ ସାରା ବିଶ୍ବରେ ୩୦ କୋଟି ଲୋକ ଚାକିରି ହରାଇପାରନ୍ତି। ଯାହା ଚିନ୍ତାଜନକ। ତେବେ AI ମାନେ ଆର୍ଟିଫିସିଆଲ୍ ଇଣ୍ଟରଲିଜେନ୍ସ। ଏହାର ଗୋଟିଏ ଉଦାହରଣ ଚାଟଜିପିଟି। ଚାଟ ଜିପିଟି ଆପଣଙ୍କର ପ୍ରତିଟି ପ୍ରଶ୍ନର ଉତ୍ତର ଦେଇପାରିବ।

ଆପଣଙ୍କ ଶିକ୍ଷକ କିମ୍ବା ସମକର୍ମୀ ବି ହୋଇପାରିବ। କ୍ରିଏଟିଭ୍ ରାଇଟିଂ ଠାରୁ ଆରମ୍ଭ କରି କ୍ଲରିକାଲ୍ କାମ ସବୁକିଛି କରିପାରିବ ଚାଟଜିପିଟି। ଏହା AI ବା ଆର୍ଟିଫିସିଆଲ୍ ଇଣ୍ଟରଲିଜେନ୍ସ ଟେକ୍ନୋଲୋଜି ଦ୍ବାରା ଗଠିତ। ଯାହାଫଳରେ ବଡ଼ ବଡ଼ କମ୍ପାନୀ AIକୁ ଆପଣାଇ ମାନବ ଶକ୍ତି ଉପରେ ନିର୍ଭରଶୀଳତା କମାଉଛନ୍ତି। ଅର୍ଥାତ କମ୍ ଖର୍ଚ୍ଚରେ କେମିତି ଅଧିକ ମୁନାଫା ପାଇବେ ସେଇଥିପାଇଁ ଛଟେଇ କରୁଛନ୍ତି।

ଶେଷରେ ଲୁହ ଆଉ ଅଟକାଇପାରିଲେନି, କାନ୍ଦି ପକାଇଲେ ରେଳ ମନ୍ତ୍ରୀ

by Manini Pattanayak

Finally unable to hold back the tears, the Railway Minister cried in balasore

ବାଲେଶ୍ୱର: କାନ୍ଦି ପକାଇଲେ ଅଶ୍ୱିନୀ ବୈଷ୍ଣବ l ଶୁକ୍ରବାର ଦିନ ବାହାନଗାରେ ଘଟିଥିବା ଲୋମହର୍ଷ କାରି ରେଳ ଦୁର୍ଘଟଣାର 51 ଘଣ୍ଟା ପରେ ଚାଲିଲା ଅପ ଏବଂ ଡାଉନ ରେଳ ଚଳାଚଳ l କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ରବିବାର ରାତି 10.30 ସମୟରେ ପରୀକ୍ଷା ମୂଳକ ଭାବରେ ସୋର ରୁ ବାଲେଶ୍ୱର ଅଭିମୁଖେ ଡାଉନ ରେଳ ଲାଇନରେ ଏକ ମାଲବାହି ଟ୍ରେନ କୁ ଯିବାପାଇଁ ହାତ ହଲାଇ ରେଳକୁ ଯିବା ପାଇଁ ସ୍ୱାଗତ କରିଥିଲେ l ସେହିପରି ରାତ୍ରି 11.55 ସମୟ ରେ ଖଡ଼କପୁରରୁ ଭୁବନେଶ୍ୱର ଅଭିମୁଖେ ଏକ ମାଲବାହି ଟ୍ରେନ ଯାତ୍ରା କରିଥିଲା l

ଦେଖନ୍ତୁ ଭିଡିଓ : କାନ୍ଦି ପକାଇଲେ କେନ୍ଦ୍ର ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ କାନ୍ଦି ପକାଇଲେ କେନ୍ଦ୍ର ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ …

ଏହାକୁ ମଧ୍ୟ ହାତ ହଲାଇ ସ୍ୱାଗତ କରିଥିଲେ l ପରେ ପରେ ରାତ୍ରିରେ 6 ଟି ଯାତ୍ରୀ ବାହି ଟ୍ରେନ ଚାଲିବା ନେଇ ସୂଚନା ଦେଲେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ l ଦୁଇ ରେଳ ଲାଇନ ରେ ଟ୍ରେନ ଚାଲିବା ପରେ ରେଳ ଚଳାଚଳ ସ୍ୱାଭାବିକ ହେବ ବୋଲି ଗଣମାଧ୍ୟମ କୁ ପ୍ରତିକ୍ରିୟା ଦେଇ ପ୍ରଧାନମନ୍ତ୍ରୀ ଙ୍କୁ ଧନ୍ୟବାଦ ଦେବା ସହ କାନ୍ଦିପକାଇଥିଲେ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ l

#WATCH | Balasore,Odisha:..."Our goal is to make sure missing persons' family members can find them as soon as possible...our responsibility is not over yet": Union Railway Minister Ashwini Vaishnaw gets emotional as he speaks about the #OdishaTrainAccident pic.twitter.com/bKNnLmdTlC — ANI (@ANI) June 4, 2023

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରାମର୍ଶ କ୍ରମେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଘନ ଘନ ସମୀକ୍ଷା ତଦାରଖ ପରେ 51 ଘଣ୍ଟା ଗଡ଼ିଲା ରେଳ l
ଅଧିକ ପଢନ୍ତୁ :ଦୁର୍ଘଟଣାର 51 ଘଣ୍ଟା ପରେ ଟ୍ରାକରେ ଚାଲିଲା ଟ୍ରେନ

ଏହି ଗାଁରେ ରଜ' ର ମାସେ ପୂର୍ବରୁ ଆରମ୍ଭ ହେଲାଣି ପ୍ରସ୍ତୁତି

by Manini Pattanayak

Gopapur village of nischintakoili block of Cuttack district, In this village, preparations have already started months before Raj'

କଟକ: ଆସୁଛି ରଜ । ଗାଁରୁ ସହର ସବୁଠି ଚାଲିଛି ପ୍ରସ୍ତୁତି । କିନ୍ତୁ ଆପଣ ଜାଣନ୍ତି କି ଏମିତି ଗାଁ ଅଛି, ଯେଉଁଠି ରଜର ପ୍ରାୟ ମାସେ ପୂର୍ବରୁ ଆରମ୍ଭ ହୋଇଥାଏ ପ୍ରସ୍ତୁତି । ଗାଁରେ ସ୍ବତନ୍ତ୍ର ଆଖଡ଼ା ଘର ନିର୍ମାଣ ସହ ନାଟ, ଗୀତ ପାଇଁ ଦିଆଯାଇଥାଏ ତାଲିମ ।

ରଜ କମିଟି ପକ୍ଷରୁ ଶିଶୁଙ୍କୁ ଦିଆଯାଉଛି ଗୀତ, ନାଚ ପ୍ରଶିକ୍ଷଣ । ଏହାସହିତ ପାରମ୍ପରିକ ପୁଚି ଖେଳ, ରଜ ଗୀତ ଓ ପିଠା, ପଣା ଉପରେ ସ୍ବତନ୍ତ୍ର ଗୁରୁତ୍ବ ଦିଆଯାଉଛି । ରଜ ପର୍ବର ପ୍ରାୟ ମାସେ ପୂର୍ବରୁ ପ୍ରସ୍ତୁତି ଆରମ୍ଭ ହେଉଥିବା ନିଆରା ଗାଁ ହେଉଛି କଟକ ଜିଲ୍ଲା ନିଶ୍ଚିତକୋଇଲି ବ୍ଲକର ଗୋପପୁର ଗାଁ । ଆଖଡ଼ା ଘରେ କୁନୀ ପିଲାଙ୍କୁ ପ୍ରଶିକ୍ଷଣ ଦିଆଯାଉଛି । ଏଠାରେ ପ୍ରତିବର୍ଷ ରଜପର୍ବ ତିନି ଦିନ ଧରି ପିଲାମାନେ ମଞ୍ଚରେ ପୌରାଣିକ ନାଟକ ଓ ନୃତ୍ୟ ପରିବେଷଣ କରିଥାନ୍ତି । ଗାଁରେ ବିଭିନ୍ନ ପ୍ରକାର ଦୋଳି ପଡ଼ିବା ସହ ପାରମ୍ପରିକ ପୁଚି ଖେଳ ଦର୍ଶକଙ୍କ ମନ ମୋହିଥାଏ । 12 ବର୍ଷ ହେବ ଗାଁରେ ଏପରି ନିଆରା ଢଙ୍ଗରେ ପାଳନ ହୋଇଆସୁଛି ରଜ ।

ଓଡ଼ିଶାର ଗଣପର୍ବ ରଜକୁ ଖାସ୍ କରି କୁଆଁରୀମାନେ ପାଳନ କରିଥାନ୍ତି । ରଜ ପର୍ବ ପାଳନ ସମୟରେ ଗାଁର କୁନୀ ଝିଅମାନେ ନିଜ ପ୍ରତିଭା ପ୍ରଦର୍ଶନର ସୁଯୋଗ ପାଇଥାନ୍ତି । ରଜ ମହୋତ୍ସବକୁ ଧୂମଧାମରେ ପାଳନ କରିବା ପାଇଁ ଗ୍ରାମର ପ୍ରାୟ 50ରୁ 60ଜଣ ପିଲା ଦିନରେ 3ରୁ 4ଘଣ୍ଟା ଧରି ନାଚ, ଗୀତ ଅଭ୍ୟାସ କରୁଛନ୍ତି । ଗୋପପୁର ଗାଁରେ କମ୍ପୁଛି ଆଖଡ଼ା ଘର । ପରମ୍ପରାକୁ ବଞ୍ଚାଇବା ପାଇଁ ଗାଁ ଯୁବକଙ୍କ ଉଦ୍ୟମକୁ ବେଶ୍ ପ୍ରଶଂସା କରାଯାଉଛି ।
ଅଧିକ ପଢନ୍ତୁ ଓଡ଼ିଶା ଖବର

Download Argus News App