ଅର୍ଗସ ବ୍ୟୁରୋ : ଢେଙ୍କାନାଳ ପରଜଙ୍ଗ ଥାନା ଲୋଧଣୀ ପଞ୍ଚାୟତର ସରପଞ୍ଚଙ୍କ ଦବଙ୍ଗଗିରି । ସର୍ବସାଧାରଣରେ ଜଣେ ଡ୍ରାଇଭରଙ୍କୁ ମାଡ ମାରିବା ସହ ହତ୍ୟା ଧମକ ଦେଇଥିବା ଅଭିଯୋଗ । ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୋଲିସ । ରବିବାର ସନ୍ଧ୍ୟାରେ ସରପଞ୍ଚ ଝଶକେତନ ବିଶ୍ବାଳ ନିଜ କାରରେ ହେଡ୍ ଲାଇଟ୍ ଦେଇ ଫେରୁଥିଲେ ।
ତେବେ ଜଣେ ପିକଅପ ଡ୍ରାଇଭର ଏନେଇ ତାଙ୍କୁ ପ୍ରଶ୍ନ କରିବାକୁ ସରପଞ୍ଚ ଜଣକ ୧୦ ସମର୍ଥକଙ୍କ ସହ ତାଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ସ୍ଥାନୀୟ ଲୋକ ଆସି ଡ୍ରାଇଭରଙ୍କୁ ଉଦ୍ଧାର କରିଥିଲେ । ତେବେ ନ୍ୟାୟ ନ ମିଳିଲେ ରାଜରାସ୍ତା ଅବରୋଧ କରିବାକୁ ଚେତାବନୀ ଦେଇଛନ୍ତି ଗ୍ରାମବାସୀ ।
ଓଡ଼ିଶା ଖବର ଆହୁରି ପଢ଼ନ୍ତୁ ।
