ଅର୍ଗସ ବ୍ୟୁରୋ: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ହିଲୁଙ୍ଗ ଗାଁରେ ପିଇବା ପାଣିର ସମସ୍ୟା ଲାଗିରହିଛି । ନଳକୂପ ଖରାପ ଅଛି ଓ ସୋଲାର ଜଳ ଯୋଗାଣ ପ୍ରକଳ୍ପ ଦୀର୍ଘ ଦିନରୁ ଅଚଳ ହୋଇପଡିଛି । ଏନେଇ ବିଡିଓଙ୍କୁ ଲିଖିତ ଭାବରେ ଅଭିଯୋଗ କରି ଆସୁଥିଲେ ହେଁ ଶୁଣୁ ନଥିବା ଅଭିଯୋଗ ହୋଇଛି । ଶେଷରେ ବାଧ୍ୟ ହୋଇ ଗରା ବାଲଟି ଧରି ରାସ୍ତା ଅବରୋଧ କରିଛନ୍ତି ହିଲୁଙ୍ଗ ଗ୍ରାମବାସୀ ।
ଫଳରେ ବିରମହାରାଜପୁର-ଚାରମାଳ ରାସ୍ତାର ହିଲୁଙ୍ଗ ଛକରେ ଯାତାୟତ ବାଧାପ୍ରାପ୍ତ ହୋଇଛି । ରାସ୍ତାରେ ଗାଡି ମଟର ଚଳାଚଳ ବାଧାପ୍ରାପ୍ତ ହୋଇଛି । ସୋଲାର ପ୍ରକଳ୍ପକୁ ସଚଳ କରିବା ସହିତ ନଲକୁପକୁ ମରାମତି କରିବା ଦାବି କରିଛନ୍ତି ଗ୍ରାମବାସୀ ଦାବି ପୂରଣ ନ ହେଲେ ରାସ୍ତା ରୋକ ହଟିବ ନାହି ବୋଲି ଗ୍ରାମବାସୀ ମାନେ ଚେତବନୀ ଦେଇଛନ୍ତି ।
