Due to lack of teachers, the villagers locked the school

୫ ଟି ଶ୍ରେଣୀ ରେ ୧୧୧ ଜଣ ଛାତ୍ରୀ ପଢୁଥିଲା ବେଳେ ଜଣେ ମାତ୍ର ଶିକ୍ଷୟତ୍ରୀ ଅଛନ୍ତି। ଆଉ ଜଣେ ଶିକ୍ଷୟତ୍ରୀ ୪ ମାସ ହେବ ପ୍ରସବ କାଳୀନ ଛୁଟିରେ ଅଛନ୍ତି। ଜଣେ ଶିକ୍ଷୟିତ୍ରୀ ଥିବାରୁ ପାଠ ପଢା ସମ୍ପୁର୍ଣ୍ଣ ଠପ ହେଇଯାଇଥିବା ବେଳେ କେବଳ ମଧ୍ୟାହ୍ନ ଭୋଜନ କଥା ବୁଝିବା, ଅଫିସ କାମ ଓ ଛୁଆଙ୍କୁ ଜଗିବାରେ ସମୟ ଯାଉଛି। ସରକାରଙ୍କ ନିୟମ ମୁତାବକ ପ୍ରାଥମିକ ବିଦ୍ୟାଳୟ ରେ ୩୦ ଜଣ ପିଲା ପାଇଁ ଜଣେ ଶିକ୍ଷକ ରହିବା କଥା। ଏହି ଅନୁପାତକୁ ଦେଖିଲେ ବଡକମଣ୍ଡରା ପ୍ରାଥମିକ ବିଦ୍ୟାଳୟ ରେ ୪ ଜଣ ଶିକ୍ଷକ ରହିବା ଜରୁରି। ୧୧୦ ଛାତ୍ର ଛାତ୍ରୀ ଥିବା ସ୍କୁଲରେ ମାତ୍ର ଦୁଇଟି ଶ୍ରେଣୀ ଗୃହ ଥିବାରୁ ପିଲା ମାନେ ଠିକ ସେ ବସିବାକୁ ଜାଗା ମିଳୁନି। ସ୍କୁଲ ପରିସରରେ ଏକ ଅସୁରକ୍ଷିତ ଘର ଥିଲେ ମଧ୍ୟ ଭଙ୍ଗାଯାଉନି। ସ୍କୁଲ ପିଲା ୬ ଏକର ପରିମିତ ଏକ ବନ୍ଧ ହୁଡା ର କାଦୁଅ ରାସ୍ତା ଦେଇ ଅସୁରକ୍ଷିତ ଭାବେ ସ୍କୁଲକୁ ଯିବା ଆସିବା କରିଛନ୍ତି। ଆବଶ୍ୟକୀୟ ଶିକ୍ଷକ, ଶ୍ରେଣୀ ଗୃହ ଓ ସ୍କୁଲ କୁ କଙ୍କ୍ରିଟ ରାସ୍ତା ଯୋଗେଇ ଦେବାକୁ ବାରମ୍ବାର ପ୍ରଶାସନ ପାଖରେ ଗ୍ରାମବାସୀ ଦାବି କରୁଥିଲେ ମଧ୍ୟ ପ୍ରଶାସନ କର୍ଣ୍ଣପାତ କରୁନଥିବା ଗ୍ରାମବାସୀ  କହିଛନ୍ତି। ଶିଘ୍ର ସ୍କୁଲ ର ଶିକ୍ଷକ ଅଭାବ ଓ ଅନ୍ୟାନ୍ୟ ମୌଳିକ ସମସ୍ୟା ସମାଧାନ ପାଇଁ ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ଗ୍ରାମବାସୀ ଦାବି କରିଛନ୍ତି।