ଅର୍ଗସ ବ୍ୟୁରୋ: ରାଜଧାନୀ ହେବ ମେଟ୍ରୋ ସିଟି। ଖୁବଶିଘ୍ର ଗଡିବ ଇ-ବସ୍। ଦେଶର ଅନ୍ୟ ମେଟ୍ରୋ ସିଟି ପରି ଖୁବଶୀଘ୍ର ରାଜଧାନୀରେ ଗଡିବ ଇ-ବସ୍। ଏହାର ଟ୍ରାଏଲ ରନ ସଫଳ ହୋଇଛି।କ୍ରୁଟ ପକ୍ଷରୁ ପିପିପି ମୋଡରେ ୧୦ଟି ଇ-ବସ୍ ଟ୍ରାଏଲ ରନରେ ସାମିଲ ଥିଲା। ଜୁନ ୩୦ରୁ ପରୀକ୍ଷାମୂଳକ ଭାବେ ଗଡିଥିଲା। ଆରାମଦାୟକ ଯାତ୍ରା ସହ ତ୍ୱରିତ ସେବା ଯୋଗାଇବ ଏହି ଇ-ବସ୍। ଏହି ବସ୍ ଚାଲିବା ଦ୍ୱାରା ଧୂଆଁ ବାହାରିବନି କି ପରିବେଶ ପ୍ରଦୂଷଣ ହେବ ନାହିଁ। କ୍ରୁଟ ପକ୍ଷରୁ ଏନେଇ ସୂଚନା ଦିଆଯାଇଛି।
ବିନାଯାତ୍ରାରେ ବସ୍ ଡୀପୋରୁ ବାହାରି ରାଜଧାନୀରେ ବୁଲିଥିଲା। ପ୍ରାୟ ୨୫ଦିନ ଧରି ଏହି ପରୀକ୍ଷା ଚାଲିବା ପରେ ଏହା ସଫଳ ହୋଇଥିବା ଘୋଷରା କରିଛି କ୍ରୁଟ। ଆଗାମୀ ଦିନରେ ଆହୁରି ଅଧିକ ବସ୍ ଅଣାୌିବ ବୋଲି କ୍ରୁଟ ପକ୍ଷରୁ ସୂଚନା ମିଳିଛି। ବର୍ତ୍ତମାନ ଚନ୍ଦ୍ରଶେକରପୁରରେ ଗୋଟିଏ ଚାର୍ଜିଂ ଷ୍ଟେସନ ରହିଛି। ଆଗକୁ ଆହୁରି ଚାର୍ଜିଂ ଷ୍ଟେସନ କରାଯିବା ପାଇଁ ଲକ୍ଷ୍ୟ ରଖାଯାଇଛି। ଥରେ ଚାର୍ଜିଂ ହେଲେ ବସ୍ ୧୨୦ କିମି ଚାଲିବାର କ୍ଷମତା ରହିଛି।
ଓଡିଶା ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ : ବର୍ଷାରେ ଲାଗିବ ବ୍ରେକ । ଆସନ୍ତା ୨୩ ତାରିଖ ପରଠାରୁ ବର୍ଷା ପରିମାଣ କମିବ । ଗତ ୨୪ ଘଣ୍ଟା ମଧ୍ୟରେ ନୂଆପଡ଼ା ଜିଲ୍ଲାର ସିନାପଲ୍ଲୀରେ ସର୍ବାଧିକ ୧୨୪ ମିଲିମିଟର ବର୍ଷା ସହ ରାଜ୍ୟର ୨୦ଟି ସ୍ଥାନରେ ପ୍ରବଳ ବର୍ଷା ରେକର୍ଡ ହୋଇଛି । ରାଜ୍ୟରେ ୨୪ ଘଣ୍ଟାରେ ହାରାହାରି ୨୬.୬ ମିଲିମିଟର ବର୍ଷା ରେକର୍ଡ କରାଯାଇଛି ଯାହା ସ୍ୱାଭାବିକ ବର୍ଷା ପରିମାଣ ୮.୮ ମିଲିମିଟର ତୁଳନାରେ ୨୦୩ ପ୍ରତିଶତ ଅଧିକ ରହିଛି ।
ଅଧିକ ପଢନ୍ତୁ ଓଡ଼ିଶା ଖବର
ସେପ୍ଟେମ୍ବର ମାସରେ ରାଜ୍ୟରେ ୨୮୫. ୭ ମିଲିମିଟର ବର୍ଷା ରେକର୍ଡ କରାଯାଇଛି ଯାହା ସ୍ୱାଭାବିକ ବର୍ଷା ୧୮୫.୪ ମିଲିମିଟର ତୁଳନାରେ ୫୩ ପ୍ରତିଶତ ଅଧିକ ରହିଛି । ଆଜି ଆଭୟନ୍ତରୀଣ ଓଡିଶା ସମେତ ରାଜ୍ୟର ଅନେକ ସ୍ଥାନରେ ହାଲୁକା ମଧ୍ୟମ ଧରଣର ବର୍ଷା ହେବା ନେଇ ସୂଚନା ଦେଇଛି ପାଣିପାଗ ବିଭାଗ । ଆସନ୍ତା କାଲି ପାଇଁ ସୁନ୍ଦରଗଡ଼, ଝାରସୁଗୁଡ଼ା, କେଉଁଝର, ମୟୂରଭଂଜ ଏହି ୪ ଜିଲ୍ଲାରେ ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି ।
ଅର୍ଗସ ବ୍ୟୁରୋ : ମହିମା ଧର୍ମାବଲମ୍ବୀ ଗାଁ ଅଙ୍ଗାରାବନ୍ଧରେ ମାଗଣା ସ୍ବାସ୍ଥ୍ୟସେବା ଶିବିର । ହାତ ପାହାନ୍ତରେ ଅଞ୍ଚଳବାସୀଙ୍କୁ ନିଶୁକ୍ଳ ସ୍ବାସ୍ଥ୍ୟସେବା ଯୋଗାଇ ଦେଲା ବିକାଶ ଫାଉଣ୍ଡେସନ । ଅନୁଗୁଳ ବ୍ଲକ ଅଙ୍ଗାରାବନ୍ଧ ଠାରେ ବିକାଶ ଫାଉଣ୍ଡେସନର ଅଭିନବ ପ୍ରୟାସକୁ ପ୍ରଶଂସା କରିଛନ୍ତି ଅଞ୍ଚଳବାସୀ । ବିକାଶ ଫାଉଣ୍ଡେସନ ପକ୍ଷରୁ ଏହି ମେଗା ସ୍ବାସ୍ଥ୍ୟ ସେବା ଶିବିର ଦ୍ବାରା ପ୍ରାୟ ୫୦୦ରୁ ଅଧିକ ଅଞ୍ଚଳବାସୀ ଲାଭନ୍ବିତ ହୋଇଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ସେହିଭଳି ଛେଣ୍ଡିପଦା ବ୍ଲକ୍ ଖମାର ବରସାହି ପଞ୍ଚାୟତ କାର୍ଯ୍ୟାଳୟଠାରେ ବିକାଶ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ମାଗଣା ସ୍ବାସ୍ଥ୍ୟସେବା ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ଛେଣ୍ଡିପଦା ନିର୍ବାଚନ ମଣ୍ଡଳୀ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଗସ୍ତି ବେହେରା, ଖମାର ବରସାହି ପଞ୍ଚାୟତ ସରପଞ୍ଚ କ୍ଷୀରୋଦିନ୍ ବେହେରା ପ୍ରମୁଖ ଯୋଗ ଦେଇ ଉଦଘାଟନ କରିଥିଲେ ।
ଭୁବନେଶ୍ବରର ବଡ଼ ବଡ଼ ମେଡ଼ିକାଲରୁ ମେଡିସିନ୍, ଅର୍ଥପେଡି, ଚର୍ମରୋଗ ଆଦି ବିଭାଗର ୮ ଜଣିଆ ଡାକ୍ତର ଟିମ୍ ସହ ନର୍ସ ଓ ଫାର୍ମାସିଷ୍ଟ ରହି ରୋଗୀଙ୍କୁ ପରୀକ୍ଷା ନୀରିକ୍ଷା କରି ମାଗଣାରେ ସମସ୍ତ ଔଷଧ ଦିଆଯାଉଛି ।
ଅର୍ଗସ ବ୍ୟୁରୋ : ଧାମନଗର ସ୍ବାସ୍ଥ୍ୟ କର୍ମଚାରୀ ବସନ୍ତ ସାହୁଙ୍କ ହତ୍ୟା ମାମଲାରେ ୫ ଦିନ ଜେରା ପରେ ଜେଲ ଗଲେ ଲିଙ୍ଗରାଜ ସାହୁ । ଗତ ୧୫ ତାରିଖରେ ରାତିରେ ଗୋବିନ୍ଦପୁର ଗ୍ରାମର ବସନ୍ତ ସାହୁଙ୍କୁ ଦୁବୃର୍ତ୍ତ ମାନେ ହତ୍ୟା କରି ଧାମନଗର କଲେଜ ନିକଟରେ ପକାଇ ଦେଇଥିଲେ । ବସନ୍ତ ସାହୁଙ୍କ ମୃତ ଉଦ୍ଧାର କରିବା ସହ ଧାମନଗର ପୋଲିସ ଜଣଙ୍କୁ ଗିରଫ କରିଥିଲା ।
ଅଧିକ ପଢନ୍ତୁ ଓଡ଼ିଶା ଖବର
ଧାମନଗର ପୋଲିସ ଏକ ମାମଲା ରୁଜୁ କରିବା ସହ ଅଭିଯୁକ୍ତ ଲିଙ୍ଗରାଜ ସାହୁଙ୍କୁ ୫ ଦିନ ଜେରା ପରେ ଜେଲ୍ ପଠାଇଛି ପୋଲିସ । ସେପଟେ ବସନ୍ତ ସାହୁଙ୍କ ପରିବର ଅଭିଯୋଗ ଅନୁଯାୟୀ ମୁଖ୍ୟ ଅଭିଯୁକ୍ତ ଅଜିତ ସାହୁ ଏବେବି ଫେରାର୍ ଅଛି । ତେବେ ଗିରଫ ହୋଇଥିବା ଲିଙ୍ଗରାଜ ସାହୁ ଓ ଅଜିତ୍ ସାହୁଙ୍କ ସହଯୋଗ ତଥା ବନ୍ଧୁ ଥିଲେ ।
