ପୂର୍ବ ତଟ ରେଳପଥ ଦେଇ ଶ୍ରମିକ ସ୍ପେଶାଲ ଟ୍ରେନ୍‌ରେ ଫେରିଛନ୍ତି ତିନି ଲକ୍ଷରୁ ଅଧିକ ପ୍ରବାସୀ ଶ୍ରମିକ, ପର୍ଯ୍ୟଟକ ଓ ଛାତ୍ରଛାତ୍ରୀ

ଭୁବନେଶ୍ୱର:  କରୋନା ସଂକ୍ରମଣ ସମୟରେ ଶ୍ରମିକ ସ୍ପେଶାଲ ଟ୍ରେନରେ ପ୍ରବାସୀ ଶ୍ରମିକ, ପର୍ଯ୍ୟଟକ ଓ ଛାତ୍ରଛାତ୍ରୀ ନିଜ ନିଜ ଘରକୁ ଫେରୁଛନ୍ତି । ତେବେ କେନ୍ଦ୍ର ସରକାରଙ୍କ ପକ୍ଷରୁ ଏହି ସେବା ଚଳିତ ବର୍ଷ ମେ ପହିଲାରୁ ଆରମ୍ଭ ହୋଇଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶାନୁଯାୟୀ ପ୍ରବାସୀ ଶ୍ରମିକଙ୍କୁ ସେମାନଙ୍କ ଘରେ ପହଞ୍ଚାଇବା କାର୍ଯ୍ୟ 24 ଜୁନ, 2020 ସୁଦ୍ଧା  ସମାପ୍ତ ହୋଇଯିବାର ଥିଲା  । ପୂର୍ବ ତଟ ରେଳପଥରେ ଏହି କାର୍ଯ୍ୟ ସମୟ ସୀମା ମଧ୍ୟରେ ପ୍ରାୟ ସମାପ୍ତ ହେଇଯାଇଛି ।  ଯେହେତୁ ବିଭିନ୍ନ ରାଜ୍ୟରୁ  ପୂର୍ବ ତଟ ରେଳପଥକୁ ଆସିବା ପାଇଁ ଥିବା ଶ୍ରମିକ ସ୍ପେସିଆଲ ଟ୍ରେନ ଗୁଡିକର ସଂଖ୍ୟା ଅତି କମ  । ପୂର୍ବ ତଟ ରେଳପଥ ମଧ୍ୟରେ ଓଡିଶା, ଆନ୍ଧ୍ର ପ୍ରଦେଶ ଓ  ଛତିଶଗଡ ରାଜ୍ୟରୁ ବିଭିନ୍ନ ରାଜ୍ୟକୁ ଶ୍ରମିକ ସ୍ପେସିଆଲ ଟ୍ରେନ ପଠାଇବାର ଆବଶ୍ୟକତାକୁ ପୂରଣ କରିପାରିଛି  ।

ପୂର୍ବତଟ ରେଳପଥ ମେ, 2020ର ପ୍ରଥମ ସପ୍ତାହରୁ ଏହାର ଅଧିକାର କ୍ଷେତ୍ର ଅଧୀନରୁ ପାଖାପାଖି 634ଟି ଶ୍ରମିକ ସ୍ପେଶାଲ ଟ୍ରେନ ପରିଚାଳନା କରିଛି  ।  ଏଥି ମଧ୍ୟରୁ 250ଟି ଶ୍ରମିକ ସ୍ପେଶାଲ ଟ୍ରେନ ବାହାର ରାଜ୍ୟରୁ ପୂର୍ବତଟ ରେଳପଥ ଅଧିକାର କ୍ଷେତ୍ରକୁ ଆସିଛି  ।  14 ଟି ଶ୍ରମିକ ସ୍ପେଶାଲ ଟ୍ରେନ ଗୁଡିକୁ ପୂର୍ବ ତଟ ଅଧୀନରେ ଥିବା ବିଭିନ୍ନ ସ୍ଥାନରୁ   ଯଥା  ସମ୍ବଲପୁରରୁ  ଗୋଟିଏ, ଭୁବନେଶ୍ୱରରୁ ଦୁଇଟି ଅନ୍ୟ ସବୁ ବିଶାଖାପାଟଣାରୁ ବିଭିନ୍ନ ସ୍ଥାନ ମାନଙ୍କୁ ପଠାଯାଇଛି  । ଗୁଜୁରାଟ, ମହାରାଷ୍ଟ୍ର, ତାମିଲନାଡୁ, କେରଳ, ଦିଲ୍ଲୀ ଓ ଆନ୍ଧ୍ର ପ୍ରଦେଶରୁ ଏହି ଟ୍ରେନ ଗୁଡିକ ଓଡିଶାକୁ ଆସିଥିଲା  । ପ୍ରାୟ 372 ଟି ଶ୍ରମିକ ସ୍ପେଶାଲ ଟ୍ରେନ ମଧ୍ୟ ପୂର୍ବ ତଟ ରେଳପଥର ମାର୍ଗରେ  ସୁରକ୍ଷିତ ରୂପେ ଚଳାଚଳ କରିଥିଲା, ଯେଉଁଗୁଡିକରେ  ପୂର୍ବ ତଟ ରେଳପଥର ବିଭିନ୍ନ ଷ୍ଟେସନମାନଙ୍କରେ ଖାଦ୍ୟ  ତଥା ଅନ୍ୟାନ୍ୟ ସୁବିଧା ପ୍ରଦାନ କରାଯାଇଥିଲା ।

ଯେତେବେଳେ ବି ଆବଶ୍ୟକତା ହେବ ଶ୍ରମିକ ସ୍ପେସିଆଲ ଟ୍ରେନ ଯୋଗାଇ ଦେବା ନିମନ୍ତେ  ସମସ୍ତ  ରାଜ୍ୟ ସରକାର ମାନଙ୍କୁ ରେଳ ମନ୍ତ୍ରଣାଳୟ ପକ୍ଷରୁ ଆଶ୍ୱାସନା ଦିଆଯାଇଛି  । ଆଇ.ଆର.ସି.ଟି.ସି ସହଯୋଗରେ ଶ୍ରମିକ ସ୍ପେଶାଲ ଟ୍ରେନ ମାନଙ୍କରେ ପୂର୍ବ ତଟ ରେଳପଥ ପକ୍ଷରୁ 12 ଲକ୍ଷରୁ ଅଧିକ ନିଃଶୁଳ୍କ ଖାଦ୍ୟ ଓ ପାଣି ବୋତଲ ଯାତ୍ରୀମାନଙ୍କୁ ଯୋଗାଇ ଦିଆ ଯାଇଥିଲା  । ଏହି ଶ୍ରମିକ ଟ୍ରେନ ଗୁଡିକ  ଯାତ୍ରା କରୁଥିବା ସମୟରେ ରେଳପଥର ଡାକ୍ତର ଓ କର୍ମଚାରୀମାନଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ  ସୁରକ୍ଷିତ ରୂପେ ପ୍ରସବ ହୋଇ  ଅନେକ ନବଜାତ ଶିଶୁଙ୍କ ଜନ୍ମ ହେବାର ସ୍ମରଣୀୟ ଘଟଣା ମଧ୍ୟ ଘଟିଥିଲା ।