ଅଧାବାଟରେ ଆମ୍ବୁଲାନ୍ସରୁ ସରିଗଲା ତେଲ, ଯନ୍ତ୍ରଣା ସହି ନପାରି ଜୀବନ ହାରିଲେ ପ୍ରସୂତି

by Aryan Cross

ବାରିପଦା: ଆମ୍ବୁଲାନ୍ସରୁ ସରିଗଲା ତେଲ । ଅକଳାରେ ଚାଲିଗଲା ପ୍ରସୂତିଙ୍କ ଜୀବନ । ଏଭଳି ଏକ ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ବାଙ୍ଗିରିପୋଷି ଅଞ୍ଚଳରେ । ମୃତ ମହିଳା ଜଣଙ୍କ ହେଉଛନ୍ତି ହାଣଦା ଗ୍ରାମର ଚିତ୍ତରଞ୍ଜନ ମୁଣ୍ଡାଙ୍କ ସ୍ତ୍ରୀ ତୁଳସୀ ମୁଣ୍ଡା ।

ଘଟଣା ଏମିତି.. ତୁଳସୀ ଗତକାଲି ରାତିରେ ପ୍ରସବ ବେଦନା ଅନୁଭବ କରିବାରୁ ପରିବାର ଲୋକେ ରାତି 11.30 ରେ ତାଙ୍କୁ ପ୍ରଥମେ ବଙ୍ଗରିପୋଷି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । ସେଠାରେ ଡାକ୍ତର ତୁଳସୀଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବା ଦର୍ଶାଇ ତାଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ହସପିଟାଲକୁ ସ୍ଥାନାନ୍ତରିତ କରିଥିଲେ । ସେହି ସମୟରେ ଡାକ୍ତରଖାନାରେ 108 କିମ୍ଵା 102 ଆମ୍ବୁଲାନ୍ସ ନଥିବାରୁ ଡାକ୍ତରଖାନା ଆମ୍ବୁଲାନ୍ସ ଦ୍ଵାରା ପ୍ରସୂତିଙ୍କୁ ବାରିପଦା ନିଆଯାଇଥିଲା ।

ହେଲେ ଦୁର୍ଭାଗ୍ୟ ବଶତଃ ଅଧବାଟରେ ଆମ୍ବୁଲାନ୍ସରୁ ତେଲ ସରିଯିବା ଫଳରେ ପ୍ରସୂତି ଜଣଙ୍କ ସେଠାରେ ପାଖାପାଖି ଦୁଇଘଣ୍ଟା ଧରି କଷ୍ଟରେ ଛଟପଟ ହୋଇଥିଲେ । ପରେ ଅନ୍ୟ ଏକ 108 ଆମ୍ବୁଲାନ୍ସ ଘଟଣା ସ୍ଥଳରେ ପହଂଚି ପ୍ରସୂତିଙ୍କୁ ନେଇ ବାରିପଦା ଆସିବା ରାସ୍ତାରେ ମହିଳାଙ୍କର ମୃତ୍ୟୁ ହିଇଯାଇଥିଲା । ଏନେଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

"ନବୀନ ବାବୁ ଧର୍ଯ୍ୟହରା ହୋଇ ଏପଟ ସେପଟ କଥା କହୁଛନ୍ତି"- ଜୟ ନାରାୟଣ

by Swayangprajna Mishra

jay-narayana-mishra-speak-on-naveen-patnaik

ଭୁବନେଶ୍ବର : ରାଜ୍ୟରେ ନବୀନ ପଟ୍ଟନାୟକଙ୍କଠୁ ଅଧିକ ଜନ ବିରୋଧୀ କିଏ । ନବୀନ ପଟ୍ଟନାୟକ ସବୁଠୁ ଅଧିକ ଜନ ବିରୋଧୀ । ବିଗତ ୨୩ ବର୍ଷର ଶାସନ କାଳରେ ଓଡିଶାକୁ ଗୋଟେ ପଛୁଆ ରାଜ୍ୟରେ ପରିଣତ କରିଛନ୍ତି ନବୀନ ପଟ୍ଟନାୟକ । ଆମେ ଭିତ୍ତିଭୂମି ରେ ପଛୁଆ, ଦାରିଦ୍ର୍ୟତା, ନାରୀ ନିର୍ଯ୍ୟାତନା ରେ ପ୍ରଥମ । ଆଇନ ଶୃଙ୍ଖଳା ବୋଲି କିଛି ନାହିଁ ରାଜ୍ୟରେ । ପ୍ରାଥମିକ ଶିକ୍ଷା ଓ ସ୍ୱାସ୍ଥ୍ୟ ସମ୍ପୂର୍ଣ୍ଣ ଭାବେ ବିପର୍ଯ୍ୟସ୍ତ । ନବୀନ ବାବୁ ଆମକୁ ଜନ ବିରୋଧୀ କହିବା ପୂର୍ବରୁ ଭାବିବା କଥା ସେ ହେଉଛନ୍ତି ସବୁଠୁ ବଡ଼ ଜନ ବିରୋଧୀ । ସେ ଜନ ବିରୋଧୀ ନ ହୋଇଥିଲେ ଜଣେ ଆଇଇଏସ୍ ଅଫିସର କୁ ଲିଜ ରେ ସରକାର ଚଳାଇବାକୁ ଦେଇଥାନ୍ତେ କି ? ଗୋଟେ ଆଇଇଏସ୍ ଅଫିସର କୁ ଲିଜ ରେ ଦେଇ ସରକାର ଚଳାଇଛନ୍ତି ନବୀନ ପଟ୍ଟନାୟକ ।

ଅଧିକ ପଢନ୍ତୁ : ମୁଖ୍ୟମନ୍ତ୍ରୀ ରଖିଥିବା ବିବୃତିକୁ ନେଇ ଜୟ ନାରାୟଣ ମିଶ୍ରଙ୍କ କଡ଼ା ପ୍ରତିକ୍ରିୟା

ଗୁଜୁରାଟ ଭଳି ମରୁଭୂମି ରାଜ୍ୟ ବିକାଶର ଶୀର୍ଷରେ ପହଁଚିଥିବା ଆମେ ବିହାର ଛତିଶଗଡ଼ ସହ ତୁଳନୀୟ ହେଉଛୁ । ମୁଖ୍ୟମନ୍ତ୍ରୀ ଯଦି ବିରୋଧୀ ଦଳକୁ ଜନ ବିରୋଧୀ କହୁଛନ୍ତି ତ ଜନ ବିରୋଧୀ ମାନେ କିପରି ବିଧାନସଭା ରେ ବସିବେ । ସେଇଟା ଭାବିବା କଥା । ଗୋଟେ ଦାୟିତ୍ୱ ହୀନ ମନ୍ତବ୍ୟ ଦେଇଛନ୍ତି ନବୀନ ପଟ୍ଟନାୟକ । ଆମେ କେଉଁ ଅପ ପ୍ରଚାର କଲୁ ତାହାର ପ୍ରମାଣ ଦେବେ କି । ଆମେ ତ ତାଙ୍କୁ ଭଲ କହୁଛୁ । ଖାଲି ଓଡିଶା ପାଇଁ କଳଙ୍କ ହୋଇଛନ୍ତି ଟିକିଏ । ସେଥିରୁ ସେ ଅପସରି ଯାଆନ୍ତୁ । ଭଗବାନ ତାଙ୍କୁ ଦୀର୍ଘାୟୁ କରନ୍ତୁ । ନବୀନ ବାବୁ ଚିନ୍ତିତ ଅଛନ୍ତି । ନ ହେଲେ ଏତେ ଦିନ ହେବ କହୁ ନଥିଲେ ଆଜି କାହିଁ କହୁଛନ୍ତି । ତାଙ୍କର କର୍ମ ଯୋଗୁ ସେ ଚିନ୍ତିତ ଅଛନ୍ତି । ସେଥିପାଇଁ ସେ ଧର୍ଯ୍ୟହରା ହୋଇ ଏପଟ ସେପଟ କଥା କହୁଛନ୍ତି ।

ସୌରୀନ ଭଟ୍ଟଙ୍କ ପାଇଁ ବଢ଼ିଲା ଅଡ଼ୁଆ

by Banajyotshna Ray

Cuttack Commissionerate police to issue a non-bailable arrest warrant against Saurin Bhatt

ଅର୍ଗସ ବ୍ୟୁରୋ: କଣ୍ଠଶିଳ୍ପୀ ସୌରୀନ ଭଟ୍ଟଙ୍କ ପାଇଁ ବଢ଼ିଲା ଅଡ଼ୁଆ। ସୌରୀନଙ୍କ ବିରୁଧରେ ଜାରି ହେବ ଏନବିଡବ୍ଲୁ। କୋର୍ଟରେ ଆବେଦନ କରିବ କମିଶନରେଟ ପୋଲିସ୍। ଏନେଇ ସୂଚନା ଦେଲେ କଟକ ଡିସିପି।ଯୌନ ନିର୍ଯାତନା ମାମଲାରେ ଅଭିଯୁକ୍ତ ଓଲିଉଡ ଗାୟକ ସୌରୀନ ଭଟ୍ଟଙ୍କ ନାମରେ ମାମଲା। ପୋଲିସ ପକ୍ଷରୁ ସୌରୀନଙ୍କ ବିରୁଦ୍ଧରେ ମାମଲା ଦାୟର ହୋଇଛି। କାଷ୍ଟିଙ୍ଗ୍ କାଉଚ୍ ଅଭିଯୋଗ ସୌରିନଙ୍କ ଉପରେ ଆସିଥିଲା । ଅଭିଯୁକ୍ତ ମହିଳା ତାଙ୍କ ବିରୁଦ୍ଧରେ ମିଛ ପ୍ରତିଶୃତି ଏବଂ ଶାରିରୀକ ଉତ୍ପିଡନର ମାମଲା ଦାୟର କରିଥିଲେ ।

ଅଧିକ ପଢ଼ନ୍ତୁ ଓଡିଶା ଖବର:

ଚୋର ଗ୍ୟାଙ୍ଗକୁ ଧରିଲେ ଗ୍ରାମବାସୀ, ଦେଲେ ପୋଲିସର ଜିମା

by Jitendra Dash

ଅର୍ଗସ ବ୍ୟୁରୋ : ଦିନରେ ବିଭିନ୍ନ ସ୍ଥାନରେ ଶ୍ରମିକ ଭାବେ କାମ କରୁଛନ୍ତି ଓ ରାତି ହେଲେ ଲୋକଙ୍କ ଘରେ ପସି କଳାକନା ବୁଲାଉଛନ୍ତି । ଏଭଳି ଏକ ଚୋର ଗ୍ୟାଙ୍ଗକୁ ଧରି ପୋଲିସର ଜିମା ଦେଇଛନ୍ତି ଗାଁ ଲୋକ । ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ସିକୋ ଫାଣ୍ଡି ଅନ୍ତର୍ଗତ ହଜ ପଞ୍ଚାୟତର ମୁକ୍ତାପୁର ଗ୍ରାମରେ ଗତକାଲି ବିଳମ୍ବିତ ରାତିରେ ଚୋର ଗ୍ୟାଙ୍ଗକୁ ଧରି ଉତ୍ତମ ମାଧ୍ୟମ ଦେଇ ପୋଲସର ଜିମା ଦେଇଛନ୍ତି ଗାଁ ଲୋକ ।

ଅଧିକ ପଢନ୍ତୁ ଓଡ଼ିଶା ଖବର

ଗ୍ରାମର ନିତ୍ୟାନନ୍ଦ ଜେନା ଓ ଧ୍ରୁବ ଚରଣ ବେହେରାଙ୍କ ଘରେ ପସି ପରିବାର ଲୋକଙ୍କୁ ବହାରପଟୁ ଲକ କରି ଘରୁ ଲକ୍ଷାଧିକ ଟଙ୍କାର ଆସବାବପତ୍ର ସହ ଟଙ୍କା ଅଳଙ୍କାର ନେଇ ଲୁଟି ନେଇଥିଲେ । ଲୁଟ କରି ଫେରୁଥିବା ବେଳେ ସେହି ଗ୍ରାମର କିଛି ଯୁବକ ଯାତ୍ରା ଦେଖି ଫେରୁଥିବା ସମୟରେ ଚୋରଙ୍କୁ ସନ୍ଦେହରେ ଅଟକାଇଥିଲେ । ଏବଂ ଗାଁରୁ ଲୁଟ କରି ଫେରୁଥିବା ଜାଣିପାରି ସେମାନଙ୍କୁ ମାଡ଼ମାରି ଜଙ୍କିଆ ଥାନାର ଜିମା ଦେଇଥିଲେ ।

ସେହିପରି ଅନ୍ୟ ଜଣେ ଚୋର ମଧ୍ୟ ନିକଟସ୍ଥ ଜଙ୍ଗଲରେ ଲୁଚିଥିବା ବେଳେ ଗ୍ରାମର ଯୁବକ ମାନେ ଆଜି ମଧ୍ୟାନ୍ନ ସମୟରେ ଧରି ପୋଲିସକୁ ହସ୍ତାନ୍ତର କରିଥିବା ଜଣାପଡ଼ିଛି । ମୋଟ ୪ ପୁରୁଷ ୨ ମହିଳା ୪ ଜଣ ନାବାଳକ ଥିବା ଗ୍ରାମବାସୀଙ୍କ ଠାରୁ ଜଣାପଡିଛି । ଏହି ଅଞ୍ଚଳରେ କିଛିଦିନ ହେବ ଚୋରି ରାହାଜାନି ବୃଦ୍ଧି ପାଉଥିବା ବେଳେ ପୋଲିସ ପାଟ୍ରୋଲିଂ କରୁନଥିବା ଅଭିଯୋଗ ହୋଇଛି ।