ଅର୍ଗସ ବ୍ୟୁରୋ: ନୟାଗଡ ଜ଼ିଲ୍ଲା ରଣପୁର ବ୍ଲକ ଅନ୍ତର୍ଗତ ନରସିଂହପୁର ଗ୍ରାମ। ଏହି ଗ୍ରାମର କିଛି ଶିକ୍ଷିତ ଯୁବକ ବିଦେଶୀ କମ୍ପାନୀ ଠାରୁ ରଙ୍ଗୀନ ଫୁଲ କୋବି ଚାଷ ପ୍ରଣାଳୀର ତାଲିମ ନେବା ପରେ ଅଧିକ ଦୁଇପଇସା ଲାଭପାଇବା ଆଶାରେ ନିଜ ଗ୍ରାମ ନରସିଂହପୁରରେ 5ଏକର ଚାଷ ଜମିରେ ବ୍ରୋକେଲି, ନାଲି, ନେଲି ଫୁଲ କୋବି ଚାଷ କରିଛନ୍ତି l ଗୋଟିଏ ଫୁଲ କୋବି ପିଛା 18ଟଙ୍କା ରୁ 20ଟଙ୍କା ଖର୍ଚ୍ଚ ହେଉଥିବା ବେଳେ ସ୍ଥାନୀୟ ବଜାରରେ ଏହାର ଚାହିଦା ନଥିବାରୁ 15ରୁ 18ଟଙ୍କାରେ ବିକି କ୍ଷତି ସହୁଛି ଚାଷୀ l
ସେପଟେ ଉତ୍ପାଦିତ ଦ୍ରବ୍ୟର ସଂରକ୍ଷଣ ପାଇଁ ସ୍ଥାନୀୟ ଅଂଚଳରେ ଶୀତଳ ଭଣ୍ଡାର ଟିଏ ନଥିବାରୁ ଫଳରେ ଅଭାବୀ ବିକ୍ରିର ଶିକାର ହୋଇ ଚାଷ ପ୍ରତି ବିମୁଖ ହେଉଛି ଚାଷୀ l ଚାଷୀ ମାନଙ୍କ ପାଇଁ କୃଷିଯନ୍ତ୍ରପାତି ତ ଦୂରର କଥା ଉନ୍ନତମାନର ସାର ବିହନ ଯୋଗାଇ ଦିଆଯାଉନଥିବା ବେଳେ କୃଷିଅଧିକାରୀ ମାନଙ୍କର ଦେଖା ନଥିବା ଅଭିଯୋଗ କରିଛନ୍ତି ଚାଷୀ lସେପଟେ ହର୍ଟିକଲଚର ଅଧିକାରୀ କହିଛନ୍ତି ଚାଷୀଙ୍କ ଉତ୍ପାଦିତ ଦ୍ରବ୍ୟର ସଂରକ୍ଷଣ ପାଇଁ ଆମ ଏଠାରେ କୌଣସି ବ୍ୟବସ୍ଥା ନଥିବାବେଳେ ରଙ୍ଗୀନ ଫୁଲକୋବି ଚାଷୀଙ୍କ ପାଇଁ ସରକାରୀସ୍ତରରେ ଯାହା ସୁବିଧା ରହିଛି ତାହା ତୁରନ୍ତ ଯୋଗାଇଦିଆଯିବ l
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧୀନସ୍ଥ ଓସ୍ତପଡା ଗ୍ରାମ କାଜୁ ଜଙ୍ଗଲରେ ଚାଲିଥିଲା ଜୁଆ ଆଡ୍ଡା । ବିଶେଷ ସୂତ୍ରରୁ ଖବର ପାଇ ଚାନ୍ଦପୁର ପୋଲିସ ଚଢ଼ାଉ କରି ୩ ଜଣ ଜୁଆଡିଙ୍କୁ ଗିରଫ କରିବା ସହିତ ଜୁଆ ଖେଳରେ ବ୍ୟବହୃତ ସାମଗ୍ରୀ ଜବତ କରିଛି । ଘୁଡୁଘୁଡ଼ିଆ ପାଲି- ଗୋଟି, ୬ ଟି ମୋଟର ସାଇକେଲ, ୩ ଟି ମୋବାଇଲ ଏବଂ ନଗଦ ୩୫ ହଜାର ୬୭୦ ଟଙ୍କା ଜବତ କରିଛି ଚାନ୍ଦପୁର ପୋଲିସ ।
ଅଧିକ ପଢନ୍ତୁ ଓଡ଼ିଶା ଖବର
ଗିରଫ ଅଭିଯୁକ୍ତ ମାନେ ହେଲେ ଖୋର୍ଦ୍ଧା ଅଞ୍ଚଳର ପଲାହାଟ ଗ୍ରାମର ଉଚ୍ଚବ ପ୍ରଧାନ, ଭୁଷଣ୍ଡପୁର ଗ୍ରାମ ଉରୁମୁଖି ସାହିର ବ୍ରଜ ବେହେରା ଓ ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧିନସ୍ଥ କନ୍ଧନୟାଗଡ଼ ଗ୍ରାମର ଗଣେଶ ବେହେରା । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଚାନ୍ଦପୁର ଥାନା ଅଧିକାରୀ ଜଗଦୀଶ କର ସୂଚନା ଦେଇଛନ୍ତି
ଅର୍ଗସ ବ୍ୟୁରୋ : ମାହାଙ୍ଗା ଡବଲ ମର୍ଡର ମାମଲାରେ କୋର୍ଟଙ୍କ ନିର୍ଦେଶରେ ଦଫା ୩୦୨ ଲାଗିବା ପରେ ହତାସ ହୋଇପଡ଼ିଛନ୍ତି ପ୍ରତାପ ଜେନା । କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଛନ୍ତି ବିଜେଡିର ପାୱାରଫୁଲ ପ୍ରତାପ । ସେ ନିର୍ଦ୍ଦୋଶ ତାଙ୍କୁ ଚକ୍ରାନ୍ତ କରି ଫସାଯାଇଥିବା ସଫେଇ ଦେଇଛନ୍ତି ପ୍ରତାପ ଜେନା ।
ଅଧିକ ପଢନ୍ତୁ : ବିଜେଡି ବିଧାୟକ ପ୍ରତାପ ଜେନାଙ୍କ ବିରୋଧରେ ବଡ଼ ପ୍ରମାଣ
ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ନାଁରେ ଲାଗିଛି 302, 120 ବି ଓ 506 । ଦଫା ୩୦୨ ଲାଗିବା ପରେ ଗିରଫ ନେଇ ପ୍ରତାପଙ୍କ ମନରେ ପଶିଛି କି ଛନକା ? ସେଥିପାଇଁ ହତାସ ହୋଇ ଦେଇଛନ୍ତି କି ଏପରି ବୟାନ ?
