ଅର୍ଗସ ବ୍ୟୁରୋ:ଅନୁଭବ ଓ ବର୍ଷା ସୋସିଆଲ ମିଡିଆରେ ଓ ଗଣମାଧ୍ୟମରେ ପରସ୍ପରକୁ ଆକ୍ଷେପ କରିବାରୁ ଦୁରେଇ ରହିବା ଉଚିତ୍। ଏଥିସହିତ ହାଇକୋର୍ଟ ଆଶା ବ୍ୟକ୍ତ କରିଛନ୍ତି ଉଭୟ ଉଭୟଙ୍କୁ ସମ୍ନାନ ଦେବେ। ସୋସିଆଲ ମିଡିଆରେ ଅନୁଭବଙ୍କ ସିରିଜ ଭିଡିଓ ପରେ ବର୍ଷାଙ୍କ ଅଭିଯୋଗ ମାମଲାର ଅନ୍ତ ଘଟାଇ ଏହା କହିଛନ୍ତି ହାଇକୋର୍ଟ । ଗତ ବର୍ଷ ମେ ମାସରେ ବିଜେଡି ସାଂସଦ ଅନୁଭବ ମହାନ୍ତି ସୋସିଆଲ ମିଡିଆରେ ବର୍ଷାଙ୍କୁ ଆକ୍ଷେପ କରି ସିରିଜ୍ ଭିଡିଓ ଜାରି କରିଥିଲେ । ବ୍ୟକ୍ତିଗତ ଆକ୍ଷେପ ବି କରିଥିଲେ। ଏ ନେଇ ବର୍ଷା ଥାନାରେ ଏତଲା ଦେଇଥିଲେ। ପରେ ହାଇକୋର୍ଟକୁ ଯାଇଥିଲେ ବର୍ଷା। ହାଇକୋର୍ଟ ମେ ମାସରୁ ଅନୁଭବଙ୍କ ଉପରେ ରୋକ ଲଗାଇଥିଲେ।
ଅନୁଭବ ଟିଭି କିମ୍ବା ସୋସିଆଲ ମିଡିଆରେ ବର୍ଷାଙ୍କୁ ଆକ୍ଷେପ କରିପାରିବେନି ବୋଲି କହିଥିଲେ। ବର୍ଷା ମଧ୍ୟ ଅନୁଭବଙ୍କୁ ଆକ୍ଷେପ କରି କିଛି କହିପାରିବେନି ବୋଲି କୋର୍ଟ କହିଥିଲେ। 2020ରେ ଅନୁଭବ ଡିଭୋର୍ସ କେସ ଫାଇଲ୍ କରିବା ପରେ ଅନୁଭବ ବିଭିନ୍ନ ସମୟରେ ସୋସିଆଲ ମିଡିଆରେ ବର୍ଷାଙ୍କୁ ଆକ୍ଷେପ କରିଥିଲେ । ତବେ ବର୍ଷା ନା ସୋସିଆଲ ମିଡିଆରେ କେବେ କିଛି କହିଛନ୍ତି ନା ଗଣମାଧ୍ୟରେ କେବେ କିଛି ପ୍ରତିକ୍ରିୟା ରଖିଛନ୍ତି।
ଅଧିକ ପଢନ୍ତୁ ଓଡିଶା ଖବର
