ଗତ 3 ବର୍ଷକୁ ଅନୁମେୟ କଲେ ଓଡ଼ିଶାକୁ ଧାର୍ଯ୍ୟ ଆବଣ୍ଟିତ ସାର ପରିମାଣଠାରୁ ଅଧିକ ସାର ଯୋଗାଇ ଦିଆଯାଉଛି । ତେଣୁ ଓଡ଼ିଶା ସରକାର ରାଜ୍ୟକୁ ଧାର୍ଯ୍ୟ ଆବଣ୍ଟିତ ପରିମାଣର ସାର ଠାରୁ କମ୍ ସାର ଦିଆଯାଇଥିବା କହି କେନ୍ଦ୍ରକୁ ଯେଉଁ ପତ୍ର ଲେଖିଛନ୍ତି, ତାହା ସମ୍ପୂର୍ଣ୍ଣ ଭିତ୍ତିହୀନ ।
ଏକପାଖିଆ ଭାବେ ସାରର ଉପଲବ୍ଧି ନେଇ ରାଜ୍ୟ ସରକାର ଯେଉଁ ପ୍ରସଙ୍ଗ ଉଠାଇ ଚାଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି, ତାହା କେବଳ ଲୋକ ଦେଖାଣିଆ । କେନ୍ଦ୍ର ସାର ବିଭାଗ ପକ୍ଷରୁ ୟୁରିଆ, ଡ଼ିଏପ, ଏମଓପି, ଏନପିକେଏସ ସାରର ପର୍ଯ୍ୟାପ୍ତ ପରିମାଣର ଉପଲବ୍ଧ ଥିବା ସ୍ପଷ୍ଟ କରାଯାଇଛି ।
କେନ୍ଦ୍ର ସରକାରଙ୍କ ସାର ବିଭାଗ ଦ୍ୱାରା ମଧ୍ୟ ଏହା ସ୍ପଷ୍ଟ କରାଯାଇଛି ଯେ, ତଥ୍ୟ ଆଧାରରେ ଆବଶ୍ୟକତା ଠାରୁ ରାଜ୍ୟ ପାଖରେ ଅଧିକ ସାର ଉପଲବ୍ଧ ରହିଛି । ତେଣୁ ରାଜ୍ୟ ସରକାର କେନ୍ଦ୍ର ଉପରେ ଆକ୍ଷେପ ନକରି ଏକପାଖିଆ ନୁହେଁ ତଥ୍ୟର ସଠିକ୍ ଅନୁଧ୍ୟାନ କରନ୍ତୁ ।
