ଅର୍ଗସ ବ୍ୟୁରୋ: ବିଳମ୍ବିତ ରାତିରେ ଜଳି ଗଲା ଦୁଇ ଚାଷୀଙ୍କ ଦୁଇ ଘର। ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ ରହଣିହା ପଞ୍ଚାୟତ ଆକୁଲିକଣା ଗ୍ରାମ ଚାଷୀ ଉମାକାନ୍ତ ନାୟକ ଓ ଚାଷୀ ରାଜକିଶୋର ସ୍ୱାଇଁଙ୍କ ଦୁଇଟି ଘର ସମ୍ପୂର୍ଣ୍ଣ ଜଳି ଯାଇଥିବା ବେଳେ ଘରେ ଥିବା ବାଇକ୍ ଓ ଘରର ସମସ୍ତ ସାମଗ୍ରୀ ନଷ୍ଟ ହୋଇ ଯାଇଥିବା ସୂଚନା ମିଳିଛି। ଗୁରୁବାର ବିଳମ୍ବିତ ରାତ୍ର ପ୍ରାୟ ୧୧ ସମୟରେ ଘରର ସମସ୍ତ ଲୋକେ ସୋଇଥିବା ବେଳେ ଏଭଳି ଅଘଟଣ ଘଟି ପୁରା ଦୁଇଟି ଘର ଜଳି ଯାଇଛି। ଏହାସହ ଘରର ସମସ୍ତ ସାମଗ୍ରୀ ଓ ଘରେ ଥିବା ଏକ ବାଇକ୍ ମଧ୍ୟ ଜଳି ଯାଇ ଥିବା ପରିବାର ଲୋକେ ସୂଚନା ଦେଇଛନ୍ତି।
ତେବେ ପରିବାର ଲୋକେ ଓ ଗ୍ରାମବାସୀ ନିଆଁ କୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ। ସୂଚନା ଅନୁଯାୟୀ ଅଗ୍ନିଶମ ବିଭାଗର କର୍ମଚାରୀ ମାନେ ପହଞ୍ଚି ନିଆଁ କୁ ଆୟତ୍ତ କରିବାର ସଫଳ ହୋଇଥିଲେ ସତ କିନ୍ତୁ ସେତେ ବେଳକୁ ଘର କିଛି ବି ବଞ୍ଚି ନଥିଲା ସବୁ ପୋଡ଼ି ପାଉଁଶ ସୋଇ ଯାଇଥିଲା । ଅଗ୍ନିକାଣ୍ଡ ଘଟିଥିବା ଦୁଇ ପରିବାର ଚାଷିବନ୍ଧି ଘର ବୋଲି ଜଣା ପଡିଛି। ତେବେ ଅଗ୍ନିକାଣ୍ଡ କରାଣ ଜଣା ପଡିନାହିଁ।
ଓଡ଼ିଶା ଖବର ଆହୁରି ପଢ଼ନ୍ତୁ ।
