କନ୍ଧମାଳ: ପୁଣି ରକ୍ତମୁଖା ହୋଇଛନ୍ତି ମାଓବାଦୀ । ଗତରାତିରେ ଜଣେ ପୂର୍ବତନ ସରପଞ୍ଚଙ୍କୁ ଘରୁ ଡାକି ନେଇ ଗୁଳି କରି ହତ୍ୟା କରିଛନ୍ତି ସଶସ୍ତ୍ର ମାଓବାଦୀ । ଏଭଳି ଘଟିଛି କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ସୁମରବନ୍ଧ ଗ୍ରାମ ପଞ୍ଚାୟତର ସାଉଲିପଡ଼ା ଗ୍ରାମରେ । ପୂର୍ବତନ ସରପଞ୍ଚ ସୁବଳ କହଁର ଘରେ ଶୋଇଥିବାବେଳେ 3 ଜଣ ସଶସ୍ତ୍ର ମାଓବାଦୀ ତାଙ୍କୁ ଘରୁ ପ୍ରାୟ 200 ମିଟର ବିଲମାଳକୁ ନେଇ 5 ରାଉଣ୍ଡ ଗୁଳି କରି ହତ୍ୟା କରିଛନ୍ତି ।
ତାଙ୍କୁ ମାଓବାଦୀମାନେ ପୋଲିସ ଇନଫର୍ମର ସନ୍ଦେହରେ ହତ୍ୟା କରିଥିବା ତାଙ୍କ ସାନ ଭାଇ ସୁଦାମ କହଁର ସୂଚନା ଦେଇଛନ୍ତି । ଏ ବାବଦରେ ସେମାନେ ଫିରିଙ୍ଗିଆ ଥାନାକୁ ଜଣାଇଥିଲେ ମଧ୍ୟ ପୋଲିସ ଘଟଣାସ୍ଥଳକୁ ଯିବାକୁ ମନା କରିବା ସହିତ ତାଙ୍କ ମୃତ ଦେହକୁ ସାଡିଙ୍ଗିଆକୁ ଆଣିବା ପାଇଁ କହିଥିବା ସେ କହିଛନ୍ତି । ବର୍ତ୍ତମାନ ତାଙ୍କ ମୃତଦେହକୁ ପରିବାର ଲୋକ ସାଡିଙ୍ଗିଆକୁ ଆଣିବା ପାଇଁ ଯୋଜନା କରୁଥିବା ଏହାକୁ ନେଇ ତାଙ୍କ ପରିବାର ଲୋକ ଏବଂ ଗ୍ରାମବାସୀମାନେ ଭୟଭିତ ଅବସ୍ଥାରେ ରହିଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ : ବିରୋଧୀ ଦଳ ବିଧାୟକଙ୍କୁ ଜନ ବିରୋଧୀ କହିବା ମୁଖ୍ୟମନ୍ତ୍ରୀଙ୍କୁ ପଡ଼ିଲା ମହଙ୍ଗା । ସିଏମଙ୍କ ବିରୋଧରେ ବିଧାନସଭାରେ ସ୍ବାଧୀକାର ଭଙ୍ଗ ନୋଟିସ ଆଣିଲା ବିଜେପି । ଦଳ କହିଲା ଲୋକଙ୍କ ଦ୍ବାରା ନିର୍ବାଚିତ ପ୍ରତିନିଧିଙ୍କୁ ଜନବିରୋଧୀ କହିବାର ମୁଖ୍ୟମନ୍ତ୍ରୀଙ୍କର ନାହିଁ କୌଣସି ଅଧିକାର । ବିରୋଧୀ ଦଳ ମୁଖ୍ୟ ସଚେତକ ପ୍ରଶ୍ନ କରିଛନ୍ତି ଯଦି ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କ ପ୍ରଦର୍ଶନକୁ ୧୦ରୁ ୮ ନମ୍ବର ଦେଉଛନ୍ତି । ପ୍ରଧାନମନ୍ତ୍ରୀଙ୍କ ଦଳର ବିଧାୟକ କିପରି ହୋଇପାରିବେ ଜନବିରୋଧୀ । ଏଥିସହ ମୁଖ୍ୟମନ୍ତ୍ରୀଙ୍କ କ୍ଷମାପ୍ରାର୍ଥନା ଦାବି କରିଛନ୍ତି ମୋହନ ମାଝି ।
ଅଧିକ ପଢନ୍ତୁ ଓଡ଼ିଶା ଖବର
କଂଗ୍ରେସ ବିଧାୟକ ଦଳ ନେତା ବିଜେପି ମୁଖ୍ୟମନ୍ତ୍ରୀଙ୍କ ବିରୋଧରେ ଆଣିଥିବା ସ୍ବାଧୀକାର ଭଙ୍ଗ ନୋଟିସକୁ ସମର୍ଥନ କରିଛନ୍ତି । ନରସିଂହ ମିଶ୍ର କହିଛନ୍ତି ବିରୋଧୀ ଦଳଙ୍କ ପ୍ରତି ମୁଖ୍ୟମନ୍ତ୍ରୀଙ୍କ ଶବ୍ଦ ଅପମାନ ସୂଚକ । ଏହା ଚୋର ଓଲଟା କଟୁଆଳକୁ ଗାଳିଦେବା ପରି ଘଟଣା ବୋଲି କହିଛନ୍ତି ନରସିଂହ । ଅନ୍ୟପକ୍ଷରେ ମୁଖ୍ୟମନ୍ତ୍ରୀଙ୍କ ବିବୃତ୍ତିକୁ ଠିକ୍ ବୋଲି କହିଛି ବିଜେଡି ।
ଗୋଟିଏ ପଟେ ବିଭିନ୍ନ ପ୍ରସଙ୍ଗରେ ବିରୋଧୀଙ୍କ ଦାବି ସତ୍ତ୍ବେ ମୁଖ୍ୟମନ୍ତ୍ରୀ ଗୃହରେ ବିବୃତ୍ତି ରଖୁନଥିବା ବେଳେ କେଉଁ ଉଦ୍ଦେଶ୍ୟରେ ନିଜଆଡୁ ରଖିଲେ ବିବୃତ୍ତି । ମୁଖ୍ୟମନ୍ତ୍ରୀଙ୍କ ଏହି ବିବୃତ୍ତି ନିଜ ବ୍ୟକ୍ତିଗତ ସଚିବଙ୍କୁ ଘଣ୍ଟ ଘୋଡ଼ାଇବା ପାଇଁ ଉଦ୍ଧିଷ୍ଟ ବୋଲି ଅଭିଯୋଗ କରିଛନ୍ତି ବିରୋଧୀ । ମୁଖ୍ୟମନ୍ତ୍ରୀଙ୍କ କ୍ଷମାପ୍ରାର୍ଥନା ଦାବିରେ ଏବେ ନାଛୋଡବନ୍ଦା ବିଜେପି । ସେପେଟେ ନବୀଙ୍କ ବିବୃତ୍ତିକୁ ନେଇ ବ୍ୟାକଫୁଟରେ ଥିବା ଶାସକ ଦଳର ପରବର୍ତ୍ତୀ ରଣନୀତି ଉପରେ ରହିଛି ସଭିଙ୍କ ନଜର ।
ଅର୍ଗସ ବ୍ୟୁରୋ: ଧାନର MSPକୁ ନେଇ ପୁଣି ତେଜିଲା ରାଜନୀତି । କୁଇଣ୍ଟାଲ ପିଛା 2 ହଜାର183 ଟଙ୍କା କେନ୍ଦ୍ର ଦେଉଥିବାବେଳେ ରାଜ୍ୟ ସରକାରଙ୍କ ଅବଦାନ କ'ଣ ? ଖରିଫରେ 500 ଟଙ୍କା ବୋନସ ଦେବା ନେଇ ବିଜେପିର ପ୍ରଶ୍ନକୁ ଏଡାଇ ଗଲେ ରାଜ୍ୟ ସରକାର । ନିଜ ମୁଣ୍ଡରୁ ଦାୟିତ୍ବ ଖସାଇ କେନ୍ଦ୍ର କୋର୍ଟକୁ ବଲ୍ ଫିଙ୍ଗିଛନ୍ତି କୃଷିମନ୍ତ୍ରୀ।
ଜୋର ଧରିଲା ଧାନ ଦର ବୃଦ୍ଧି ରାଜନୀତି । ଏମଏସପି ଉପରେ ବୋନସ ଦେବେ କହି କେମିତି ଭୁଲି ଗଲେ ସରକାର ? ଚାଷୀ ଉତ୍ତର ମାଗୁଥିବା ବେଳେ ବିରୋଧୀଙ୍କ ପ୍ରଶ୍ନର ଉତ୍ତର ବି ବାଆଁରେଇ ଦେଉଛନ୍ତି କୃଷି ମନ୍ତ୍ରୀ । 2016ରେ ବରଗଡ଼ ଜିଲ୍ଲା ସୋହେଲା ଠାରେ ଏକ ଚାଷୀ ସମାବେଶରେ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧାନର ସର୍ବନିମ୍ନ ସହାୟକ ମୂଲ୍ୟ ଉପରେ ଚାଷୀଙ୍କୁ 100 ଟଙ୍କା ବୋନସ ଦେବେ ।
ହେଲେ ଏ ଘୋଷଣାକୁ 7 ବର୍ଷ ବିତି ଯାଇଥିଲେ ସୁଦ୍ଧା ଚାଷୀଙ୍କୁ ବୋନସ ଦେଇନାହାନ୍ତି ରାଜ୍ୟ ସରକାର । ତେବେ ବିଧାନସଭାରେ ଧାମନଗର ବିଜେପି ବିଧାୟକ ସୂର୍ଯ୍ୟବଂଶୀ ସୂରଜ ଧାନର ସର୍ବ ନିମ୍ନ ସହାୟକ ମୂଲ୍ୟରେ ରାଜ୍ୟ ସରକାରଙ୍କ ଅବଦାନ ସମ୍ପର୍କରେ ପ୍ରଶ୍ନ କରିଥିଲେ । ଚଳିତ ଖରିଫ ବିକ୍ରୟ ଋତୁ ପାଇଁ ସରକାର ଧାନ କ୍ଵିଣ୍ଟାଲ ପିଛା ୫୦୦ ଟଙ୍କା ଦେବେ କି ନାହିଁ ସେ ସଂପର୍କରେ ପ୍ରଶ୍ନ କରିଥିଲେ ସୁରଜ । କିନ୍ତୁ ସୁରଜଙ୍କ ପ୍ରଶ୍ନକୁ ସଂପୂର୍ଣ୍ଣ ଏଡାଇ ଦେଇଛନ୍ତି କୃଷି ମନ୍ତ୍ରୀ। କିନ୍ତୁ ଅନ୍ୟପଟେ ଧାନର ସର୍ବନିମ୍ନ ସହାୟକ ମୂଲ୍ୟ 2930 ଟଙ୍କା କରାଯାଉ ବୋଲି ମଙ୍ଗଳବାର କେନ୍ଦ୍ର ବିରୋଧରେ ବଡ଼ ପାଟିରେ ନାରା ଦେଇଥିଲେ ବିଜେଡ଼ି ବିଧାୟକ । ଏହା ଚାଷୀଙ୍କ ପାଇଁ ଶାସକ ଦଳ ବିଧାୟକଙ୍କ କୁମ୍ଭୀର କାନ୍ଦଣା ବୋଲି କହିଛନ୍ତି ବିରୋଧୀ ।
2021ବେଳକୁ ଏମଏସପି 558 ଟଙ୍କା ବୃଦ୍ଧି ପାଇ 1868ରେ ପହଞ୍ଚିଥିଲା । ପୁଣି ବର୍ଷେ ପରେ ଏହା 72 ଟଙ୍କା ବଢି ହେଲା 1940 ଟଙ୍କା। 2022-23ରେ ରେ କେନ୍ଦ୍ର ସରକାର ଆଉ 100 ଟଙ୍କା ବୃଦ୍ଧି କରି ସର୍ବନିର୍ମ ସହାୟକ ମୁଲ୍ୟ 2040 ଟଙ୍କା କଲେ ଏଥର ଜୁନରେ ଆଉ 143 ଟଙ୍କା ବଢିବା ପରେ ଧାନର କୁଇଣ୍ଟାଲ ପିଛା ମୁଲ୍ୟ 2183 ଟଙ୍କାରେ ପହଁଞ୍ଚିଛି।
କିନ୍ତୁ ଓଡ଼ିଶାରେ ମଣ୍ଡି ଅବ୍ୟବସ୍ଥା, ଧାନ କିଣାରେ ମିଲରଙ୍କ ମନମାନୀ, ବ୍ୟାପକ କଟନୀ ଛଟନୀ ଏବଂ ଅଭାବୀ ବିକ୍ରି ଯୋଗୁଁ ଚାଷୀ କ୍ଷତି ସହୁଛନ୍ତି । ଯେଉଁଥିପାଇଁ ଓଡ଼ିଶା ଚାଷୀଙ୍କ ମାସିକ ଆୟ ମାତ୍ର 5 ହାଜର 112 ଟଙ୍କା । ଓଡ଼ିଶା ସବୁ ରାଜ୍ୟ ଭିତରେ ଚାଷୀଙ୍କ ଆୟ କ୍ଷେତ୍ରରେ ତଳ ଆଡୁ 2 ନମ୍ୱର।
ଅଧିକ ପଢ଼ନ୍ତୁ ରାଜନୀତି ଖବର
ଅର୍ଗସ ବ୍ୟୁରୋ : ବିଜେଡି ବିଧାୟକ ପ୍ରତାପ ଜେନାଙ୍କୁ ସମନ । ଅକ୍ଟୋବର ୬ରେ ବ୍ୟକ୍ତିଗତ ହାଜିରା ପାଇଁ କୋର୍ଟଙ୍କ ନିର୍ଦ୍ଦେଶ । ସାଲେପୁର ଜେଏମଏଫସି କୋର୍ଟ ଦେଲେ ନିର୍ଦ୍ଦେଶ । ଖସିଯାଉଥିଲେ, ଆଇନ ଜାଲରେ ଫସିଗଲେ । ବନ୍ଧା ହୋଇପାରନ୍ତି ପାୱାରଫୁଲ୍ ବିଜେଡି ବିଧାୟକ ପ୍ରତାପ ଜେନା । ସେପଟେ ଥାନାରେ ଏତଲା ଦେଲେ ଦିଲୀପ ସାହୁ ରାମଚନ୍ଦ୍ର ବେହେରା । ମାହାଙ୍ଗା କୂଆଁପାଳରେ ମଙ୍ଗଳବାର ଆତଙ୍କ ସୃଷ୍ଟି କରିଥିବା ଲୋକଙ୍କ ନାମରେ ଦେଲେ ଏତେଲା । ନ୍ୟାୟ ପାଇଁ ଲଡେଇ ପରିବାରର ସଂପାଦକ ଦିଲୀପ ସାହୁ ଓ ସ୍ଥାନୀୟ ବାସିନ୍ଦା ରାମଚନ୍ଦ୍ର ବେହେରାଙ୍କ ଉପରେ କରିଥିଲେ ଆକ୍ରମଣ । ଗୋଡାଇ ଗୋଡାଇ ପିଟିଲେ । ପୋଲିସକୁ ବି ଆକ୍ରମଣ କଲେ । ହେଲେ ପୋଲିସ ଚୁପ୍ ।
ଅଧିକ ପଢନ୍ତୁ : କୋର୍ଟଙ୍କ ନିର୍ଦ୍ଦେଶ ପରେ ପ୍ରଶ୍ନ ଘେରରେ ପୋଲିସର ନିରପେକ୍ଷତା
ଆକ୍ରମଣ ନେଇ ବୁଧବାର ଥାନାରେ ଏତଲା ଦେଇଛନ୍ତି ରାମଚନ୍ଦ୍ର ବେହେରା । ଦୋକାନରୁ ଟାଣିଆଣି ବିଜେଡି ଗୁଣ୍ତାଡା ତାଙ୍କୁ ଲହୁଲୁହାଣ କରିଥିବା ରାମଚନ୍ଦ୍ର ଅଭିଯୋଗ କରିଛନ୍ତି । ବିଧାୟକ ପ୍ରତାପ ଜେନାଙ୍କ ନିର୍ଦ୍ଦେଶରେ ୪୦ରୁ ଅଧିକ ଗୁଣ୍ଡା ଆକ୍ରମଣ କରିଥିଲେ ସେ ଅଭିଯୋଗ କରିଛନ୍ତି । ସେପଟେ ବଢିଛି ପ୍ରତାପ ଜେନାଙ୍କ ଅଡୁଆ । ଦଫା ୩୦୨ ଲାଗିଥିବାରୁ ବିଜେଡି ବିଧାୟକ ଗିରଫ ହୋଇପାରନ୍ତି ବୋଲି ଆଇନଜୀବୀ କହିଛନ୍ତି ।
ପୂର୍ବତନ ଆଇନ ମନ୍ତ୍ରୀ ପ୍ରତାପ ଜେନା ମାହାଙ୍ଗା ଡବଲ ମର୍ଡର ଅଭିଯୁକ୍ତ କାବୁଆ ସହିତ କଥା ହେଉଥିବା ଅଭିଯୋଗ ହୋଇଛି । ବଡ଼ ପ୍ରଶ୍ନ ହେଉଛି ଜଣେ ଆଇନମନ୍ତ୍ରୀ ହତ୍ୟା ଅଭିୟୁକ୍ତ ସହିତ କାହିଁକି କଥା ହେଉଥିଲେ, କାବୁଆ ସହିତ କଣ ଥିଲା ପ୍ରତାପଙ୍କ ସଂପର୍କ, କୋର୍ଟଙ୍କ ନିର୍ଦ୍ଦେଶରେ ଏବେ ପ୍ରତାପଙ୍କ ବିରୋଧରେ ଲାଗିଛି ଦଫା ୩୦୨, ୧୨୦ବି ଓ ୫୦୬ । ତଥାପି ବିଜେଡି ଚୁପ୍ । କାହିଁକି ପ୍ରତାପଙ୍କୁ ବିଦା କରୁନି ଦଳ, ନା ନରହତ୍ୟା ଅଭିଯୋଗ ଜନବିରୋଧୀ ନୁହେଁ ।
