Four days after the victory, Samiti members, sarpanches and some BJP workers joined BJD

ବିଡିଓଙ୍କ ନାଁରେ ସାଂଘାତିକ ଅଭିଯୋଗ

by Smruti Parija

Four days after the victory, Samiti members, sarpanches and some BJP workers joined BJD

ବ୍ରହ୍ମପୁର: ରଙ୍ଗେଇଲୁଣ୍ଡା ବିଡିଓ ପ୍ରସନ୍ନ କୁମାର ପାତ୍ରଙ୍କ ନାଁରେ ସାଂଘାତିକ ଅଭିଯୋଗ । ବିଡିଓଙ୍କ ଜରିଆରେ ବିଜେଡିରେ ମିଶିଲେ ବିଜେପି ସମର୍ଥକ । ବିଜେପି ସମର୍ଥିତ ହୋଇ ଜିତିବାର 4 ଦିନ ପରେ ବିଜେଡିରେ ମିଶିଲେ ସମିତି ସଭ୍ୟ ଓ ସରପଞ୍ଚ ଏବଂ କିଛି ବିଜେପି କର୍ମୀ । ଆଉ କହୁ କହୁ କହିଦେଲେ, ବିଡିଓଙ୍କ ଜରିଆରେ ବିଜେଡିରେ ମିଶିଲେ ବୋଲି । ଆହୁରି ମଧ୍ୟ କହିଛନ୍ତି, ନବୀନ ବାବୁଙ୍କ ବିକାଶ କାର୍ଯ୍ୟରେ ପ୍ରଭାବିତ ହେଲୁ ଆଉ ତା ପରେ ବ୍ଲକ କାର୍ଯ୍ୟଳୟକୁ ଆସି ବିଡିଓଙ୍କୁ ଭେଟି ତାଙ୍କ ଜରିଆରେ ବିଜେଡିରେ ମିଶିଲୁ ।

ଏକଥା କହିଛନ୍ତି ବିଜୟୀ ହୋଇଥିବା ପ୍ରାର୍ଥୀଙ୍କ ସମେତ ସମର୍ଥକ । ଏଘଟଣା ଘଟିଛି ଗଞ୍ଜାମ ରଙ୍ଗେଇଲୁଣ୍ଡା ବ୍ଲକ ଇନ୍ଦ୍ରାକ୍ଷୀ ପଂଚାୟତରେ । ସରପଞ୍ଚ ଓ ସମିତି ସଭ୍ୟଙ୍କ ସମେତ କିଛି ସମର୍ଥକ ଗତକାଲି ବ୍ଲକ କାର୍ଯ୍ୟାଳୟକୁ ଆସି ବିଡିଓଙ୍କୁ ଭେଟି ତାଙ୍କ ଜରିଆରେ ବିଜେଡିରେ ମିଶିଥିବା କଥା କହିଛନ୍ତି । ଏମିତିକି ବ୍ଲକ କାର୍ଯ୍ୟାଳୟରେ ବିଡିଓଙ୍କ ପାଦ ଛୁଇଁବା ସହ ସହଯୋଗ ଲୋଡ଼ିଛନ୍ତି ସରପଞ୍ଚ ଓ ସମିତି ସଭ୍ୟ । ଯାହାର ଭିଡିଓ ମଧ୍ୟ ସାମ୍ନାକୁ ଆସିଛି । ଆଉ ଅଭିଯୋଗ ପରେ ବିଡ଼ିଓଙ୍କ କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନ ଉଠୁଛି । କିନ୍ତୁ ଏସବୁ ଘଟଣାକୁ ଖଣ୍ଡନ କରିଛନ୍ତି ବିଡିଓ ।