ରାୟଗଡା: ଶିକ୍ଷିତ ଝିଅକୁ ଧରି ପ୍ରଶାସନର ଦ୍ବାର ଦ୍ବାର ବୁଲୁଛନ୍ତି ଜଣେ ଅନ୍ଧ ବାପା l ଅଭାବ କଣ ସେ ନିଜ ପାଖରୁ ଦେଖିଛନ୍ତି l ହେଲେ ଶିକ୍ଷା ମାଧ୍ୟମରେ ଏ ଅଭାବ ଦୂରହେବ ଜାଣି ନିଜ ଝିଅକୁ ଉଚ୍ଚଶିକ୍ଷା ପଢେଇଲା ପରେ ଏବେ ଚାକିରି ଖଣ୍ଡେ ପାଇବାକୁ ଶିକ୍ଷିତ ଝିଅକୁ ଧରି ପ୍ରଶାସନର ଏ ଦ୍ବାର ସେ ଦ୍ବାର ବୁଲୁଛନ୍ତି ଜଣେ ଅନ୍ଧବାପା l ଅଭାବ କଣ ? ଏମାନେ ପାଖରୁ ଦେଖିଛନ୍ତି। ପ୍ରତିଟି ମୁହୁର୍ତ୍ତରେ ଏମାନେ ତାଙ୍କୁ ଅଙ୍ଗେ ନିଭାଇଛନ୍ତି । ଏସଵୁକୁ ଦୂର କରିବା ପାଇଁ ଶିକ୍ଷା ହିଁ ଏକମାତ୍ର ମାଧ୍ୟମ। ଯାହାକୁ ବୁଝି ଭିକ ମାଗି ଝିଅକୁ ପାଠ ପଢାଇଲେ। କିନ୍ତୁ ଝିଅ ପ୍ରାଥମିକ ଶିକ୍ଷାରୁ ଉଚ୍ଚ ଶିକ୍ଷା ପାଇବା ପରେ ବି ଆଜି ପ୍ରଶାସନ ନିକଟରେ ଶିକ୍ଷିତ ଝିଅକୁ ଧରି ବୁଲୁଛି ଅନ୍ଧ ବାପା। ରାୟଗଡା ବିଷମକଟକ ଝିଗିଡି ଗାଁର ଏହି ଦୃଶ୍ୟ ।
ଗରିବିର ପାହାଡ କଣ ? ଏମାନେ ପାଖରୁ ଦେଖିଛନ୍ତି। ଅଭାବ କଣ ? ପ୍ରତିଟି ମୁହୁର୍ତ୍ତରେ ଏମାନେ ତାଙ୍କୁ ଅଙ୍ଗେ ନିଭାଇଛନ୍ତି। ଏସଵୁକୁ ଦୂର କରିବା ପାଇଁ ଶିକ୍ଷା ହିଁ ଏକମାତ୍ର ମାଧ୍ୟମ। ଯାହାକୁ ବୁଝି ଭିକ ମାଗି ଝିଅକୁ ପାଠ ପଢାଇଲେ।ଏ ଦୃଶ୍ୟ ରାୟଗଡା ଜିଲ୍ଲା ବିଷମକଟକ ବ୍ଲକ ଅନ୍ତର୍ଗତ ଝିଗିଡି ଗ୍ରାମର। ଯାହା ଆପଣ ଦେଖିବା ପରେ ବି ସରକାରୀ ବ୍ୟବସ୍ଥା ଉପରେ ଥିବା ବିଶ୍ଵାସରେ ଲାଗିବ ଶକ୍ତ ଧକ୍କା। ନିଜକୁ ପ୍ରଶ୍ନ କରିବେ କାହା ପାଇଁ ଏ ପ୍ରଶାସନ, କାହା ପାଇଁ ସରକାରୀ ସୁଵିଧା ।
ସେପଟେ ପରିବାରର ଅବସ୍ଥା ମଧ୍ୟ ନ କହିବା ଭଲ l ଝାଟିମାଟିର କୁଡିଆରେ ପରିବାର ରହୁଥିବା ବେଳେ , କିଏ କେତେବେଳେ କଣ ସାହାଯ୍ୟ କଲେ ଏମାନେ ହାତପାତି ନେଇଯାନ୍ତି l ହେଲେ ଆଜକୁ ଦିର୍ଘବର୍ଷ ହୋଇଯିବ ସରକାରଙ୍କ ତରଫରୁ କୌଣସି ସାହାଯ୍ୟ ସୁବିଧା ମିଳିନାହିଁ l ଅନ୍ୟପଟେ ପୂର୍ବରୁ ବାଉଁଶ ତିଆରି ସାମଗ୍ରି ବିକ୍ରିକରି ଚଳୁଥିଲେ l ହେଲେ ବାଉଁଶ ଦରଦାମ୍ ବଢିଲା ପରେ ସେହି ବୃତ୍ତି କରି ଚଳିବା ମଧ୍ୟ ଏମାନଙ୍କ ପାଇଁ ମୁସକିଲ ହଇଗଲା l ଶେଷରେ ଅନ୍ଧବାପା ଯାହା ଭିକ୍ଷା ବୃତି କରନ୍ତି ସେଥିରେ ପରିବାରର ଚଳୁଛନ୍ତି l ତେବେ ଏଠାରେ ବଡପ୍ରଶ୍ନ ଉଠିବା ସ୍ବଭାବିକ ଶିକ୍ଷିତଙ୍କ ଦୁଃଖ କେବେ ଶୁଣିବେ ସରକାର ଆଉ କେବେ ଏମାନଙ୍କୁ ସରକାରୀ ସହାୟତା ଯୋଗାଇଦେବ ପ୍ରଶାସନ ?
ଅଧିକ ପଢନ୍ତୁ ଓଡ଼ିଶା ଖବର
