Hot Dal fall on a helper in puri shree Mandir, got injured | Argus News

ଅର୍ଗସ ବ୍ୟୁରୋ: ମୋଟା ପା...ଆଜିକାଲି ସବୁଠାରୁ ବଡ ସମସ୍ୟା । ଆଉ ମୋଟାପାକୁ ମୁକାବିଲା କରିବାକୁ ବିଭିନ୍ନ ଉପାୟ ଆପଣାଉଛନ୍ତି ଲୋକେ । ଫିଟନେସ୍ ପାଇଁ ଗଳି ଗଳିରେ ଜିମ୍ ଖୋଲୁଛି । ଯୋଗ ସେଣ୍ଟର ଖୋଲୁଛି । କିଏ ସକାଳୁ ସକାଳୁ ମର୍ଣ୍ଣିଂ ୱାକ୍ କରୁଛି ତ କିଏ ଡାଏଟ୍ ମେଣ୍ଟେନ୍ କରୁଛି । ହେଲେ ଏମିତି ଦେଶ ଅଛି ଯେଉଁଠି ଲୋକେ ଫିଟନେସ୍ ଅପେକ୍ଷା ଖାଇବାକୁ ଏତେ ପ୍ରାଧାନ୍ୟ ଦିଅନ୍ତି ଯେ ଏବେ ସେମାନେ ମୋଟାପା ରେ ନିଜ ସହ କମ୍ପିଟ୍ କରୁଛନ୍ତି । ବା ଆମେ କହିପାରିବା ବିଶ୍ୱରେ ମୋଟା ଲୋକ ବା ଦୁନିଆର obese country ମଧ୍ୟରେ ସ୍ଥାନ ପାଇଛନ୍ତି ।  ଯେଉଁଠି 10 ମଧ୍ୟରୁ 9 ଜଣ ଲୋକ ଯେଉଁମାନେ ଓଭର ୱେଟ୍  ବା ଅଧିକ ମୋଟା ।  ବିଶ୍ୱରେ ଏମିତି 10ଟି ଦେଶ ଅଛି । ଯେଉଁଠି ମୋଟା ଲୋକଙ୍କ ସଂଖ୍ୟା ଅଧିକ । ଏବେ ଆପଣ ଭାବୁଥିବେ ଏହି ଦେଶ ଗୁଡିକ କଣ । ତେବେ ଏହାର ଉତ୍ତର ହେଉଛି ପାସିଫିକ୍ ଓସେନର ଏକ ଛୋଟିଆ ଦେଶ ନାଉରୁ(nauru) ।  ଏଠାରେ ଥିବା 61 ପ୍ରତିଶତ ଲୋକ ଓବେସିଟିର ଶିକାର । ଆଉ ପାଖାପାଖି 90 ପ୍ରତିଶତ ଲୋକ ଓଭର୍ ୱେଟ୍।  ଓବିସିଟର ଶିକାର ହେବା ଅର୍ଥ ରୋଗକୁ ନିମନ୍ତ୍ରଣ ଦେବା । ଟାଇପ୍ 2 ଡାଇବେଟିସ୍ । ହାଇପରଟେନସନ । ହାଇ ବ୍ଲଡ ପ୍ରେସର । ହାର୍ଟ ଡିଜିଜ୍ , ବ୍ରେନ୍ ଷ୍ଟ୍ରୋକ୍, ଫ୍ୟାଟି ଲିଭର୍ ଡେଜିଜ୍ , କିଡନୀ ଡିଜିଜ୍ , ପ୍ରେଗନାନ୍ସି ପ୍ରବଲେମ୍, ଡିପ୍ରେସନ୍, କ୍ୟାନସର । ଏହି କାରଣ ହେତୁ 2013 ମସିହାରେ ଆମେରିକାନ୍ ମେଡିକାଲ୍ ଆସୋସିଏସନ କହିଥିଲା ଯେ ମୋଟାପା ଏକ ଡିଜିଜ୍ ।  ଯଦି ଆପଣ ଟପ୍ ଟେନ୍ ମୋଷ୍ଟ ଓବେସିଟି ଲିଷ୍ଟ ଦେଖିବେ ତେବେ ଏଥିରେ ଅନେକ ଦେଶ ଅଛି ଯାହାର ନାଁ ଆପଣ ପ୍ରଥମ ଥର ପାଇଁ ଶୁଣୁଥିବେ ।   ପ୍ରଥମେ ରହିଛି ନାଇରୁ, ତାପରେ ପାଲାଉ, କୁକ୍ ଆଇଲ୍ୟାଣ୍ଡ, ମାର୍ସାଲ ଆଇଲ୍ୟାଣ୍ଡ, ତୁଭାଲୁ,ନିଉୱି, କିରିବାଟି,ଟୋଙ୍ଗା,ସମୋଆ,ମାଇକ୍ରୋନେସିଆ । ତେବେ ଆପଣ ଜାଣିଛନ୍ତି ଏହି ଦେଶରେ କମନ୍ କଣ ରହିଛି । ଏସମସ୍ତ ଦେଶ ପାସିଫିକ୍ ଓସେନ୍ ରେ ରହିଛି । ଏଗୁଡିକ ଛୋଟ ଛୋଟ ଆଇଲ୍ୟାଣ୍ଡ ଦେଶ । ଆପଣ ଏହି ଜାଗା ଗୁଡିକର ଭିଡିଓ ଓ ଫଟୋ ଯଦି ଦେଖିବେ ତେବେ ଆପଣ ଭାବିବେ କେତେ ସୁନ୍ଦର ଜାଗା । ସୁନ୍ଦର ସମୁଦ୍ରକୂଳ, ଗ୍ରୀନାରୀ, ଟ୍ରପିକାଲ୍ ଫରେଷ୍ଟ,କୋରାଲ ରିଫ୍ । ଏସବୁ ଦେଖିଲେ ଆପଣଙ୍କୁ ଲାଗିବ ଏଠି ଯେଉଁମାନେ ରହୁଥିବେ ବହୁତ ଫିଟ୍ ରହୁଥିବେ । ଖୁସି ରହୁଥିବେ । କିନ୍ତୁ ଏମିତି କେମିତି ହେଲା ଯେ ଏହି ଦେଶ ଗୁଡିକ ମୋଟାପାର ଶିକାର ହେଲେ ।  ନାଇରୁ ଦେଶ । ଏହା ଦୁନିଆର ସବୁଠୁ ଛୋଟ ଦେଶ ମଧ୍ୟରୁ ତୃତୀୟ ନମ୍ବରରେ ରହିଛି । ଏହାର ଆୟତନ 21 ସ୍କୋୟାର କିମି । ଏଠାରେ ମାତ୍ର 12500 ଲୋକ ରୁହନ୍ତି । ଏକ ସମୟରେ ଏହା ବହୁତ ସୁନ୍ଦର ଆଇଲାଣ୍ଡ ଥିଲା । ଯାହା ବିଷୟରେ ଲୋକଙ୍କୁ ଜଣା ନଥିଲା । 1798 ମସିହାରେ ଏହାକୁ ଆବିଷ୍କାର କରାଗଲା । ଏହି ଆଇଲାଣ୍ଡରେ ଏକ ଜାହାଜ ଲାଗିଥିଲା । ଯାହାର କ୍ୟାପଟେନ୍ ଥିଲେ ଜନ୍ ଫର୍ନ । ତାଙ୍କୁ ଏହି ଆଇଲାଣ୍ଡଟି ଅଧିକ ସୁନ୍ଦର ଲାଗିଥିଲା ।  ସେବେଠୁ ଅନେକ ଜାହାଜ ଏଠାକୁ ଆସିଲା । ପ୍ରାକୃତିକ ଫଳମୂଳ ନେଇ ଅନ୍ୟ ଦେଶକୁ ଯାଉଥିଲେ । ତା ବଦଳରେ ଏହି ଆିଲାଣ୍ଡବାସୀଙ୍କୁ ମଦ ଏବଂ ବନ୍ଧୁକ ଦେଇ ଯାଉଥିଲେ । ସେହି ସମୟରେ 12 ଭିନ୍ନ ଭିନ୍ନ ଆଦିବାସୀ ଏଠାରେ ବସବାସ କରୁଥିଲେ।   ଏଠାରେ ଏତେ ମାତ୍ରେ ଫସଫେଟ୍ ଥିଲା ଯେ ଏହାକୁ ନେବାକୁ ଅନ୍ୟ ଦେଶ ଗୁଡିକ ଦିନ ରାତି ଏକ କରିଦେଉଥିଲେ । ଏବେ ଏହାର 90 ପ୍ରତିଶତ ଜମି ବ୍ୟବହାର ଯୋଗ୍ୟ ନୁହେଁ । ଏଠାରେ ଜମିବାଡି କରିବା ବି ଏଠି କଷ୍ଟକର । ଭୂତଳ ଜଳ ମଧ୍ୟ ସମାପ୍ତ ହୋଇଯାଇଛି । ଏମିତିକି ପାଣି ମଧ୍ୟ ପିଇବାକୁ ବଞ୍ଚି ନାହିଁ । ଯେଉଁ ଲୋକମାନେ ଏଠାରେ ବସବାସ କରୁଛନ୍ତି ସେମାନେ ଆଇଲାଣ୍ଡର କୂଳବର୍ତ୍ତୀ ଅଞ୍ଚଳରେ ରହୁଛନ୍ତି ।  ଗୋଟେ ସପ୍ତାହରେ ଗୋଟିଏ ପରିବା ମିଳିବା ବି ଏଠି କଷ୍ଟକର । ଯେହେତୁ ସେହି ଦେଶରେ ନା ପାଣି ଅଛି ନା ଫଳମୂଳ ପନିପିରବା ସେଥିପାଇଁ ସବୁ ଜିନିଷ ବାହାରୁ ବା ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡରରୁ ଆମଦାନୀ କରିବାକୁ ପଡେ । ଫଳରେ ଏଠାକୁ ଶସ୍ତା ଓ କ୍ୟାନ୍ ଫୁଡ୍ ଆମଦାନୀ କରାଯାଏ । ନୁଡୁଲ, ଚିପ୍ସ, କର୍ଣ୍ଣ, ମୃଦୁ ପାନୀୟ ଭଳି ଜଙ୍କ ଫୁଡ୍ । ଦିନ ସାରା ଏଠାକାର ଲୋକେ ଏହି ଜଙ୍କ୍ ଫୁଡ୍ ଖାଇ ଜୀବନ ଅତିବାହିତ କରୁଛନ୍ତି । ଫଳରେ ଏହାର ଓବିସିଟି ରେଟ୍ ଏତେ ମାତ୍ରାରେ ବଢିଲା ଯେ ଏବେ ଏହା ଦେଶର ସବୁଠାରୁ ଓବେସ ଦେଶ ଭାବରେ ପରିଗଣନା କରାଯାଉଛି । ସେହପରି ଅନ୍ୟ 9 ଦେଶକୁ ଏହିଭଳି କିଛି କାରଣ ହେତୁ ଜଙ୍କ ଫୁଡ୍ ର ରପ୍ତାନୀ ହୋଇଥାଏ । ଯାହାକୁ ଦିନ ସାରା ଖାଇବା ଦ୍ୱାରା ଏମାନଙ୍କ ମୋଟାପା ବଢି ବଢି ଚାଲିଛି ।   

ଅର୍ଗସ ବ୍ୟୁରୋ : ଦିନ ୧୧ଟା ବେଳେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ପ୍ରୀତିରଞ୍ଜନ ଘଡେଇ ଓ ଅନ୍ୟ ଅଧିକାରୀଙ୍କ ଉପସ୍ଥିତିରେ ଫଳାଫଳ ଘୋଷଣା ସହ ପୁସ୍ତିକା ଉନ୍ମୋଚନ କରାଯାଇଥିଲା । ରାଙ୍କ ପାଇଥିବା ଛାତ୍ରଛାତ୍ରୀମାନେ ରାଜ୍ୟରେ ଥିବା ବିଭିନ୍ନ ସରକାରୀ ଓ ବେସରକାରୀ ବିଶ୍ବବିଦ୍ୟାଳୟ ଏବଂ ଶିକ୍ଷାନୁଷ୍ଠାନ ଗୁଡିକରେ ପ୍ରଚଳିତ ୧୨ଟି ବୈଷୟିକ ଏବଂ ବୃତ୍ତିଗତ ପାଠ୍ୟକ୍ରମରେ ନାମ ଲେଖାଇ ପାରିବେ । www.ojee.nic.inରେ ରେଜଲ୍ଟ ଉପଲବ୍ଧ । ୨୩ ବିଷୟରେ ୨୩ ଜଣ ଟପ୍ପରଙ୍କ ନାଁ ଘୋଷଣା ହୋଇଛି ।  ଅଧିକ ପଢନ୍ତୁ  : ଓଜେଇଇ ରେଜଲ୍ଟ, ବି-ଫାର୍ମରେ ସୌରଭ କୁମାର ପତି ଟପ୍ପର ବି. ଫାର୍ମାରେ ସୌରଭ କୁମାର ପତି ଟପ୍ପର ହୋଇଥିବା ବେଳେ, ଲାଟେରାଲ ଏଣ୍ଟ୍ରି ଟେକନିକାଲ ଡିପ୍ଲୋମାରେ ରଜତ ଶତ୍ରୁଶଲ, ଲାଟେରାଲ ଏଣ୍ଟ୍ରି ଟେକନିକାଲ ବିଏସସିରେ ରକ୍ଷିତ ରାଜ ଗୁପ୍ତା,  ଲାଟେରାଲ ଏଣ୍ଟି ଫାର୍ମରେ ସୁଭଶ୍ରୀ ମହାନ୍ତି ଟପ୍ପର ହୋଇଛନ୍ତି । ସେହିପରି ଏମବିଏରେ ସତ୍ୟଜିତ ସାହୁ, ଏମସିଏରେ ଅପୂର୍ବ ସୁନ୍ଦର ନାୟକ, ବି.କାଟ (ସିନେମାଟୋଗ୍ରାଫି ଓ ସାଉଣ୍ଡ ରେକଡ଼ିଂ)ରେ ପ୍ରିୟଙ୍କା ଦେ, ବି.କ୍ୟାଟ୍ ଇନ୍ ଫିଲ୍ମ ଏଡିଟିଂରେ ସଞ୍ଚାଲି ଗୁପ୍ତା ଟପ୍ପର ହୋଇଛନ୍ତି । ଏମ. ଫାର୍ମରେ ରଶ୍ମୀରଞ୍ଜନ ପାଣିଗ୍ରାହୀ, ଏମ. ଆର୍କରେ ପ୍ରିୟଙ୍କା କେଡିଆ, ଏମ. ପ୍ଲାନରେ ରୁପଲ ରତ୍ନପ୍ରିୟା ଟପ୍ପର ହୋଇଛନ୍ତି । ଇଲେକ୍ଟ୍ରିକାଲ ଇଞ୍ଜିନିୟରିଂରେ ସତ୍ୟଜିତ ମହାନ୍ତି, ମେକାନିକାଲ ଇଂଜିନିୟରିଂରେ ସୁମିତ ପରିଡ଼ା, କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂରେ ଦୀପକ କୁମାର ସ୍ବାଇଁ ଟପ୍ପର ହୋଇଛନ୍ତି ।   ଓଜେଇଇ ଦେଇପାରିନଥିବା ଛାତ୍ରଛାତ୍ରୀଙ୍କ ପାଇଁ ଆସନ୍ତା ୨୬ ତାରିଖରୁ ୩୦ ତାରିଖ ପର୍ଯ୍ୟନ୍ତ ସ୍ପେଶାଲ ଓଜେଇଇ ହେବ ।  ଏଥିପାଇଁ ଜୁନ୍‌ ୧ ତାରିଖରୁ ପଞ୍ଜିକରଣ ଆରମ୍ଭ ହୋଇଥିବା ବେଳେ, ୮ ତାରିଖ ପର୍ଯ୍ୟନ୍ତ ଚାଲିବ । ଜୁନ୍ ମାସ ମଧ୍ୟରେ କାଉନ୍ସେଲିଂ ପ୍ରକ୍ରିୟା ଆରମ୍ଭ ହେବ ।

ଅର୍ଗସ ବ୍ୟୁରୋ: ମଲାପରେ ମଣିଷ ମଶାଣିକୁ ଯାଏ। ଏ ନସ୍ବର ସଂସାରରେ ଛାଡି ଯାଏ ସ୍ବପ୍ନ ଆଉ ନିଜର ଇପସିତ ଇଚ୍ଛାମାନଙ୍କୁ। ଠିକ୍ ଅଞ୍ଜଳି କୁଲକର୍ଣ୍ଣିଙ୍କ ପରି। ଇଚ୍ଛା ଥିଲା ସ୍ବାମୀଙ୍କ ସହ ପର୍ବତ ଆରୋହଣ କରିବେ। ମାଉଣ୍ଟ ଏଭରେଷ୍ଟ ଉପରେ ଏକାଠି ଛିଡା ହେବେ। ହେଲେ ଇଶ୍ବର ଏ ଇଚ୍ଛା ପୁରଣ କଲେନି। ମଲାବେଳେ ସ୍ବାମୀଙ୍କ ହାତ ଉପରେ ହାତ ଥୋଇ ନିଜ ଶେଷ ଇଚ୍ଛାକୁ ତାଙ୍କ ଉପରେ ଛାଡି ଯାଇଥିଲେ ଅଞ୍ଜଳୀ । ଯାହା ଆଜି ପୂରଣ ହୋଇଛି। ମୃତ ଅଞ୍ଜଳିଙ୍କ ସ୍ବାମୀ ଆଜି ଏଭରେଷ୍ଟର ସର୍ବାଚ୍ଚ ଶିଖରରେ ଛିଡା ହୋଇ ସ୍ମୃତି ତର୍ପଣ କରିଛନ୍ତି। ଦେଖ ଅଞ୍ଜଳି, ତୁମ ଶରଦ ତୁମ ଶେଷ ଇଚ୍ଛା ପୂରଣ କରିଛନ୍ତି।     ସ୍ତ୍ରୀ ମୃତ୍ୟୁ ପରେ ସ୍ୱାମୀ ଏକାକୀ ହୋଇଯାଏ । ଜୀବନସାଥୀକୁ ହରାଇ ଭାଙ୍ଗି ପଡେ । କିଏ ସ୍ତ୍ରୀର ମୃତ୍ୟୁ ପରେ ବଡ ପ୍ରତିମା ତିଆରି କରେ ତ କିଏ ଆଉ କଣ କରେ । କିନ୍ତୁ ଶରଦଙ୍କ ପାଇଁ ଚ୍ୟାଲେଞ୍ଜ କିଛି ଭିନ୍ନ ଥିଲା। କିନ୍ତୁ ଇରାଦା ପକ୍କା ଥିଲା ଆଉ ସଚ୍ଚା ଥିଲା।  ସେଇଥିପାଇଁ, 60 ବର୍ଷ ବୟସରେ ଧର୍ମପତ୍ନୀଙ୍କ ଶେଷ ଇଚ୍ଛା ପୂରଣ କରିଛନ୍ତି ଶରଦ।  ଦର୍ଶକବନ୍ଧୁ ଏତେ କଥା ଜାଣିବା ଆଗରୁ ଆସନ୍ତୁ ଥରେ ଏ ପ୍ରେମ କାହାଣୀର ଫ୍ଲାସ ବ୍ୟାକକୁ ଯିବା। ଶରଦ ଆଉ ଅଞ୍ଜଳୀଙ୍କୁ ବୁଝିବା।  ମହାରାଷ୍ଟ୍ରର ପର୍ବତାରୋହୀ ଶରଦ କୁଲକର୍ନି ।  ସ୍ତ୍ରୀ ଅଞ୍ଜଳି କୁଲକର୍ନି । ଦିନେ ସ୍ୱାମୀ ସ୍ତ୍ରୀ ନିଷ୍ପତ୍ତି ନେଲେ ପର୍ବତାରୋହଣ କରିବେ । ଗୌରବମୟ ମାଉଣ୍ଟ ଆଭେରେଷ୍ଟରରୁ ପର୍ବତ ଚଢିବା ଆରମ୍ଭ କରିବେ । କିନ୍ତୁ ଅଚାନକ ଜୀବନର ଗତିପଥ ସବୁ ବଦଳିଗଲା ।  2019 ମେ । ସମସ୍ତ ପ୍ରସ୍ତୁତି ସହ ଏଭେରେଷ୍ଟ ଚଢିବାକୁ ଦୁହେଁ ବାହାରି ପଡିଲେ । ହେଲେ ପାହାଡ ଚଢିବା ସମୟରେ ପର୍ବତାରୋହୀଙ୍କ ସଂଖ୍ୟା ଧିରେ ଧିରେ ବଢିବାରେ ଲାଗିଲା । ସେ ଯେତେ ଉପରକୁ ଯାଉଥିଲେ ଟ୍ରାଫିକ୍ ବଢି ବଢି ଚାଲିଥାଏ । ଏମିତି ଏକ ସ୍ଥାନ ଆସିଲା ଯେଉଁଠି ଦଉଡି ଧରି ଉପରକୁ ଚଢିବାକୁ ପଡେ । ପୁଣି ତଦଳକୁ ଖସିବାକୁ ପଡେ । ସ୍ତ୍ରୀ ଅଞ୍ଜଳି ଥକା ହୋଇ ପଡୁଥାନ୍ତି । ଅଣନିଶ୍ୱାସୀ ହୋଇ ପଡୁଥାନ୍ତି । ଛାତି ଫୁଲି ଉଠୁଥାଏ । ସେତେବେଳେ ସ୍ୱାମୀ ପିଠି ଥାପୁଡେଇ ହାତ ଧରି ଉପରକୁ ଯିବାକୁ ସାହସ ଦେଉ ଥାନ୍ତି ।  ହେଲେ ଅଧିକ ଭିଡ ଓ ଅକ୍ସିଜେନ୍ ର ଅଭାବ ହେତୁ ଅଞ୍ଜଳି ସେଇଠି ଆଖି ମୁଦିଦେଲେ । ମୃତ୍ୟୁ ଏତେ ଆକସ୍ମିକ ଥିଲା ଯେ କୁଲକର୍ନି ବାବୁ କିଛି ବୁଝିଲା ବେଳକୁ ସାତ ଜନ୍ମରେ ସାଥୀ ତାଙ୍କୁ ଏକାକୀ କରି ଦେଇ ତା ବାଟରେ ଚାଲିଯାଇଥିଲା ।  ସମୟକ୍ରମେ ସେ ଅନୁଭବ କଲେ ଯେ ଏବେ ତାଙ୍କ ଦାୟିତ୍ୱ ସ୍ତ୍ରୀର ସ୍ପପ୍ନ ପୁରା କରିବେ । ବୟସ 60 ବର୍ଷ । ହେଲେ ଭିତରେ ଯୁଆନ ଭଳି ଫୂର୍ତ୍ତି ଥାଏ । ବାହାରି ପଡିଲେ । ଦେଖୁ ଦେଖୁ 4 ଟି ପର୍ବତ ଚଢିଲେ ।  2023 ମେ 23 । ସକାଳ 10.23 । ମାଉଣ୍ଟ ଏଭେରେଷ୍ଟରେ ପାଦ ଥାପିଲେ କୁଲକର୍ନି ବାବୁ । ଆଖି ଛଳ ଛଳ ହୋଇ ଯାଇଥାଏ । ପୁରୁଣା କଥା ସବୁ ଆଖି ଆଗରେ ନାଚି ଯାଉଥାଏ । ମନରେ ପୁଳାଏ କୋହ ଓ ଆଖିରେ ଖୁସିର ହସ ନେଇ ଶେଷରେ ସେ ଶିଖର ଛୁଇଁଲେ । ପତ୍ନୀଙ୍କ ସ୍ୱପ୍ନ ପୂରା ହେଲା । ଜୀବନ ନାଟକରେ ଏ ପ୍ରେମ କାହାଣୀରା କ୍ଲାଇମାକ୍ସ ହୁଏତ ବଡ଼ କଷ୍ଟକର ଥିଲା। କିନ୍ତୁ ଆନାୟାସରେ ଅନେକଙ୍କୁ ଅନେକ କିଛି କହିଗଲା।