ଅର୍ଗସ ବ୍ୟୁରୋ : ଗୋଳନ୍ଥରା ହାଜତ ମୃତ୍ୟୁ ଘଟଣାରେ ୫ଜଣଙ୍କ ନାମରେ ମାମଲା ରୁଜ୍ଜୁ କଲା ପୋଲିସ। ବିଜେଡି ନେତା ତଥା ବ୍ଲକ ଉପାଧ୍ୟକ୍ଷ ଅଜିତ କୁମାର ଦାସ ଏବଂ ତାଙ୍କ ଭାଇ ଅମିତ ଦାଶଙ୍କ ସହ ଗୋଳନ୍ଥରାର ପୂର୍ବତନ ଥାନା ଅଧିକାରୀ ବାବୁଲି ନାୟକ, ASI ପ୍ରକାଶ ଚନ୍ଦ୍ର ଆଚାର୍ଯ୍ୟ ଓ କନେଷ୍ଟବଳ ଦୀପ୍ତି ପ୍ରକାଶ ଜେନାଙ୍କ ନାମରେ ମାମଲା ରୁଜ୍ଜୁ ହୋଇଛି ।
ଦଫା ୩୦୨, ୨୦୧ ଏବଂ ୩୪ IPC ଲାଗିଛି । ଗତ ୨୭ ତାରିଖ ଅପରାହ୍ନ ୧୧ଟା ୪୫ରେ ହତ୍ୟା ମାମଲା ରୁଜ୍ଜୁ ହୋଇଛି। ଗତ ମେ ୩ ତାରିଖରେ ଗୋଳନ୍ଥରା ଥାନା ଅନ୍ତର୍ଗତ ରଙ୍ଗୀପୁରରେ ବିଜେଡି ନେତା ତଥା ଦୁଇ ଭାଇ ଅଜିତ ଏବଂ ଅମିତ ସେହି ଗାଁର ଗଣେଶ ଡାକୁଆଙ୍କୁ ଆକ୍ରମଣ କରିଥିଲେ।
ପରେ ଗଣେଶକୁ ଚିକିତ୍ସା ନ କରି ପୋଲିସ ଗୋଳନ୍ଥରା ଥାନାରେ ରଖିଥିଲା । ସେଠାରେ ହିଁ ଗଣେଷଙ୍କ ମୃତ୍ୟୁ ହୋଇଥିଲା । ପରିବାର ପକ୍ଷରୁ ମାମଲା ଦେଲା ପରେ ବି ପୋଲିସ ରୁଜ୍ଜୁ କରୁନଥିଲା । ବାଧ୍ୟ ହୋଇ ଗଣେଶଙ୍କ ମାଆ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲ।
ଅର୍ଗସ ବ୍ୟୁରୋ: ‘ବିଗ୍ ବସ୍ ୧୬’ ଫେମ୍ ଅର୍ଚ୍ଚନା ଗୌତମଙ୍କୁ କିଏ ବା ନଜାଣେ। ଆରେ ଭଇୟା ଡାଇଲଗ ପାଇଁ ସେ ଖୁବ ଚର୍ଚ୍ଚାରେ। ହେଲେ ବର୍ତ୍ତମାନର ଚର୍ଚ୍ଚା ଅସଦାଚରଣ ଅଭିଯୋଗ ଆଣିଛନ୍ତି ଅର୍ଚ୍ଚନା। ଯାହାକୁ ନେଇ ମାମଲା ମଧ୍ୟ ଦାୟର ହୋଇଛି। କେବଳ ସେତିକି ନୁହେଁ, ୟୁପି ହସ୍ତିନାପୁରର ପୂର୍ବତନ ଲୋକସଭା ପ୍ରାର୍ଥୀ ଓ ‘ବିଗ୍ ବସ୍ ୧୬’ ଫେମ୍ ଅର୍ଚ୍ଚନା ଗୌତମଙ୍କୁ ଦଳରୁ ବାହାର କରିଛି କଂଗ୍ରେସ । ଅନେକ ମାମଲାରେ ତାଙ୍କର ସମ୍ପୃକ୍ତିକୁ ଦୃଷ୍ଟିରେ ରଖି ମେରଠ କଂଗ୍ରେସ ମହାନଗର ଏବଂ ଜିଲ୍ଲା କମିଟି ତାଙ୍କୁ ଦଳରୁ ବହିଷ୍କାର କରିବାକୁ ନିଷ୍ପତ୍ତି ନେଇଛନ୍ତି । କୁହାଯାଉଛି ଯେ ଅର୍ଚ୍ଚନା ଗୌତମ ମଧ୍ୟ ପ୍ରିୟଙ୍କା ଗାନ୍ଧୀଙ୍କ ପିଏ ସନ୍ଦୀପ ସିଂଙ୍କ ବିରୋଧରେ ମାମଲା ଦାୟର କରିଛନ୍ତି । ପାର୍ଟି ମୁଖ୍ୟାଳୟରେ ସନ୍ଦୀପ ସିଂ ମଧ୍ୟ ଉପସ୍ଥିତ ଥିଲେ ଯେତେବେଳେ ଅର୍ଚ୍ଚନା ଗୌତମଙ୍କ ସହ ଅସଦାଚରଣ କରାଯାଇଥିଲା ।
ଅର୍ଚ୍ଚନା ଗୌତମ ଶୁକ୍ରବାର ଦିନ ତାଙ୍କ ପିତାଙ୍କ ସହ ଦିଲ୍ଲୀର କଂଗ୍ରେସ ମୁଖ୍ୟାଳୟରେ ପହଞ୍ଚିଥିଲେ । ଯେହେତୁ ସେ ଦଳର ସଭାପତି ମଲ୍ଲିକାର୍ଜୁନ ଖାର୍ଗେ ଏବଂ ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀଙ୍କୁ ଭେଟି ମହିଳା ସଂରକ୍ଷଣ ବିଲରେ ଅଭିନନ୍ଦନ ଜଣାଇବାକୁ ଚାହୁଁଥିଲେ, କିନ୍ତୁ ତାଙ୍କୁ କଂଗ୍ରେସ ମୁଖ୍ୟାଳୟରେ ପ୍ରବେଶ ଅନୁମତି ଦିଆଯାଇ ନଥିଲା ଏବଂ କିଛି ମହିଳା ତାଙ୍କ ସହ ଅସଦାଚରଣ ମଧ୍ୟ କରିଥିଲେ ।
ମହିଳା ସଂରକ୍ଷଣ ବିଲକୁ ନେଇ ଅଭିନନ୍ଦନ ଜଣାଇବାକୁ ଆସିଥିବା ବେଳେ ଦଳର ମୁଖ୍ୟାଳୟ ବାହାରେ ତାଙ୍କସହ ମାରପିଟ୍ କରାଯାଇଥିବା ଅର୍ଚ୍ଚନା ଗମ୍ଭୀର ଅଭିଯୋଗ କରିଛନ୍ତି । ତାଙ୍କ ପିତା ମଧ୍ୟ ତାଙ୍କ ସହ ଥିଲେ କିନ୍ତୁ ମୁଖ୍ୟାଳୟରେ କେହି ପ୍ରବେଶ କରିନଥିଲେ । ୨୯ ସେପ୍ଟେମ୍ବରରେ ଦିଲ୍ଲୀର କଂଗ୍ରେସ କାର୍ଯ୍ୟାଳୟରେ ବିବାଦ ପରେ ଅର୍ଚ୍ଚନା ଗୌତମଙ୍କ ବିରୋଧରେ କଂଗ୍ରେସ ଏହି ପଦକ୍ଷେପ ନେଇଛି ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ବାଲେଶ୍ୱର ନୀଳଗିରିର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ନୂଆ ବିଲଡିଂର ଚଟାଣରେ ଶୋଇଥିଲେ ରୋଗୀ ଓ ସେମାନଙ୍କ ସମ୍ପର୍କୀୟ। ରାତି 12ଟା ବେଳକୁ ହଠାତ୍ କରିଡର ଓ ୱାର୍ଡ ଭିତରକୁ ଜୋରରେ ମାଡ଼ିଆସିଥିଲା ବର୍ଷା ପାଣି। ଦେଖୁ ଦେଖୁ ଚାରିଆଡ଼େ ଖେଳିଯାଇଥିଲା ବର୍ଷା ପାଣି। ହଠାତ୍ କେହି କିଛି ବୁଝି ପାରିନଥିଲେ। ନୂଆ କରି ନିର୍ମିତ ହସପିଟାଲ ବିଲଡିଂ ଭିତରକୁ ଏତେ ପାଣି ଆସିଲା କେଉଁଠାରୁ। କେଉଁ ରୋଗୀଠାରେ ସାଲାଇନ ଲାଗିଥିଲା ତ କେଉଁ ଗୁରୁତର ରୋଗୀ ବେଡ୍ଅ ନପାଇ ଚଟାଣରେ ଶୋଇଥିଲେ। ସମ୍ପର୍କୀୟମାନେ ଜୀବନ ବିକଳରେ ସେମାନଙ୍କୁ ଶୁଖିଲା ଜାଗାକୁ ଟେକି ନେଇଥିଲେ।
ରୋଗୀ ଓ ସମ୍ପର୍କୀୟମାନେ ରାତିଅଧିଆ କଲବଲ ହେଉଥିବା ବେଳେ କୌଣସି ଡାକ୍ତର କିମ୍ବା ଅଧିକାରୀଙ୍କର ଦେଖା ମିଳିନଥିଲା। ଏ ଘଟଣାକୁ ନେଇ ତୀବ୍ର ଅସନ୍ତୋଷ ଦେଖିବାକୁ ମିଳିଛି।ଇଏ ଖୋର୍ଦ୍ଧା ଓଳସିଂ ସ୍ଥିତ ସ୍ବାସ୍ଥ୍ୟ ଓ ଆରୋଗ୍ୟ କେନ୍ଦ୍ରର ଦୃଶ୍ୟ। ଦିନ ସାଢେ 11 ଟା ବାଜି ଲାଣି। ଡାକ୍ତର କିମ୍ବା କମ୍ପାଉଣ୍ଡରଙ୍କର ଦେଖା ନାହିଁ। ରୋଗୀମାନେ ଡାକ୍ତରଖାନାରେ ରୁଣ୍ଡ ହୋଇ ଡାକ୍ତରଙ୍କୁ ଅପେକ୍ଷା କରିଛନ୍ତି।
ସକାଳ 8ଟାରୁ ଡାକ୍ତରଖାନା ଖୋଲିଲାଣି କିନ୍ତୁ ଡାକ୍ତର ଓ କମ୍ପାଉଣ୍ଡରଙ୍କ ଚୌକି ଖାଲି ପଡ଼ିଛି। ଗାଁ ଲୋକଙ୍କ କହିବା ହେଲା ଇଏ ନିତିଦିନିଆ କଥା।ବଡ଼ ବଡ଼ ବିଲଡିଂ ଛିଡ଼ା କରି ରଙ୍ଗ ବୋଳି ଚିକକ୍ଣ କରିଦେଲେ ହେବନି। ରୋଗୀ ସେବା ଯଦି ମିଳିବ ନାହିଁ ଏସବୁ ମୂଲ୍ୟହୀନ। କେବଳ ନୀଳଗିରି କିମ୍ବା ଖୋର୍ଦ୍ଧାର କଥା ନୁହେଁ ସାରା ରାଜ୍ୟରେ ସ୍ବାସ୍ଥ୍ୟସେବାର ଏପରି ବିକଳ ଚିତ୍ର ଦେଖିବାକୁ ମିଳୁଛି। ଯାହା 23 ବର୍ଷ ସ୍ଥିର ସରକାରର ପୁରୁଷାର୍ଥ ଉପରେ ଉଠାଇଛି ପ୍ରଶ୍ନ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ମଧ୍ୟପ୍ରଦେଶ ଭୋପାଳ ଠାରେ ବେଶ ଧୁମଧାମରେ ପାଳନ କରାଯାଉଛି ୧୦ମ ନୂଆଁଖାଇ ଭେଟଘାଟ କାର୍ଯ୍ୟକ୍ରମ । ସମ୍ବଲପୁରୀ ପରିବାର ଭୋପାଳ ପକ୍ଷରୁ ଆୟୋଜିତ ହେଉଛି ନୂଆଁଖାଇ ଭେଟଘାଟ କାର୍ଯ୍ୟକ୍ରମ । ରାଜ୍ୟ ବାହାରେ ଅଛନ୍ତି ହେଲେ ନିଜର କଳା ସଂସ୍କୃତି ଭୁଲିନାହାନ୍ତି ସେଠାରେ ବସବାସ କରୁଥିବା ପଶ୍ଟିମ ଓଡିଶାବାସୀ।
ଏହି କାର୍ଯ୍ୟକ୍ରମର ଯୋଗଦେବା ପାଇଁ ପଶ୍ଚିମ ଓଡିଶାରୁ କଳାକାର ଯୋଗଦେଇଛନ୍ତି । ସମ୍ବଲପୁରୀ ନାଚ ଗୀତରେ କମ୍ପି ଉଠିଛି ପୁରା ପରିବେଶ। ପ୍ରଥମେ ଇଷ୍ଟଦେବୀ ମାଁ ସମଲେଶ୍ଵରୀଙ୍କ ପୂଜାର୍ଚ୍ଚନା ପରେ ଆରମ୍ଭ ହୋଇଛି ସାଂସ୍କୃତିକ କାର୍ଯ୍ୟକ୍ରମ ।
ଅଧିକ ପଢ଼ନ୍ତୁ ଓଡିଶା ଖବର:
