ଝାରସୁଗୁଡା: ବହୁ ଚର୍ଚ୍ଚିତ ନବ ଦାସ ହତ୍ୟା ମାମଲାରେ ପୁଣି ଥରେ ଗୋପାଳକୁ ରିମାଣ୍ଡରେ ନେବ କ୍ରାଇମବ୍ରାଞ୍ଚ । ୫ ଦିନ ରିମାଣ୍ଡରେ ନେବା ପାଇଁ ମିଳିଲା ଅନୁମତି । ଏହା ସହିତ ଗୋପାଳର ନାର୍କୋ ଟେଷ୍ଟ ଓ ପଲିଗ୍ରାଫ୍ ଟେଷ୍ଟ ପାଇଁ ମଧ୍ୟ ଆବେଦନ ମଞ୍ଜୁର କରାଯାଇଛି । ସେହିପରି ଅଭିଯୁକ୍ତ ଗୋପାଳ ଦାସର ହେବ ନାର୍କୋ ଟେଷ୍ଟ । କ୍ରାଇମବ୍ରାଞ୍ଚକୁ ଅନୁମତି ଦେଲେ ଝାରସୁଗୁଡା JMFC କୋର୍ଟ । ଗୋପାଳକୁ ପୁଣି ଥରେ ରିମାଣ୍ଡରେ ନେବା ପାଇଁ ଓ ନାର୍କୋ ଟେଷ୍ଟ ପାଇଁ ଆବେଦନ କରିଥିଲା କ୍ରାଇମବ୍ରାଞ୍ଚ ।
ଅନ୍ୟପଟେ ବ୍ରଜରାଜନଗର ଗାନ୍ଧି ଛକ କ୍ରାଇମ ସ୍ପଟରେ ତନାଘନା କଲେ ଜଷ୍ଟିସ ଜେପି ଦାସ, ପୋଲିସ ଡିଜି ଓ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା । ପ୍ରଥମେ ପୋଲିସ ଡିଜି ସୁନୀଲ ବଂଶଲ କ୍ରାଇମ୍ ସ୍ପଟରେ ପହଞ୍ଚି ତଦନ୍ତ କରିଥିଲେ । ତାଙ୍କ ସହ ଉତ୍ତରାଞ୍ଚଳ ଆଇଜି ଦୀପକ କୁମାର ଉପସ୍ଥିତ ଥିଲେ।
ପରେ ଜଷ୍ଟିସ ଜେପି ଦାସ ଓ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା କ୍ରାଇମ୍ ସ୍ପଟକୁ ଯାଇ ତନାଘନା କରିଛନ୍ତି । ସେପଟେ ଗାନ୍ଧି ଛକ ଫାଣ୍ଡିକୁ ଯାଇ ତନାଘନା କରିଛନ୍ତି ପୋଲିସ ଡିଜି ସୁନୀଲ ବଂଶଲ । ଯେଉଁଠାରେ ASI ଭାବେ କାର୍ଯ୍ୟରତ ଥିଲେ ଗୋପାଳ ଦାସ ।
ସୁବର୍ଣ୍ଣପୁର: ସାଂଘାତିକ ରୂପ ନେଉଛି ଜେଲ କର୍ମଚାରୀଙ୍କ ଅନଶନ । ସୋମବାରଠାରୁ ଆନ୍ଦୋଳନରେ ବସିଥିବା ଜେଲ କର୍ମଚାରୀ ଅସୁସ୍ଥ ହୋଇ ମେଡିକାଲରେ ଭର୍ତ୍ତି ହେଉଛନ୍ତି । ବାରିପଦାରୁ ସୋନପୁର ସବୁଠି ସମାନ ଦୃଶ୍ୟ । ସୋନପୁର ସବ୍ ଜେଲରେ ଜେଲ କର୍ମଚାରୀଙ୍କ ଆମରଣ ଅନଶନ ଚାଲିଥିବାବେଳେ ଆଜି ଅନେକ ଜେଲ କର୍ମଚାରୀ ଅସୁସ୍ଥ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି।
ଦୁଇ ଦିନ ହେଲା ଆମରଣ ଅନଶନ ଚାଲିଥିବାବେଳେ କିଛି ଖାଇନଥିବାରୁ ଅସୁସ୍ଥ ଅନୁଭବ କରିବାରୁ ସମସ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । 5 ଦଫା ଦାବି ଅନଶନରେ ବସିଛନ୍ତି ଜେଲ କର୍ମଚାରୀ । ସୋନପୁର ଜେଲର ୧୧ ଜଣ କର୍ମଚାରୀ ଅନଶନରେ ବସିଥିବାବେଳ ୭ ଜଣ ଅସୁସ୍ଥ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଭୁବନେଶ୍ୱର: ଏସିଆନ ଗେମ 2022 । ଭାରତକୁ ଆଉ ଏକ ସ୍ବର୍ଣ୍ଣ ପଦକ । 25 ମିଟର ରାପିଡ଼ ଫାୟାର ପିସ୍ତଲ ସୁଟିଙ୍ଗରେ ସ୍ବର୍ଣ୍ଣ ଜିତିଲେ ଭାରତୀୟ ମହିଳା ଟିମ୍ । ପଦକ ସଂଖ୍ୟା 16 କୁ ବୃଦ୍ଧି ପାଇଛି । ଏହା ଭାରତର ଚତୃର୍ଥ ସ୍ବର୍ଣ୍ଣ ପଦକ । ଏପର୍ଯ୍ୟନ୍ତ 4 ଟି ସୁନା, 5 ଟି ରୌପ୍ୟ, 7 ଟି ବ୍ରୋଞ୍ଚ ପଦକ ମିଳିଛି ।
ଆହୁରି ପଢନ୍ତୁ ଖେଳ ଖବର...
ଅର୍ଗସ ବ୍ୟୁରୋ: ଇରାକରେ ଏକ ବିବାହ ଉତ୍ସବରେ ଅଗ୍ନିକାଣ୍ଡ ହୋଇଛି । ନିଆଁରେ ଜଳି 100 ଜୀବନ୍ତ ଦଗ୍ଧ ହୋଇଥିବା ସୂଚନା ରହିଛି । ଭୟଙ୍କର ଅଗ୍ନିକାଣ୍ଡରେ କନ୍ୟା ଓ ବର ମୃତ । 150 ରୁ ଅଧିକ ଆହତ ମେଡିକାଲରେ ଚିକିତ୍ସିତ ହେଉଥିବାବେଳେ ବିବାହ ମଣ୍ଡପରେ ଫସିଥିବା ଲୋକଙ୍କୁ ଉଦ୍ଧାର ଜାରି ରହିଛି । ଅଗ୍ନିଶମ କର୍ମଚାରୀଙ୍କ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ବାଣ ଫୁଟିବାରୁ ବିବାହ ମଣ୍ଡପରେ ନିଆଁ ଲାଗିଥିବା ଆଶଙ୍କା କରାଯାଉଛି ।
ଆହୁରି ପଢନ୍ତୁ ବିଦେଶ ଖବର...
