ଅର୍ଗସ ବ୍ୟୁରୋ: ନାର୍କୋ ଟେଷ୍ଟ ପରେ ଝାରସୁଗୁଡା ଆସିବ ଗୋପାଳ। ନାର୍କୋ ଓ ପଲିଗ୍ରାଫ୍ ଟେଷ୍ଟରୁ ସାମ୍ନାକୁ ଆସିବ କି ମର୍ଡର ମୋଟିଭ୍ । ନାର୍କୋ ଟେଷ୍ଟରେ କେତେ ସତ କେତେ ମିଛ କହିଲା ଗୋପାଳ ? ମର୍ଡର ପଛର କାରଣର ସତ କହିଛି କି ଗୋପାଳ ? ସାମ୍ବାଦିକ ସମ୍ମିଳନୀ, ରାଗରୁ ହତ୍ୟା ପ୍ଲଟ ପଛରେ କିଏ ? ଗୋପାଳ ମେଡିସିନ୍ ଖାଉନଥିଲା ଓ ରାଗ କମିଯିବ ଥିଓରୀ କାହାର ?
ନାର୍କୋ ଟେଷ୍ଟ ଅଭିଯୁକ୍ତ ଯାହା କହିବ ସବୁ ସତ ବି ନ ହୋଇପାରେ । କୋର୍ଟରେ ବି ନାର୍କୋ ଟେଷ୍ଟ ଗ୍ରହଣୀୟ ନୁହେଁ । ହତ୍ୟାର 2 ସପ୍ତାହ ପରେ ବି କ୍ରାଇମବ୍ରାଞ୍ଚ ହାତ ଖାଲି । ଜଷ୍ଟିସ ଜେ.ପି ଦାସଙ୍କ ତଦାରଖ କୋର୍ଟ ମନିଟର୍ଡ ନୁହେଁ । କାହିଁକି ଡିଜିପି କହିଲେ କୋର୍ଟ ମନିଟରରେ ହେଉଛି ତଦାରଖ ।
କାହିଁକି ନବ ଦାସ ଙ୍କୁ ଭୁବନେଶ୍ବର ଅଣାଯାଇ ଟ୍ରିଟମେଣ୍ଟର କରାଗଲା ନାଟକ । ନବ ଦାସଙ୍କ ସମର୍ଥକଙ୍କର ନାହିଁ କ୍ରାଇମବ୍ରାଞ୍ଚ ଉପରେ ଭରସା । ସିବିଆଇ ତଦନ୍ତ ନହେଲେ ଜନ ଆନ୍ଦୋଳନ ଧମକ । ଅନ୍ୟପଟେ ବିଶେଷଜ୍ଞଙ୍କ ମତ ନାର୍କୋ ଟେଷ୍ଟରୁ ଜଣାପଡିବନି ଗୋପାଳର ସତ ।
ଅଧିକ ଓଡିଶା ନ୍ୟୂଜ଼ ପଢନ୍ତୁ
କେନ୍ଦୁଝର: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ଖିରେଇଟାଙ୍ଗିରୀ ଘାଗରା ବନ୍ଧ ପୋଖରୀରୁ ବିଳମ୍ବିତ ରାତିରେ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ମୃତ ମହିଳା ହେଲେ ଖିରେଇଟାଙ୍ଗିରୀ ପଞ୍ଚାୟତ ର ପୂର୍ବତନ ନାଏବ ସରପଞ୍ଚ ଲକ୍ଷ୍ମୀପ୍ରିୟା ମହାନ୍ତ ।
ଖବର ପାଇ ବିଳମ୍ବିତ ରାତିରେ ତୁରୁମୁଙ୍ଗା ପୋଲିସ ପହଞ୍ଚି ଅଗ୍ନିଶମ ବାହିନୀ ସହାୟତାରେ ପୋଖରୀ ଭିତରୁ ମୃତଦେହ ଉଦ୍ଧାର କରିଛି। ମୃତ ମହିଳା ଙ୍କ ସ୍ଵାମୀ ଗିରିଧାରୀ ମହାନ୍ତଙ୍କୁ ଥାନାରେ ଅଟକ ରଖି ଘଟଣାର ତଦନ୍ତ ଜାରି ରଖିଛି।
ଅଧିକ ପଢନ୍ତୁ ଓଡ଼ିଶା ଖବର
କଟକ: ବହୁ ଚର୍ଚ୍ଚିତ ଏସିଏଫ୍ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲା। ହାଇକୋର୍ଟଙ୍କ ଦ୍ବାରସ୍ଥ ହେଲେ ପତ୍ନୀ ଓ ଡିଏଫଓ। ନିମ୍ନ ଅଦାଲତଙ୍କ ନିର୍ଦ୍ଦେଶକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ମୃତ ସୌମ୍ୟରଞ୍ଜନଙ୍କ ପତ୍ନୀ ବିଦ୍ୟଭାରତୀ ପଣ୍ଡା ଓ ଡିଏଫଓ ସଂଗ୍ରାମ କେଶରୀ ବେହେରା।
ଉଭୟ ହାଇକୋର୍ଟରେ ପୃଥକ୍ ପୃଥକ୍ ମାମଲା ଦାୟର କରି ରାଜ୍ୟ ସରକାର ଓ ସୌମ୍ୟରଞ୍ଜନଙ୍କ ବାପାଙ୍କୁ ପକ୍ଷଭୁକ୍ତ କରିଛନ୍ତି। ତେବେ ସୌମ୍ୟରଞ୍ଜନ ମୃତ୍ୟୁ ମାମଲାର ପୁନର୍ବିଚାର ପାଇଁ ବାପା ଅଭିରାମ ମହାପାତ୍ର ପାରଳାଖେମୁଣ୍ଡି ଦୌରା ଜଜ କୋର୍ଟରେ ଆବେଦନ କରିଥିଲେ। ତାଙ୍କ ଆବେଦନକୁ ଗ୍ରହଣ କରି କୋର୍ଟ ମାମଲାର ପୁନର୍ବିଚାର କରିବା ପତ୍ନୀ, ଡିଏଫଓ ଓ ରୋଷେଇଆ ମନ୍ମଥ କୁମ୍ଭାରକୁ କୋର୍ଟରେ ହାଜର ପାଇଁ ନୋଟିସ ଜାରି କରିଥିଲେ।
ଅଧିକ ପଢନ୍ତୁ ଓଡ଼ିଶା ଖବର
ମାଲକାନାଗିରି : ମାଲକାନାଗିରି ଜିଲ୍ଲା ଖଇରପୁଟ ବ୍ଲକ ବଣ୍ଡା ଘାଟିର ହ୍ୟାଣ୍ଡରହଲ ପଞ୍ଚାୟତ ସିନ୍ଦିଗୁଡା ଗ୍ରାମରେ ଅଭାବନୀୟ ଘଟଣା ଦେଖିବାକୁ ମିଳିଛି | ନଦୀରେ ପାର ହେଉଥିବା ସମୟରେ ଡ଼ଙ୍ଗା ବୁଡି ଦୁଇଜଣ ନିଖୋଜ ହୋଇଛନ୍ତି | ପୋଲିସ ସୂଚନା ଅନୁସାରେ ରାସବେଡା ପଞ୍ଚାୟତର ତୁମାପଦର ଗ୍ରାମର ଦୁଇ ଜଣ ବ୍ୟକ୍ତି ଆନ୍ଧ୍ରପ୍ରଦେଶର ପଡ଼ାପଦର ଗ୍ରାମରୁ ଘରକୁ ଫେରୁଥିଲେ | ନଦୀ ପାର ହେଉଥିବା ସମୟରେ ଡ଼ଙ୍ଗା ବୁଡି ସେମାନେ ନିଖୋଜ ହୋଇଯାଇଛନ୍ତି |
ଅଧିକ ପଢନ୍ତୁ : ସତୀଗୁଡା ଡ୍ୟାମରେ ଦେଶୀ ଡଙ୍ଗା ବୁଡି ଘଟଣା, ମିଳିଲା ଜଣେ ମହିଳାଙ୍କ ମୃତଦେହ
ନିଖୋଜ ବ୍ୟକ୍ତି ହେଉଛନ୍ତି ବଳରାମ କିଡିଙ୍ଗି ଓ ସଞ୍ଜିତ କିଡିଙ୍ଗି । ଖବର ପାଇ ମୁଦୁଲିପଡ଼ା ପୋଲିସ ଏବଂ ଅଗ୍ନି ବିଭାଗ ଟିମ୍ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଦିନ ତମାମ ଉଦ୍ଧାର କାର୍ଯ୍ୟ ଜାରି ରଖିଥିଲେ । କିନ୍ତୁ କୌଣସି ସୁଫଳ ହେଲାନାହିଁ । ପୁଣି ଆଜି ଉଦ୍ଧାର କାର୍ଯ୍ୟ ଚାଲୁ ରଖିଛନ୍ତି ।
