ଭୁବନେଶ୍ଵର : ଅଗଷ୍ଟ ମାସ ପାଇଁ ଆସିଲା ଗାଇଡଲାଇନ୍। ଅଗଷ୍ଟ ୧ ସକାଳ ୬ରୁ ସେପ୍ଟେମ୍ବର ୧ ସକାଳ ୬ ଯାଏଁ ଏହା ଲାଗୁ ହେବ। ତେବେ ପୂର୍ବ ପରି ରାତି ୮ଠାରୁ ସକାଳ ୬ଟା ଯାଏଁ ନାଇଟ କର୍ଫ୍ୟୁ ରହିବ। ପ୍ରତିଦିନ ସକାଳ ୬ଟାରୁ ରାତି ୮ଟା ଯାଏଁ ଦୋକାନ ବଜାର ଖୋଲିବ। ତେବେ ଭୁବନେଶ୍ଵର , ପୁରୀ ଓ କଟକ ସହରରେ ସପ୍ତାହାନ୍ତ ସଟଡାଉନ ଲାଗୁ ରହିବ। ଏନେଇ ଏସଆରସି ସୂଚନା ଦେଇଛନ୍ତି।
ସେ କହିଛନ୍ତି ଯେ ଦୀର୍ଘ ଦୁଇ ମାସ ପରେ ସ୍ଥିତି କୋହଳ ହୋଇଛି। କିନ୍ତୁ ଜୀବନ ଜୀବିକାକୁ ଆଖିରେ ରଖି ସରକାର ନିଷ୍ପତ୍ତି ନେଇଛନ୍ତି। ସମସ୍ତେ ପରସ୍ପର ଦୂରତା ରଖିବା। ମାସ୍କ ପରିଧାନ କରିବା। ଘର ଭିତରେ ଅଧିକ ଲୋକ ରହିଲେ ମାସ୍କ ପିନ୍ଧିବା ଜରୁରୀ। ଅଧିକରୁ ଅଧିକ ହାତ ଧୋଇବା।
ସେ ଆହୁରି କହିଛନ୍ତି ଯେ, ପ୍ରଥମ ଦ୍ଵିତୀୟ ଡୋଜ ମିଶାଇ ମୋଟ ଦେଢ କୋଟି ଟୀକା ଦିଆଯାଇଛି। ଗତ ଦୁଇ ସପ୍ତାହରେ ସଂକ୍ରମଣ ହାର କମୁଛି। ଜନତାଙ୍କ ଦ୍ଵାରା ଏହା ସଫଳ ହୋଇଛି। ମେ ୫ରୁ ରାଜ୍ୟରେ ଲକଡାଇନ ହୋଇଥିଲା।
ଅର୍ଗସ ବ୍ୟୁରୋ : ଜୁନ ୨ର ଅଶୁଭ ଶୁକ୍ରବାରକୁ ସପ୍ତାହେ ବିତିଛି । ସନ୍ଧ୍ୟା ପ୍ରାୟ 7 ଟାରେ ବେଳେ ଲୌହଦାନବର ରକ୍ତଭୋଜିରେ ଥରି ଉଠିଥିଲା ସାରା ଦେଶ । ବାଲେଶ୍ବର ଜିଲ୍ଲା ବାହାନଗା ବଜାର ଷ୍ଟେସନରେ ଜୁନ ୨ରେ ଘଟିଥିବା ସେହି ଲୋମହର୍ଷଣକାରୀ ରେଳ ଦୁର୍ଘଟଣା ପରେ ସେହି ରୁଟ ଦେଇ ରେଳ ଚଳାଚଳ ଧୀରେ ଧୀରେ ସ୍ବାଭାବିକ ହେଉଛି । କିନ୍ତୁ ଦୁର୍ଘଟଣାରେ ଶୀକାର ଲୋକଙ୍କର ଜୀବନ ଏଯାଏ ସ୍ବାଭାବିକ ହୋଇପାରିନି । ଯେଉଁ 288 ଯାତ୍ରୀ ଆଖି ବୁଜିଲେ ସେମାନଙ୍କ ପରିବାର ଲୋକେ ଏଯାଏ ଶୋକତୁର ଅବସ୍ଥାରୁ ବାହାରି ପାରିନାହିନ୍ତି । ସେହିପିରି ଗୁରୁତରମାନେ ଏବେବି ଜୀବନ -ମୃତ୍ୟୁର ଦୋଛକିରେ ଛିଡ଼ା ହୋଇରହିଛନ୍ତି । ଆଉ ଯେଉଁ ଯାତ୍ରୀମାନେ ଏହି କାଳ କବଳରୁ ରକ୍ଷା ପାଇଯାଇଥିଲେ ସେମାନଙ୍କୁ ଏବେବି ଡରାଉଛି ସେ କାଳ ରାତ୍ରୀ । ଆଉ ସ୍ଥାନୀୟ ଲୋକଙ୍କ ମନରୁ ଏଯାଏ ଲିଭିନି ସେଦିନ ର ଚିତ୍ର । କୁଢ କୁଢ ଶବ ଓ ରକ୍ତ ଜୁଡୁବୁଡୁ ଅବସ୍ଥାରେ ଛଟପଟ ହେଉଥିବା ଯାତ୍ରୀଙ୍କୁ ଦେଖିଥିବା ଗାଁ ଲୋକ ରେଳ ଧାରଣା ଦେଖିଲେ ଭୟ କରୁଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ବର ଏମ୍ସକୁ ୧୯୩ ଯାତ୍ରୀଙ୍କ ମୃତଦେହ ଅଣାଯାଇଥଲା । ସେଥି ମଧ୍ୟରୁ ୧୧୧ ଜଣଙ୍କ ଶବ ପରିବାର ବର୍ଗଙ୍କୁ ହସ୍ତାନ୍ତର କରାଯାଇସାରିଛି । ଚିହ୍ନଟ ସମସ୍ୟା ଦୂର ପାଇଁ ୬୪ଟି DNA ଟେଷ୍ଟ ସାରିଛି । ରିପୋର୍ଟ ଆସିବାକୁ କିଛିଦିନ ସମୟ ଲାଗିବ । କଣ୍ଟେନର ମଧ୍ୟରେ ୮୨ ଟି ମୃତଦେହ ଏବେବି ରଖାଯାଇଛି । ସେପଟେ ଭୁବନେଶ୍ବର ଏମ୍ସ ଯାଇ ଡାକ୍ତରୀ ଟିମ୍ ସହ ଆଲୋଚନା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସବୁ କିଛି ବ୍ୟବସ୍ଥିତ ଭାବେ ହେଉଥିବା କହିଛନ୍ତି କେନ୍ଦ୍ରମନ୍ତ୍ରୀ ।
ମୃତଦେହ ଓ ପରିବାର ବର୍ଗଙ୍କ ଡିଏନଏ ରିପୋର୍ଟ ଆସିବା ପରେ BMC ପକ୍ଷରୁ ପରିବାର ଲୋକଙ୍କୁ କଣ୍ଟାକ୍ଟ କରାଯିବ । ପରିବାର ଲୋକେ ଏଠି ନ ରହିଲେ ଚଳିବ ବୋଲି କହିଛନ୍ତି BMC ଡେପୁଟି କମିଶନର କହିଛନ୍ତି । ଏବେବି ବିଭିନ୍ନ ହସ୍ପିଟାଲରେ ଗୁରୁତର ଯାତ୍ରୀଙ୍କର ଚାଲିଛି ଚିକିତ୍ସା । ଏସସିବିରେ ଏବେ ସର୍ବାଧିକ ୧୧୧ ଜଣ ଚିକିତ୍ସିତ ହେଉଛନ୍ତି । ସମସ୍ତ ଆହତଙ୍କ ସ୍ବାସ୍ଥ୍ୟ ଅବସ୍ଥାରେ ଉନ୍ନତି ଆସୁଛି । ଆଇସିୟୁରେ ଏବେ ମଧ୍ୟ ୨୦ ଜଣଙ୍କର ଚିକିତ୍ସା ଚାଲିଛି । ଏବେ ସୁଦ୍ଧା ମୋଟ ୯୬ଜଣ ଆହତ ଚିକିତ୍ସା ପରେ ଏସସିବିରୁ ଡିସଚାର୍ଜ ହୋଇଛନ୍ତି ।
ସେପେଟ ତୃତୀୟ ଦିନ ପାଇଁ ବାହାନଗା ବଜାର ଷ୍ଟେସନରେ ଛାନଭିନ ଚଳାଇଛି ସିବିଆଇ ଟିମ । ଦୁଇ ଜଣିଆ ଟିମ ଆସି ହାର୍ଡଡିସ୍କ ସହ କିଛି ଗୁରୁତ୍ବପୂର୍ଣ୍ଣ ରେକର୍ଡ ସଂଗ୍ରହ କରିଥିବା ସୂଚନା ମିଳିଛି । ପ୍ରାଇଭେଟ ନମ୍ବର ଏକ୍ସଚେଞ୍ଜ ବୁକକୁ ଟିକନିକକରି ଯାଞ୍ଜ କରିଛି ସିବିଆଇ । କ୍ଷତିଗ୍ରସ୍ତ ୪ ଟି ଟ୍ରାକର କାମ ସରିବା ପରେ ଏବେ କିଛି ମରାମତି କାର୍ଯ୍ୟ ଚାଲିଛି । ଯେଉଁଥିପାଇଁ କିଛି ଟ୍ରେନକୁ ବାତିଲ କରାଯାଇଛି । ଲେବର କାମ କରିବା ଯୋଗୁଁ ସ୍ପିଡ଼ ଲିମିଟ ରଖାଯାଇଛି । ତଦନ୍ତ ନ ସରିବା ପର୍ଯ୍ୟନ୍ତ ବାହାନଗା ଷ୍ଟେସନରେ କୌଣସି ଟ୍ରେନ ରହିବନି ବୋଲି କହିଛନ୍ତି ଇଷ୍ଟକୋଷ୍ଟ ରେଲୱେ ସିପିଆରଓ ।
ଅର୍ଗସ ବ୍ୟୁରୋ : ମନ୍ତ୍ରିମଣ୍ଡଳରୁ ବାଦ୍ ପଡ଼ିଲେ ଉଚ୍ଚ ଶିକ୍ଷା ମନ୍ତ୍ରୀ ରୋହିତ ପୂଜାରୀ । ମନ୍ତ୍ରୀମଣ୍ଡଳରୁ ବାଦ୍ ଦେବାକୁ ରାଜ୍ୟପାଳଙ୍କୁ ସୁପାରିସ୍ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଉଚ୍ଚ ଶିକ୍ଷା ବିଭାଗର ଖରାପ ପ୍ରଦର୍ଶନ ପାଇଁ ତାଙ୍କୁ ମନ୍ତ୍ରୀ ମଣ୍ଡଳରୁ ବାଦ ଦେବା ପାଇଁ ସୁପାରିଣ କରାଯାଇଛି । ଅତନୁ ସବ୍ୟସାଚୀଙ୍କୁ ଉଚ୍ଚଶିକ୍ଷା ବିଭାଗର ଅତିରିକ୍ତ ଦାୟିତ୍ବ ଦିଆୟାଇଛି । ଅତନୁ ଏବେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଅଛନ୍ତି । ତେବେ ରୋହିତଙ୍କୁ କାହିଁକି ଡ୍ରପ କରାଗଲା ତାକୁ ନେଇ ଚର୍ଚ୍ଚା ଜୋର ଧରିଛି । କିଛିଦିନ ତଳେ ୬୦ ବର୍ଷ ବୟସ ଉପରେ ମନ୍ତବ୍ୟ ଦେଇ ବିବାଦୀୟ ହୋଇପଡିଥିଲେ ରୋହିତ । ୬୦ ବର୍ଷରୁ ଅଧିକ ରାଜନୀତିରୁ ଅବସର ନେବା ଉଚିତ ବୋଲି ସେ କହିଥିଲେ । ପରେ ସ୍ପଷ୍ଟୀକରଣ ଦେଇ କହିଥିଲେ, ଏକଥା ମୁଁ ମୋ ନିର୍ବାଚନୀ ମଣ୍ଡଳୀ ପାଇଁ କହିଥିଲି । କିଏ କଣ କହିଲା ସେଥିରେ ମୋର ଯାଏ ଆସେ ନାହିଁ ।
ଅଧିକ ପଢନ୍ତୁ : ରୋହିତଙ୍କୁ ବାଦ ପରେ ଅତନୁଙ୍କୁ ଉଚ୍ଚଶିକ୍ଷା ଦାୟିତ୍ୱ
ତେବେ ଚର୍ଚ୍ଚା ହେଉଛି ୬୦ ବୟସ ବୟାନ ରୋହିତଙ୍କ ପାଇଁ ଅଡୁଆ ହେଲା । ତୀର ଟାର୍ଗେଟରେ ନ ବାଜି ଅନ୍ୟ ଜାଗାରେ ବାଜିଲା । ପ୍ରଦର୍ଶନ କେବଳ ବାହାନା, ବୟାନ ପାଇଁ ହିଁ ଆଉଟ୍ ହେଲେ ରୋହିତ ପୂଜାରି ବୋଲି ଚର୍ଚ୍ଚା ହେଉଛି । ମାତ୍ର ୧ ବର୍ଷ ତଳେ ଉଚ୍ଚଶିକ୍ଷା ବିଭାଗ ଦାୟିତ୍ବ ନେଇଥିଲେ ରୋହିତ । ଏମିତି ବି ମନ୍ତ୍ରୀ ନୁହେଁ ସଚିବ ମାନେ ବି ବିଭାଗ ଚଳାଉଥିବାର ବିରୋଧୀ ଆଣୁଛନ୍ତି ଅଭିଯୋଗ । କିଛି ମାସ ତଳେ କ୍ୟାବିନେଟ୍ ବୈଠକ ପରେ ମନ୍ତ୍ରୀ ଉଷାଦେବୀଙ୍କ ମନ୍ତବ୍ୟ ହିଁ ତାର ପ୍ରମାଣ ।
ମଣ୍ଡିଠାରୁ ଆରମ୍ଭ କରି ଏମଏସପି ବିଭିନ୍ନ ସମସ୍ୟାକୁ ନେଇ ପ୍ରତିଦିନ ରାସ୍ତାକୁ ଓହ୍ଲାଉଛନ୍ତି ଚାଷୀ । ଦୁର୍ନିତୀକୁ ନେଇ ବି ବିବାଦ ଘେରରେ କୃଷି ମନ୍ତ୍ରୀ ରମେନ୍ଦ୍ର ପ୍ରତାପ ସ୍ବାଇଁ ଓ ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ । ଘଣ୍ଟା ଘଣ୍ଟା ବିଦ୍ୟୁତ କାଟ ହେଉଛି ଶକ୍ତିମନ୍ତ୍ରୀଙ୍କ ପାରିବାପଣିଆ । ସବୁ ପରେ ବି ଏ ତିନି ମନ୍ତ୍ରୀଙ୍କ ପ୍ରଦର୍ଶନ ବଢିଆ । ହେଲେ ରହିତୋଙ୍କ କ୍ଷେତ୍ରରେ କିନ୍ତୁ ମାପଦଣ୍ଡ ଅଗଲା । ପ୍ରଦର୍ଶନ ନା ବିବାଦୀୟ ବୟାନ ତାହା ସ୍ପଷ୍ଟ ।
ଅର୍ଗସ ବ୍ୟୁରୋ : କୋଇଲା ଖଣି ଭୁଶୁଡ଼ା ପଡ଼ିବାରୁ ୩ ଜଣଙ୍କ ମୃତ୍ୟୁ । ଧନବାଦର ଝରିଆ କୋଲଫିଲ୍ଡରେ ରାଷ୍ଟ୍ରାୟତ୍ତ ବିସିସିଏଲର ଏକ କୋଇଲା ଖଣିରେ କୋଇଲା ଉତ୍ତୋଳନ ବେଳେ ଘଟିଛି ଅଘଟଣ । ଆଜି ସକାଳେ ବିସିସିଏଲର ଭଉରା କୋଲିଏରି ଅଂଚଳରେ ଏହି ଘଟଣା ଘଟିଛି । ଦେବପ୍ରଭା ନାମକ ଏକ ଆଉଟସୋର୍ସିଂ କମ୍ପାନି ଏହି ଖଣିରେ ଖଣି ଖନନ କରୁଥିଲା । ପ୍ରତିଦିନ ବହୁ ସଂଖ୍ୟକ ଲୋକ ଏହି ରାଷ୍ଟ୍ରାୟତ୍ତ ଖଣିରେ ବେଆଇନ ଖନନ କରି କୋଇଲା ଉତ୍ତୋଳନ କରିଥାନ୍ତି ।
ଅଧିକ ପଢନ୍ତୁ ଭାରତ ଖବର
ଶୁକ୍ରବାର ସକାଳେ କିଛି ଲୋକ ବେଆଇନ ଭାବେ କୋଇଲା ଖନନ ପାଇଁ ସେଠାରେ ପ୍ରବେଶ କରିଥିବାବେଳେ ଖଣିର ଛାତ ହଠାତ୍ ଭୁଶୁଡ଼ି ପଡ଼ିଥିଲା । ସେମାନଙ୍କ ମଧ୍ୟରୁ ୨ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ପରେ ଅନ୍ୟ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସ୍ଥାନୀୟ ଲୋକଙ୍କ ସହାୟତାରେ କୋଇଲା ଭଗ୍ନାବଶେଷତଳୁ ୧୪-୧୫ ଜଣଙ୍କୁ ବାହାର କରାଯାଇଛି, ସେମାନଙ୍କ ମଧ୍ୟରୁ କେତେକ ସ୍ଥାନୀୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
