Hair donation to cancer patients

କର୍କଟ ରୋଗୀଙ୍କୁ କେଶ ଦାନ

by Banajyotshna Ray

ଅର୍ଗସ ବ୍ୟୁରୋ: ଓଡ଼ିଶା ଇତିହାସରେ ସ୍ୱର୍ଣ୍ଣିମ ଅକ୍ଷରରେ ବିଦିତ ଏକ ଅବିସ୍ମରଣୀୟ ତାରିଖ। ୧୯୩୬ ମସିହା ଏପ୍ରିଲ ୧, ଉତ୍କଳ ଦିବସ। ଯାହାକୁ ନେଇ ପ୍ରତ୍ୟେକ ଓଡ଼ିଆ ନିଜକୁ ଗର୍ବିତ ଅନୁଭବ କରନ୍ତି । ଯାହା ବୟାନ କରେ ଓଡ଼ିଶା ରାଜ୍ୟ ଗଠନର ଗୌରବମୟ ଇତିହାସ । ଆଜିର ଦିନଟିକୁ ବିଭିନ୍ନ ସ୍ଥାନରେ ପାଳନ କରାଯାଉଛି। ପୁରୀରେ ମଧ୍ୟ ସୋପଭା ଟ୍ରଷ୍ଟ ପକ୍ଷରୁ ନିଆରା ଢଙ୍ଗରେ ପାଳନ କରାଯାଇଛି। କର୍କଟ ରୋଗୀଙ୍କୁ କେଶ ଦାନ କରି ଉତ୍କଳ ଦିବସ ପାଳନ କରିଛି ଏହି ଟ୍ରଷ୍ଟ। କର୍କଟ ରୋଗରେ ପୀଡିତ ରୋଗୀ ମାନଙ୍କ ଲାଗି ଏହି କେଶ ପ୍ରଦାନ କରାଯାଉଛି l ଦେଶ ଏବଂ ରାଜ୍ୟ ରେ ହଜାର ହଜାର ସଂଖ୍ୟକ ଲୋକେ ଏହି ରୋଗ ରେ ପୀଡିତ ହୋଇଥିବା ବେଳେ ସେମାନଙ୍କ ଚିକିତ୍ସା ସମୟରେ କେଶ ଉପୁଡିବା ଦେଖିବାକୁ ମିଳିଥାଏ l

ଏହି କେଶ ଉପୁଡିବା ସମସ୍ୟା ଯୋଗୁ ଅନେକ କର୍କଟ ରୋଗୀ ନିରାଶ ହୋଇଥାନ୍ତି। ତେବେ ଏହି କର୍କଟ ରୋଗରେ ପୀଡିତ ରୋଗୀଙ୍କ ମୁଁହରେ ହସ ଫୁଟାଇବା ଲାଗି ସୋପଭା ଟ୍ରଷ୍ଟ ପକ୍ଷରୁ ଏକ କେଶ ଦାନ ସଚେତନ ଶିବିର ଆୟୋଜନ କରାଯାଇଥିଲା l ଏହି କାର୍ଯ୍ୟକ୍ରମରେ ପୁରୀ ଏବଂ ରାଜ୍ୟର ବିଭିନ୍ନ ସ୍ଥାନରୁ ମହିଳା ଓ ପୁରୁଷ ମାନେ ମଧ୍ୟ ସ୍ଵଇଚ୍ଛାରେ ନିଜ କେଶ ପ୍ରଦାନ କରିଛନ୍ତି l ବିଶେଷ କରି ମହିଳା ମାନେ ଏହି କାର୍ଯ୍ୟକ୍ରମରେ ଯୋଗଦେଇ ନିଜ ନିଜ କେଶ ପ୍ରଦାନ କରିଥିଲେ l କର୍କଟ ରୋଗରେ ପୀଡିତ ବ୍ୟକ୍ତି କିମ୍ବା ମହିଳା ମାନେ ଟ୍ରଷ୍ଟ ପକ୍ଷରୁ ସଂଗ୍ରହ କରାଯାଇଥିବା କେଶକୁ ବ୍ୟବହାର କରି ବେଶ ଖୁସି ବ୍ୟକ୍ତ କରୁଥିବା କହିଛନ୍ତି ଆୟୋଜକ l

ଓଡ଼ିଶାରେ ଆଉ ଏକ ମେଡିକାଲ କଲେଜକୁ ଅନୁମତି

by Manini Pattanayak

Permission for another medical college in Odisha, A new medical college will be established in Tangi, Cuttack

ଭୁବନେଶ୍ୱର: ରାଜ୍ୟରେ ସ୍ବାସ୍ଥ୍ୟ କ୍ଷେତ୍ରରେ ଭଲ ଖବର । ଏବେ ରାଜ୍ୟରେ ରହିବନି ଡାକ୍ତର ଅଭାବ । ଓଡ଼ିଶାରେ ଆଉ ଏକ ମେଡିକାଲ କଲେଜକୁ ଅନୁମତି ମିଳିଛି । କଟକ ଟାଙ୍ଗିରେ ହେବ ନୂଆ ମେଡିକାଲ କଲେଜ । ଡ୍ରିମସ ଇନଷ୍ଟିଚ୍ୟୁଟ ଅଫ ହେଲ୍ଥ ସାଇନ୍ସକୁ ଅନୁମତି ଦେଇଛି NMC । 100 ସିଟ ବିଶିଷ୍ଟ ମେଡିକାଲ କଲେଜ ନେଇ ଅନୁମତି ମିଳିଛି । ତେବେ କଟକରେ SCB ପରେ ଏହା ହେବ ଦ୍ବିତୀୟ ମେଡିକାଲ କଲେଜ । ରାଜ୍ୟ ସରକାରଙ୍କ ପକ୍ଷରୁ ଏନେଇ ଆବେଦନ କରାଯାଇଥିବା ବେଳେ ଏନେଇ ତୁରନ୍ତ ପଦକ୍ଷେପ ନିଆଯିବା ସହ ମେଡିକାଲ କଲେଜକୁ ଅନୁମତି ଦିଆଯାଇଛି । ଓଡ଼ିଶାରେ ଏବେ ବି ୫୦ ପ୍ରତିଶତ ଡାକ୍ତର ଓ ପାରା ମେଡିକାଲ, ନର୍ସ ପଦବୀ ଖାଲି ରହିଛି । ତେବେ ଆଉ ଏକ ମେଡିକାଲ କଲେଜକୁ ଅନୁମତି ମିଳିବା ପରେ ଏଠାରୁ ଯେଉଁ ଡାକ୍ତର ବାହାରିବେ ସେମାନଙ୍କୁ ରାଜ୍ୟର ବିଭିନ୍ନ ସ୍ଥାନରେ ନିଯୁକ୍ତି ମିଳି ପାରିବ । ଅଧିକ ପଢନ୍ତୁ ଓଡ଼ିଶା ଖବର

ମେ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୫୭ ହଜାର କୋଟିକୁ ବୃଦ୍ଧି

by Manini Pattanayak

In May 2023, the country's GST collection increased to 1 lakh 57 thousand crores, This is 12 percent more than May 2022.

ନୂଆଦିଲ୍ଲୀ: ମେ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୫୭ ହଜାର କୋଟିକୁ ବୃଦ୍ଧି ପାଇଛି। ଏହା ମେ ୨୦୨୨ ତୁଳନାରେ ୧୨ ପ୍ରତିଶତ ଅଧିକ । କିନ୍ତୁ ଏପ୍ରିଲ ୨୦୨୩ରେ ଆଦାୟ ହୋଇଥିବା ରେକର୍ଡ ୧ ଲକ୍ଷ ୮୭ ହଜାର କୋଟିର ଜିଏସଟି ସଂଗ୍ରହ ତୁଳନାରେ ୧୭ ପ୍ରତିଶତ କମ । ଅର୍ଥ ମନ୍ତ୍ରଣାଳୟ ଆଜି ଏହି ତଥ୍ୟ ଜାରି କରିଛି । ମାର୍ଚ୍ଚରେ ମୋଟ ଜିଏସଟି ଆଦାୟ ମଧ୍ୟରେ ୨୮,୪୧୧ କୋଟି ଟଙ୍କାର ସିଜିଏସଟି, ୩୫୮୨୮ କୋଟି ଟଙ୍କାର ଏସଜିଏସଟି ଏବଂ ରେକର୍ଡ ୮୧୩୬୩ କୋଟି ଟଙ୍କାର ଆଇଜିଏସଟି ଅନ୍ତର୍ଭୁକ୍ତ । ଏଥିରେ ୧୧,୪୮୯ କୋଟି ଟଙ୍କା ସେସ୍ ଅନ୍ତର୍ଭୁକ୍ତ, ଯେଉଁଥିରୁ ୧୦୫୭ କୋଟି ଟଙ୍କା ସାମଗ୍ରୀ ଆମଦାନୀରୁ ଆସିଛି ବୋଲି ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି । ଗତ ମେ ମାସରେ ଓଡ଼ିଶାରେ ୪୩୯୮ କୋଟି ଟଙ୍କାର ଜିଏସଟି ଆଦାୟ ହୋଇଛି, ଯାହାକି ମାର୍ଚ୍ଚ ୨୦୨୨ରେ ୩୯୫୬ କୋଟି ଟଙ୍କା ଥିଲା । ଏଣୁ ଗତ ଆର୍ଥିକ ବର୍ଷର ମେ ମାସ ତୁଳନାରେ ମେ ୨୦୨୩ରେ ଓଡ଼ିଶାର ଜିଏସଟି ସଂଗ୍ରହ ୧୧ ପ୍ରତିଶତ ବୃଦ୍ଧି ପାଇଛି । ଅଧିକ ପଢନ୍ତୁ ଭାରତ ଖବର

ଆଜି ପୂର୍ବାହ୍ନ 11ଟାରେ ପ୍ରକାଶ ପାଇବ ଫଳ

by Manini Pattanayak

OJEE Result will be released today, The results will be released today at 11 am

ଭୁବନେଶ୍ୱର: ଆଜି ପ୍ରକାଶ ପାଇବ OJEE ରେଜଲ୍ଟ । ଆଜି ପୂର୍ବାହ୍ନ 11ଟାରେ ପ୍ରକାଶ ପାଇବ ଫଳ । OJEE ୱେବସାଇଟରେ www.ojee.nic.in ରେ ରେଜଲ୍ଟ ଦେଖିପାରିବେ ପରୀକ୍ଷାର୍ଥୀ । ଏଥର ପରୀକ୍ଷା ଦେଇଥିଲେ ୫୫ ହଜାର ୯୭୯ ଜଣ ପରୀକ୍ଷାର୍ଥୀ । ଏଥିପାଇଁ ରାଜ୍ୟରେ ୪୪ଟି କେନ୍ଦ୍ର ସହ ରାଜ୍ୟ ବାହାରେ ୩ଟି କେନ୍ଦ୍ର କରାଯାଇଥିଲା । ରାଜ୍ୟରେ ଥିବା ସରକାରୀ ଓ ଘରୋଇ ବେଷୟିକ ଶିକ୍ଷାନୁଷ୍ଠାନର ଏମ୍‌ବିଏ, ଏମ୍‌ସିଏ, ଏମଏସ୍‌ସି, ଏମେ୍‌ଟେକ ଭଳି ୧୧ଟି ପାଠ୍ୟକ୍ରମରେ ନାମଲେଖା ଲାଗି ଗତ ମେ’ ମାସ ୮ରୁ ୧୫ତାରିଖ ପର୍ଯ୍ୟନ୍ତ ପରୀକ୍ଷା ହୋଇଥିଲା। ଏଥିପାଇଁ ମୋଟ ୪୭ ପରୀକ୍ଷା କେନ୍ଦ୍ର ହୋଇଥିଲା । ଚଳିତବର୍ଷ ସମ୍ପୂର୍ଣ୍ଣ କମ୍ପ୍ୟୁଟର ବସଡ୍‌ ମୋଡରେ ହୋଇଥିଲା ପରୀକ୍ଷା। ତେବେ ଆଜି ପୂର୍ବାହ୍ନ 11ଟାରେ OJEE ରେଜଲ୍ଟ ପ୍ରକାଶ ପାଇବ । ଅଧିକ ପଢନ୍ତୁ ଓଡ଼ିଶା ଖବର

Download Argus News App