ମାଡ ଖାଉଥିବା ବ୍ୟକ୍ତି ଜଣଙ୍କ ହେଉଛନ୍ତି ମାଡ ମାରୁଥିବା ମହିଳାଙ୍କ ସ୍ଵାମୀ । କିନ୍ତୁ ବ୍ୟକ୍ତି ଜଣକ ତାଙ୍କ ଅଜଣାତରେ ଆଉ ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ରଖିଥିଲେ । ସେଇଥି ଲାଗି ତ ବିଚ୍ ରାସ୍ତାରେ ନିଜ ସ୍ଵାମୀଙ୍କୁ ମାରିବାକୁ ପଛାଇଲେନାହିଁ ମହିଳା ଜଣକ ।
ସ୍ତ୍ରୀ ଥାଉଥାଉ ପୁଣି ବାହା ହେବେ କହୁଥିଲେ
ବିଚ୍ ରାସ୍ତାରେ ମାରି ନାଲିଆ ପକାଇଦେଲେ ସ୍ତ୍ରୀ
ମହଙ୍ଗା ପଡ଼ିଲା ପରିକ୍ରିୟାପ୍ରୀତି । ପ୍ରଥମ ପତ୍ନୀ ଥାଉ ଥାଉ ଦ୍ୱିତୀୟ ବିବାହ କରିବାକୁ ସଜ ହେଉଥିଲେ ସ୍ୱାମୀ । ଖବର ପାଇ ପହଞ୍ଚିଗଲେ ପ୍ରଥମ ସ୍ତ୍ରୀ । ଘଟଣା ଘଟିଛି କଟକ ବାଙ୍କୀ କୋର୍ଟ ସମ୍ମୁଖ ରାସ୍ତାରେ । ଯାହାର ଭିଡିଓ ବି ସୋସିଆଲ ମିଡିଆରେ ଭାଇରାଲ ହେଉଛି ।
ବାଙ୍କୀ ଥାନା କିଆପଲା ପଞ୍ଚାୟତର କମଳପୁର ଗ୍ରାମର ସନ୍ତୋଷ କୁମାର ରାଉତ ବୈଦିକ ରୀତିରେ ଗତ ୨୦୨୨ ମସିହା ମାର୍ଚ୍ଚ ୧୧ ତାରିଖ ରେ ଗୋଳାଗଣ୍ଡ ପଞ୍ଚାୟତର ରାଜୀବ ଗାଁର ଜୈନିକ ଯୁବତୀଙ୍କୁ ବିବାହ କରିଥିଲେ । ବିବାହର କିଛି ଦିନ ପରେ ସନ୍ତୋଷ କାର୍ଯ୍ୟ କରୁଥିବା ପୁଣେକୁ ସ୍ତ୍ରୀଙ୍କୁ ସାଙ୍ଗରେ ନେଇ ଯାଇଥିଲେ । ଫେରିବା ପରେ ସ୍ତ୍ରୀ ବାପଘରକୁ ଯାଇଥିଲା । ଆଉ ଏହା ପଛରେ ଥିଲା ଶାରୀରିକ ଓ ମାନିସିକ ନିର୍ଯାତନାର ଅଭିଯୋଗ । ହେଲେ ଏହାର ଫାଇଦା ନେଇ ସନ୍ତୋଷ ପୁଣି ଥରେ ବାହା ହେବାକୁ ମନବଳାଇଥିଲେ । କିନ୍ତୁ ବାହାଘର ପୂର୍ବରୁ ପହଞ୍ଚିଯାଇଥିଲେ ପ୍ରଥମ ପତ୍ନୀ ଆଉ କାହାକୁ ଅପେକ୍ଷା ନକରି ମାଡ ମାରିଥିଲେ । ଆଉ ପୁରା ଘଟଣା ଦେଖିବା ପରେ ବାହାହେବାକୁ ଆସିଥିବା ଦ୍ଵିତୀୟ ପ୍ରେମିକା ଜଣକ ଚମ୍ପଟ ମାରିଥିଲେ । ପରେ ପରେ ସନ୍ତୋଙ୍କୁ ପୋଲିସର ଜିମା ଦିଆଯାଇଛି ।
ପୁରା ଘଟଣାକୁ ନେଇ ବାଙ୍କୀ ଅଂଚଳରେ ଚର୍ଚ୍ଚା ଜୋର ଧରିଥିବା ବେଳେ ସନ୍ତୋଷଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ପ୍ରଥମ ସ୍ତ୍ରୀ ପୋଲିସ ପାଖରେ ଦାବି କରିଛନ୍ତି ।
