ବିବାଦ ଘେରରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଓ ଝିଅ ଦିପାଲୀ, ନିଜକୁ ବଞ୍ଚାଇବା ପାଇଁ ବ୍ୟାକଡେଟରେ ଲେଟରକରି ଦିପାଲୀଙ୍କୁ ପ୍ରତିନିଧି ପଦରୁ ହଟାଇଲେ ନବ

ବିବାଦ ଘେରରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଓ ଝିଅ ଦିପାଲୀ, ନିଜକୁ ବଞ୍ଚାଇବା ପାଇଁ ବ୍ୟାକଡେଟରେ ଲେଟ...

by Banajyotshna Ray

ଭୁବନେଶ୍ୱର: ବିବାଦ ଘେରରେ ହେବିୱେଟ କ୍ୟାବିନେଟ ମନ୍ତ୍ରୀ ନବ ଦାସ ଓ ତାଙ୍କ ଝିଅ ଦିପାଲୀ ଦାସ । ନିଜକୁ ବଞ୍ଚାଇବା ପାଇଁ ବ୍ୟାକଡେଟରେ ଲେଟର କରି ଦିପାଲୀଙ୍କୁ ତାଙ୍କ ପ୍ରତିନିଧି ପଦରୁ ହଟାଇଛନ୍ତି ନବ । ହେଲେ ଆଶ୍ଚର‌୍ୟ୍ୟର କଥା ଏବେ ବି ନିଜ ସୋସିଆଲ ପେଜ ଆକାଉଣ୍ଟରେ ନବ ଦାସଙ୍କ ପ୍ରତିନିଧି ବୋଲି ଉଲ୍ଲେଖ କରିଛନ୍ତି ଦିପାଲୀ । ଯାହାକୁ ନେଇ ଚର୍ଚ୍ଚା ଜୋର ଧରିଛି ।

ସାଧାରଣ ଜନତାଙ୍କ ଚାପରେ ଚେପା ପାୱାରଫୁଲ୍ ସ୍ୱାସ୍ଥ୍ୟମନ୍ତ୍ରୀ ନବ ଦାସ । ଦେଖନ୍ତୁ ଏ ଚିଠିକୁ । ଏଥିରେ ଉଲ୍ଲେଖ ରହିଛି ସେ ପୂର୍ବରୁ ପ୍ରତିନିଧି ଭାବେ ଜିଲ୍ଲାପାଳଙ୍କୁ ଲେଖିଥିବା ଚିଠିକୁ ରଦ୍ଧ କରିବାକୁ ବା ପ୍ରତ୍ୟାହାର କରାଯାଇଥିବା କୁହାଯାଇଛି । ଇଏ ହେଉଛି ସେହି ଚିଠି । ଯେଉଁଥିରେ ନବ ଦାସ ତାଙ୍କ ଅଫିସିଆଲ୍ ଲେଟର ପ୍ୟାଡ୍‌ରେ ଉଲ୍ଲେଖ କରିଛନ୍ତି ତାଙ୍କ ଝିଅ ଦୀପାଲି ଦାସ ତାଙ୍କ ଅଫିସ କାମ କରିବେ । ଏଥିପାଇଁ ତାଙ୍କୁ ସେ ତାଙ୍କୁ ପ୍ରତିନିଧି ମୋନନୀତ କରୁଛନ୍ତି ।

ତେବେ ଚିଠି ପ୍ରତ୍ୟାହାର ନେଇ ନବ ଦାସ ଚିଠି ଲେଖିଛନ୍ତି ୩୦ ମେରେ । ଯାହାକୁ ନେଇ ଏବେ ସନ୍ଦେହ ସୃଷ୍ଟି ହେଉଛି । ଏଇ ସନ୍ଦେହକୁ ବେଶୀ ବଢାଉଛି ଦିପାଲି ଦାସଙ୍କ ଟ୍ବିଟର ଓ ଫେସବୁକ୍ ଆକାଉଣ୍ଟ । ଆକାଉଣ୍ଟରେ ଦୀପାଲୀ ଦାସ ନିଜକୁ ନବ ଦାସଙ୍କ ପ୍ରତିନିଧି ଭାବେ ଉଲ୍ଲେଖ କରିଛନ୍ତି । ଏବେ ପ୍ରଶ୍ନ ଉଠୁଛି ଯଦି ମେ ୩୧ରୁ ଦୀପାଲି ନବ ଦାସଙ୍କ ପ୍ରତିନିଧି ନାହାନ୍ତି ତାହା ହେଲେ ନିଜ ଆକାଉଣ୍ଟରୁ କାହିଁକି ହଟାଇ ନାହାନ୍ତି, କାହିଁକି ନବ ଦାସଙ୍କ ପ୍ରତିନିଧି ଉଲ୍ଲେଖ କରି ଦ୍ବନ୍ଦ୍ବ ସୃଷ୍ଚି କରୁଛନ୍ତି ନା ନବ ଦାସଙ୍କ ବ୍ୟାକ୍ ଡେଟ୍‌ରେ ଏଇ ଚିଠି ଲେଖିଛନ୍ତି, ଦିପାଲୀଙ୍କୁ ନେଇ ବିବାଦ ବଢିବା ପରେ ଏଇ ଚିଠି ଲେଖାଯାଇନାହିଁ ତ, ମେ ୩୧ ପରେ ଦିପାଲୀ କୈଣସି କାର୍ଯ୍ୟକ୍ରମରେ ନବ ଦାସଙ୍କ ପ୍ରତିନିଧି ଭାବେ ଯୋଗ ଦେଇନାହାନ୍ତି କି, ଏନେଇ ସ୍ପଷ୍ଟ କରିବେ କି ନବ ଦାସ କିମ୍ବା ଦିପାଲୀ, କାହା କ୍ଷମତାରେ ସରକାରୀ କନଫରେନ୍‌ସ ହଲରେ ବେସରକାରୀ କାର‌୍ୟ୍ୟକ୍ରମ କଲେ ଦିପାଲୀ, ନା ମନ୍ତ୍ରୀଙ୍କ ଝିଅ ବୋଲି ତାଙ୍କୁ ଅଟକାଇବା ପାଇଁ ଡରିଲା ପ୍ରଶାସନ ।

ଅଟୋକୁ ଧକ୍କା ଦେଲା ଟ୍ରକ: ୭ ଛାତ୍ରଛାତ୍ରୀଙ୍କ ସମେତ ଡ୍ରାଇଭର ଆହତ

by Ritu Das

ଅର୍ଗସ ବ୍ୟୁରୋ: ଖଲ୍ଲିକୋଟ ଥାନା ଅନ୍ତର୍ଗତ ବଡ଼ଘାଟି ନିକଟସ୍ଥ ହରିଡାମୂଳ ଛକରେ ଏକ ଯାତ୍ରୀବାହୀ ଅଟୋକୁ ଧକ୍କା ଦେଲା ଟ୍ରକ, ୭ ଛାତ୍ରଛାତ୍ରୀ ସମେତ ଅଟୋ ଡ୍ରାଇଭର ଆହତ ।

ଟ୍ରକଟି ଅଟୋକୁ ଧକ୍କା ଦେବା ପରେ ରାସ୍ତାରେ ହିଁ ଅଟୋଟି ଓଲଟି ପଡିଥିଲା। କେଶପୁରରୁ ଖଲ୍ଲିକୋଟର ଏକ କୋଚିଂ ସେଣ୍ଟରକୁ ଅଟୋରେ ୬ଜଣ ଛାତ୍ରୀ ଓ ଜଣେ ଛାତ୍ର ଯାଉଥିଲେ। ଆହତ ଛାତ୍ରଛାତ୍ରୀଙ୍କୁ ସ୍ଥାନୀୟ ବାସିନ୍ଦା ଉଦ୍ଧାର କରି ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି। ସେମାନଙ୍କ ମଧ୍ୟରୁ ଜଣେ ଛାତ୍ରଙ୍କ ଅବସ୍ଥା ଗୁରୁତର ରହିଛି। ଅଟୋ ଡ୍ରାଇଭର ଓ ଟ୍ରକ ଡ୍ରାଇଭରଙ୍କୁ ଅଟକ ରଖି ଖଲ୍ଲିକୋଟ ଥାନା ପୋଲିସର ପଚରାଉଚରା ଜାରି ରହିଛି।

ଅଧିକ ପଢ଼ନ୍ତୁ ଓଡ଼ିଶା ଖବର

ଭୁବନେଶ୍ୱରଠାରେ 29ତମ ଆନ୍ତଃ ରେଳବାଇ ସୁରକ୍ଷାବଳ ହକି ଟୁର୍ଣ୍ଣାମେଣ୍ଟ ଉଦଯାପିତ

by Ritu Das

ଅର୍ଗସ ବ୍ୟୁରୋ: ପୂର୍ବତଟ ରେଳପଥ ଖୋର୍ଦ୍ଧା ରୋଡ଼ ରେଳମଣ୍ଡଳ ରେଳବାଇ ସୁରକ୍ଷା ବଳ ଆନୁକୂଲ୍ୟରେ 27 ରୁ 30 ସେପ୍ଟେମ୍ବର 2023 ମଧ୍ୟରେ ଆୟୋଜିତ ଚାରି ଦିନିଆ 29 ତମ ଆନ୍ତଃ ରେଳବାଇ ସୁରକ୍ଷାବଳ ହକି ଟୁର୍ଣ୍ଣାମେଣ୍ଟ କିଟ ଷ୍ଟାଡିୟମ ଠାରେ ଉଦଯାପିତ ହୋଇଯାଇଅଛି।

ଉତ୍ତର ରେଳପଥ ଆରପିଏଫ୍ ହକି ଟିମ୍ ଦକ୍ଷିଣ ପୂର୍ବ ରେଳପଥ ଆରପିଏଫ୍ ହକି ଦଳକୁ 2-0 ଗୋଲରେ ପରାସ୍ତ କରି ଚାମ୍ପିଅନସିପ୍ ଟ୍ରଫି ହାସଲ କରିଛି। ଦକ୍ଷିଣ ରେଳପଥର ଶ୍ରୀ ବିନୋଦ କୁମାର ମ୍ୟାନ୍ ଅଫ୍ ଦି ଟୁର୍ଣ୍ଣାମେଣ୍ଟ ଏବଂ ଉତ୍ତର ରେଳପଥର ଶ୍ରୀ ସୁଖବିନ୍ଦର ସିଂ ମ୍ୟାନ୍ ଅଫ୍ ଦି ମ୍ୟାଚ୍ ଭାବରେ ବିବେଚିତ ହୋଇଛନ୍ତି।

ଉଦଯାପନ ଦିବସରେ ଆୟୋଜିତ ଫାଇନାଲ ମ୍ୟାଚରେ ଯୋଗଦାନ କରି ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ମନୋଜ ଶର୍ମା ରେଳପଥର ପ୍ରମୁଖ ସୁରକ୍ଷା ଆୟୁକ୍ତ ଏବଂ ଆଇଜି / ଆରପିଏଫ୍ ଆଲୋକ ବୋହରାଙ୍କ ଉପସ୍ଥିତିରେ ସମ୍ପୃକ୍ତ ଆରପିଏଫ୍ ହକି ଦଳକୁ ଚାମ୍ପିୟନ ଟ୍ରଫି ଏବଂ ରନର୍ସ ଅପ୍ ଟ୍ରଫି ପ୍ରଦାନ କରିଛନ୍ତି।
ବିଶିଷ୍ଟ ଅତିଥି ମାନଙ୍କ ମଧ୍ୟରେ ପୂର୍ବତଟ ରେଳପଥର ପ୍ରମୁଖ ବିଭାଗୀୟ ଅଧିକାରୀ ମାନଙ୍କ ସହିତ ବହୁ ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।

ଦୀର୍ଘ ଚାରିଦିନ ବ୍ୟାପି ଆୟୋଜିତ ହେଉଥିବା ଏହି ଟୁର୍ଣ୍ଣାମେଣ୍ଟରେ ଭାରତୀୟ ରେଳବାଇର ଆଠ ଗୋଟିଏ ରେଳବାଇ ସୁରକ୍ଷାବଳ ହକି ଟିମ ଯଥା ଉତ୍ତର ରେଳପଥ (ନୂଆ ଦିଲ୍ଲୀ), ଦକ୍ଷିଣ ପୂର୍ବ ରେଳପଥ (କୋଲକାତା), ପଶ୍ଚିମ ରେଳପଥ (ମୁମ୍ବାଇ), ଉତ୍ତର ପୂର୍ବ ରେଳପଥ (ଗୋରଖପୁର), ଦକ୍ଷିଣ ରେଳପଥ (ଚେନ୍ନାଇ), ପଶ୍ଚିମ କେନ୍ଦ୍ରୀୟ ରେଳପଥ (ଜବଲପୁର), କେନ୍ଦ୍ରୀୟ ରେଳପଥ (ମୁମ୍ବାଇ) ଓ ରେଳବାଇ ସୁରକ୍ଷା ବଳ ସ୍ୱତନ୍ତ୍ର ବାହିନୀ (ନୂଆ ଦିଲ୍ଲୀ) ପ୍ରମୁଖ ଭାଗ ନେଇଥିଲେ।

ଅଧିକ ପଢ଼ନ୍ତୁ କ୍ରୀଡ଼ା ଖବର

ମହମ୍ମଦ ମୁଇଜୁ ମାଳଦ୍ବୀପ ରାଷ୍ଟ୍ରପତି ଭାବେ ନିର୍ବାଚିତ

by Ritu Das

ଅର୍ଗସ ବ୍ୟୁରୋ: ବିରୋଧୀ ପ୍ରାର୍ଥୀ ମହମ୍ମଦ ମୁଇଜ ମାଳଦ୍ବୀପ ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି। ପ୍ରୋଗ୍ରେସିଭ ପାର୍ଟି ଅଫ ମାଳଦ୍ବୀପ (ପିପିଏମ)ର ପ୍ରାର୍ଥୀ ମୁଇଜ ଭାରତ ସମର୍ଥକ ରାଷ୍ଟ୍ରପତି ଇବ୍ରାହିମ ମହମ୍ମଦ ସୋଲିହଙ୍କୁ ହରାଇଛନ୍ତି।