Heavy fog in Odisha

ଅଧିକ ପଢନ୍ତୁ ଓଡିଶା ଖବର

ବହୁଚର୍ଚ୍ଚିତ ମାମଲାର ତଦନ୍ତ କରି, ପାର୍ଲାମେଣ୍ଟ ଏଥିକ୍ସ କମିଟି ପକ୍ଷରୁ ଗତକାଲି ଲୋକସଭାରେ ୫ଶହ ପୃଷ୍ଠାର ରିପୋର୍ଟ ଉପସ୍ଥାପନ ହୋଇଥିଲା । ମହୁଆଙ୍କୁ ବହିଷ୍କାର ପାଇଁ ଏବଂ କେନ୍ଦ୍ର ସରକାରଙ୍କ ଦ୍ୱାରା ନିର୍ଦ୍ଦିଷ୍ଟ ସମୟ ସୀମା ଭିତରେ ମନିଟ୍ରେଲର ଇଣ୍ଟେନ୍ସ, ଲିଗାଲ୍ ଓ ଇନଷ୍ଟିଚ୍ୟୁସନାଲ ଇନକ୍ୱାରି ପାଇଁ ସୁପାରିଶ କରାଯାଥିଲା । ପରେ ବରିଷ୍କାର ପାଇଁ ନିଆଯାଇଥିଲା ନିଷ୍ପତ୍ତି । ସେପଟେ ବହିଷ୍କାର ଆଦେଶ ପରେ, ସଂସଦ ବାହାରେ ଉଭୟ ଏଥିକ୍ସ କମିଟି ଓ ବିଜେପି ଉପରେ ଗର୍ଜିଛନ୍ତି ମହୁଆ ।

ଅଭିଯୋଗ ଅନୁସାରେ, କିଛି ନିର୍ଦ୍ଦିଷ୍ଟ କମ୍ପାନୀଙ୍କ ସ୍ୱାର୍ଥରେ ପ୍ରଶ୍ନ ପଚାରିବାକୁ ବ୍ୟାପକ ଅର୍ଥ ନେଇଛନ୍ତି ମୋହୁଆ । ଉଦ୍ୟୋଗପତି ଦର୍ଶନ ହିରାନନ୍ଦାନି ଓ ଆଇନଜୀବୀ ଜୟ ଅନନ୍ତ ଦେହାଦ୍ରାଇ ଦେଇଥିବା ଦୁଇଟି ଭିନ୍ନ ସତ୍ୟପାଠରେ ଏ କଥା ସ୍ପଷ୍ଟ ହୋଇଛି । ସିବିଆଇ କୋର୍ଟ ଓ ଲୋକସଭା ଏଥିକ୍ସ କମିଟିରେ ଦାଖଲ ଏହି ସତ୍ୟପାଠରେ ମଧ୍ୟ ଖୋଲିଥିଲା ମହୁଆ ମୈତ୍ରାଙ୍କ ସହ ବିଜେଡି ସାଂସଦ ପିନାକୀ ମିଶ୍ରଙ୍କ ଲିଙ୍କର ଗୁମର । ହାୱଲା ଟ୍ରାଞ୍ଜାକ୍ସନ୍ ପଛରେ ପିନାକୀଙ୍କ ସଂପୃକ୍ତି ଥିବା ଅଭିଯୋଗ ଅଛି । ହେଲେ ଆଜି ଯାଅଁ ପିନାକୀଙ୍କ ବିରୋଧରେ ଆସିଥିବା ସଂଗୀନ ଅଭିଯୋଗ ନେଇ ବିଜୁ ଜନତା ଦଳ ଚୁପ୍ ରହିଛି । ତେବେ ମହୁଆଙ୍କର ସଦସ୍ୟତା ପଦ ଯିବା ପରେ ପିନାକୀଙ୍କୁ କେମିତି ସୁରକ୍ଷା ଦେଉଛି ବିଜେଡି ତାହା ସମୟ କହିବ ।

ଗୁରୁତ୍ଵପୂର୍ଣ୍ଣ କଥା ହେଲା, ୨୦୦୫ରେ ମଧ୍ୟ  କ୍ୟାସ ଫର କ୍ବେରୀ ପ୍ରସଙ୍ଗ ନେଇ ଦେଶର ରାଜନୀତିରେ ହୋଇଥିଲା ବଡ଼ ଧରଣର ହଟଚମଟ । ସେତବେଳେ ଦୋଷୀ ପ୍ରମାଣିତ ହୋଇଥିବା ୧୧ ଜଣ ସାସଂଦଙ୍କର ସଦସ୍ୟତା ରଦ୍ଦ ହୋଇଥିଲା । 
 

ଲାଲ୍ ଡାଏରୀ ଖୋଲିବ ମଦ ସାମ୍ରାଜ୍ୟର କଳା ଗୁମର ?  ଲାଲ ଡାଏରୀରେ ଲୁଚିଛି ବଡ ସତ ! କୋଟି କୋଟି ଟଙ୍କାର କଳାକାହାଣୀ ଲୁଚିଛି ଏହି ଡାଏରୀରେ । ଆଉ ଡାଏରୀ ସାମ୍ନାକୁ ଆସିବା ପରେ ଏବେ ଅପେକ୍ଷା କେବେ , କାହାକୁ ବାନ୍ଧୁଛି ସିବିଆଇ ? ଗୁରୁତ୍ଵପୂର୍ଣ୍ଣ କଥା ହେଲା ବଲାଙ୍ଗିରରୁ ରେଡ୍‌ ହୋଇଥିବା ଟଙ୍କା କାଳେ ରାଜନୈତିକ ପାଣ୍ଠି ଭାବରେ ବ୍ୟବହାର କରିଯାଇଥାଆନ୍ତା । ହେଲେ ନିର୍ବାଚନ ପୂର୍ବରୁ ଆଇଟି ରେଡ୍‌ ପଡିବାରୁ ଅଧା ରାସ୍ତାରେ ଖୋଲିଗଲା ଗୁମୁର ।

ଆଇଟି ରେଡ୍‌ରେ ପୁଳାପୁଳା ଟଙ୍କା ବାହାରିବା ପରେ ଏବେ ଛାନିଆ ହେଲେଣି ବିଜେଡି ନେତା । କୁହାଯାଉଛି କି ଆଲମାରୀରେ ଥିବା ଏହି ଟଙ୍କା କୁଆଡେ ନିର୍ବାଚନ ବେଳେ ବିଜେଡି ବାଣ୍ଟିଥାଆନ୍ତା । ହେଲେ ଭାଗ୍ୟ ଖରାପ । ଏବେ ସବୁକୁ ରେଡ୍‌ କଲା ଆଇଟି ଟିମ । କିନ୍ତୁ ମିଳିଥିବା ଡାଏରୀରେ ସବୁ ନେତାଙ୍କର କାରସାଦି ଲୁଚି ହୋଇ ରହିଛି । ଆଉ ପୋଥି ଖୋଜିଲେ ସମସ୍ତଙ୍କର ଅକଲ ଗୁଡୁମ ହେବ ବୋଲି ଚର୍ଚ୍ଚା ବି ବଢିଛି । ଖାସ୍‌ କରି ସନ୍ଦେହ ଘେରରେ ଏବେ ପରିବହନ ମନ୍ତ୍ରୀ ଟୁକୁନି ସାହୁ, ବିଧାୟର ସୁଶାନ୍ତ ସିଂ, ନିରଞ୍ଜନ ପୂଜାରୀ ଓ ପ୍ରଦୀପ ଅମାତ୍‌ ଅଛନ୍ତି । ଆଶ୍ଚର୍ଯ୍ୟର କଥା ହେଲା,  ଧୀରଜ ସାହୁ ଝାଡଖଣ୍ଡର କଂଗ୍ରେସ ରାଜ୍ୟସଭା ସଦସ୍ୟ ଅଛନ୍ତି । ତାଙ୍କ ଭାଇ ଉଦୟ ସାହୁ, ଶିବ ପ୍ରସାଦ ସାହୁ ବି ବେପାରରେ ସାମିଲ୍ । ପୁରା ପରିବାରର ଅକ୍ତିଆରରେ ପଶ୍ଚିମ ଓଡ଼ିଶାର ମଦ ସାମ୍ରାଜ୍ୟ ଥିଲା ହେଲେ ଏବେ ରେଡ୍‌ ପରେ ସବୁ ଓଲଟପାଲଟ ହେଲା । ସମୟ କହିବ କେବେ ସାମ୍ନାକୁ ଆସୁଛି ପୂରା ସତ ।