ଭୁବନେଶ୍ୱର: କଲବଲ କରୁଛି ତାତି । ତତଲା କଡ଼େଇରେ ଭାଜି ହେଉଛି ସାରା ଓଡ଼ିଶା । ପ୍ରଚଣ୍ଡ ରୌଦ୍ରତାପରେ କଲବଲ ମଣିଷଠୁ ଜୀବଜନ୍ତୁ । ସକାଳ ୧୦ଟା ସୁଦ୍ଧା ବିଭିନ୍ନ ସହରରେ ୩୦ ଡିଗ୍ରୀ ଟପିଯାଉଛି ପାରଦ। ଆଭ୍ୟନ୍ତରୀଣ ଓଡ଼ିଶାରେ ଏପ୍ରିଲ ମାସରେ ୪୦ ଡିଗ୍ରୀ ସ୍ୱାଭାବିକ ତାପମାତ୍ରା, ଏଣୁ ଆଗକୁ ବି ଏହି ତାପମାତ୍ରା ଆଭ୍ୟନ୍ତରୀଣ ଓଡ଼ିଶାରେ ବଜାୟ ରହିବ।
ଅଧିକ ପଢନ୍ତୁ :୨ଟା ୩୦ ସୁଦ୍ଧା ଭୁବନେଶ୍ବର ଓ ଝାରସୁଗୁଡ଼ାରେ ୪୨ ଡିଗ୍ରୀ ରେକର୍ଡ
ତେବେ କାଳ ବୈଶାଖୀ ପାଇଁ ଆଜିଠୁ ପାଗରେ ପରିବର୍ତ୍ତନ ହେବା ନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଉତ୍ତର ପୂର୍ବ ଝାରଖଣ୍ଡରୁ ଓଡ଼ିଶା ଦେଇ ଏକ ନିମ୍ନ ଚାପ ରେଖା ଗତି କରୁଛି। ଯାହାର ପ୍ରଭାବରେ ଆଜିଠୁ ୫ ଦିନ ରାଜ୍ୟରେ ବିଜୁଳି ଘଡଘଡି ସହ ବର୍ଷା ହେବାର ସମ୍ଭାବନା ରହିଛି। ଆଜି ୧୨ ଜିଲ୍ଲାକୁ ବଜ୍ରପାତ ସହ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି ହୋଇଥିବା ବେଳେ ୧୭ ତାରିଖରେ ୨୦ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
ଅର୍ଗସ ବ୍ୟୁରୋ: ସୀମାନ୍ତରେ ବାଟବଣା ବସୁଧା | କେବଳ କାଗଜ କଲମରେ ସୀମିତ ରାଜ୍ୟସରକାରଙ୍କ ବିକାଶ l ବିକାଶ ନାଁରେ ପ୍ରଚୁର ବିଜ୍ଞାପନ କରୁଥିବା ରାଜ୍ୟ ସରକାରଙ୍କର ଗୋଟେ ପରେ ଗୋଟେ ଯୋଜନା ସାଧାରଣ ଲୋକଙ୍କ ପାଖରେ ପହଞ୍ଚିପାରୁନି, ଯାହା ଫଳରେ ଉପାନ୍ତ ଅଞ୍ଚଳରେ ଥିବା ଲୋକ ମାନେ ସରକାରୀ ଯୋଜନା ଗୁଡ଼ିକ ପାଇବାରୁ ସମ୍ପୁର୍ଣ୍ଣ ଭାବରେ ବଞ୍ଚିତ ହେଉଛନ୍ତି।ଆମେ କହୁଛୁ କୋରାପୁଟ ଜିଲା ପଟାଙ୍ଗି ବ୍ଲକ ପୁକାଲି ପଞ୍ଚାୟତର ସଙ୍କର ଢେମସାଗୁଡା ଗ୍ରାମ କଥା | ପ୍ରାୟ 300 ରୁ ଅଧିକା ଲୋକଥିବା ଏହି ଗାଁରେ ନାହିଁ ପାନୀୟ ଜଳର ସୁବିଧା । ଏକମାତ୍ର ହେଡ୍ ପମ୍ପ ହିଁ ଏମାନଙ୍କ ଭରଷା ସାଜିଛି।
50 କୋଟି ଖର୍ଚ୍ଚ ପରେବି ମିଳୁନି 30 ପରିବାରଙ୍କୁ ବିସୁଧ ପାନୀୟ ଜଳ,ପଟାଙ୍ଗି ବ୍ଳକର ସୀମାରେ ବାରମ୍ବାର ଏହି ସବୁ ସମସ୍ୟା ଦେଖାଯାଉଥିଲେ ବି, ରାଜ୍ୟ ପ୍ରଶାସନ ଓ ଜିଲ୍ଲା ପ୍ରଶାସନଙ୍କ ତରଫରୁ କୌଣସି ଆଖି ଦୃଷ୍ଟିଆ ପଦକ୍ଷପ ନିଆଯାଉନାହିଁ l ଏହିଭଳି ଅବସ୍ଥା ଦେଖା ଦେବାରୁ ସରକାରୀ ବାବୁ ମାନଙ୍କ କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଛନ୍ତି ଅଞ୍ଚଳବାସୀ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଘଞ୍ଚ ଜଙ୍ଗଲ ଆଉ ପାହାଡ ଭିତରେ ଫସିଛି ଜୀବନ । ନା ବିକାଶ ଦେଖୁଛି ନା ସୁବିଧା ପାଉଛି । ବଣ ମଣିଷ ଭଳି ବିତୁଛି ଜୀବନ । ଯେଉଁଠିକୁ ଚାହିଁବେ ସମସ୍ୟା ହିଁ ସମସ୍ୟା । ରାସ୍ତାଘାଟଠୁ ଶିକ୍ଷା, ସ୍ବାସ୍ଥ୍ୟ, ପାନୀୟ ସବୁ ଏଠି ସ୍ବପ୍ନ । ଆବାଡା ଖାବଡା, ପଥର ଗୋଡି ରାସ୍ତା। ମଝିରେ ଛୋଟ ବଡ ନାଳ। ଚାଲିକି ଯିବା ହେଉ କି ଗାଡି ନେଇ ଯିବା । ନାକେଦମ୍ ମଣିଷ। ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ତୁମ୍ବା, ବୁରାତଲ ଓ ଆଙ୍କୁଲି ପଞ୍ଚାୟତରୁ । ଆନ୍ଧ୍ର ସୀମାନ୍ତରେ ରହିଛି ପାତ୍ରପୁର ବ୍ଳକର ତୁମ୍ବା ଏବଂ ବୁରାତାଲ ପଂଚାୟତର କେତେକ ଗାଁ । ଯେଉଁଠି ସ୍କୁଲ ନଥିବାରୁ ପିଲାମାନେ ରାତି ପାହିଲେ ବନ୍ୟଜନ୍ତୁଙ୍କ ଭୟ, ବିପଦପୂର୍ଣ୍ଣ ଏହି ରାସ୍ତା ଦେଇ ପ୍ରତିଦିନ ଯାଇଥାନ୍ତି ପାଠପଢିବା ପାଇଁ । ଖାଲି ସେତିକି ନୁହେଁ, ହଠାତ୍ କାହାର ଦେହ ଖରାପ ହେଲେ ଏଠି ଅରକ୍ଷିତକୁ ଦଇବ ସାହା ଭଳି ଲୋକଙ୍କୁ ଦୋଳା ଆଉ ଖଟିଆ ସାହା ।
ସ୍ବାଧୀନତାର ଦୀର୍ଘ ବର୍ଷ ପରେ ବି ବିଜୁଳି ଆଲୁଅ ଦେଖିଲେନି 50ଟି ଗାଁର ଆଦିବାସୀ ପରିବାର । ସୂର୍ଯ୍ୟ ଅସ୍ତ ହେଲେ ମାତ୍ରେ ଅନ୍ଧାର ଭିତରେ ହଜିଯାଏ ପୁରା ଗାଁ । ପ୍ରତି ଘରେ ଜଳେ ଡିବିରି । ଟର୍ଟ୍ଟ ଆଲୁଅରେ ଚାଲେ ସବୁ କାମ । ବିଜୁ ଜ୍ୟୋତି ଯୋଜନାରେ ତିନି ପଞ୍ଚାୟତର ୧୬ ଗାଁ ସାମିଲ ହୋଇଛି । ହେଲେ ଉଦ୍ବେଗର ବିଷୟ, ସର୍ଭେରେ ଅଟକି ରହିଛି କଥା । ସେହିପରି ଶୁଦ୍ଧ ପାନୀୟ ଜଳ ଟୋପାଏ ଲାଗି ସଂଘର୍ଷ କରିବାକୁ ପଡେ । ଘଞ୍ଚ ଜଙ୍ଗଲ ରାସ୍ତା ଦେଇ ଗରା, ବାଲ୍ଟି ଧରି ମହିଳାମାନେ ଏହି ଦୂଷିତ ପାଣି ଆଣିବାକୁ ଯାଇଥାନ୍ତି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଜନମାରଣ ନୀତି ସହିତ ଦୁର୍ନୀତି, ଭ୍ରଷ୍ଟାଚାର ବିରୋଦ୍ଧରେ ସାରା ରାଜ୍ୟର ଗ୍ରାମ ପଞ୍ଚାୟତ ସ୍ତରରେ ବିଜେପି ଗଣ ଆନ୍ଦୋଳନ ପନ୍ଥା ଆପଣେଇଛି। ସେହପରି ଭାବେ କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ବିଜେପି ନେତା ସାରଦା ପ୍ରଧାନଙ୍କ ଆହ୍ୱାନ କ୍ରମେ ବରାହୀପୁର ଗ୍ରାମ ପଞ୍ଚାୟତ ଓ ପଂଚାୟତ ର ବିଜେପି ପକ୍ଷରୁ ଗଣ ଆନ୍ଦୋଳନ କରାଯାଇଛି ।
ପଞ୍ଚାୟତର ଶହ ଶହ ବିଜେପି କର୍ମକର୍ତ୍ତା ମାନେ ଗ୍ରାମ ପଞ୍ଚାୟତ ପରିକ୍ରମା କରିବା ସହ ବିଭିନ୍ନ ଛକ ମାନଙ୍କରେ ପଥପ୍ରାନ୍ତ ସଭା ମାଧ୍ୟମରେ ଗ୍ରାମ ପଞ୍ଚାୟତରେ ଘଟି ଯାଇଥିବା ଦୁର୍ନିତିମୂଳକ କାର୍ଯ୍ୟ ବିଷୟରେ ଲୋକ ମାନଙ୍କୁ ଅବଗତ କରାଇବା ସହ ରାଜ୍ୟରେ ଏଭଳି ଦୁର୍ନିତି ଯୁକ୍ତ ସରକାରକୁ ହରାଇକୁ ଦାବୀ କରିଥିଲେ। ବର୍ତମାନ ଓଡ଼ିଶାରେ ଓଡ଼ିଆ ମାନଙ୍କୁ ହତାଧର କରିବା ସହିତ ଅଣ ଓଡ଼ିଆକୁ ରାଜ୍ୟ ସରକାର ପ୍ରାଧାନ୍ୟ ଦେବା ସହିତ ସ୍ଥାନୀୟ ବିଧାୟକ ପ୍ରତାପ ଜେନା ବହୁ ଦୃନୀତି ଓ ମଡ଼ର କେଶ ରେ ସମ୍ପୃକ୍ତି ନେଇ ଅଭିଯୋଗ ଆଣିଥିଲେ ବିଜେପି କର୍ମୀ ମାନେ l
ଅଧିକ ପଢ଼ନ୍ତୁ ଓଡିଶା ଖବର:
