ରୋଗ କଷ୍ଟ ସହିପାରିଲେନି, ନିଜକୁ ଜାଳିଦେଲେ ରୋଗୀ !

ମୟୂରଭଞ୍ଜ:  HIV ଓ TBରେ ଆକ୍ରାନ୍ତ ଯୁବକ ନିଜକୁ ଜାଳିଦେଲେ । କଷ୍ଟ ସହିନପାରି ନିଜ ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମହତ୍ୟା କରିଥିବା କୁହାଯାଉଛି ।

ତିରିଂ ଥାନା ସୁନାପଷି ଗ୍ରାମରେ ଘଟିଛି ଏଭଳି ଅଘଟଣ  । ରୋଗ କଷ୍ଟ ସହି ନପାରି ଟିବି ଓ ଏଚ୍‌ଆଇଭି ଆକ୍ରାନ୍ତ ରୋଗୀ ରବୀନ୍ଦ୍ର ତାମୁଡ଼ିଆ  ନିଜକୁ ଜାଳିଦେଇଥିଲେ ।  ଗୁରୁତର ଅବସ୍ଥାରେ ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର ।

  ରବୀନ୍ଦ୍ର ମୂଲ ମଜୁରି ଲାଗି ଗୁଜୁରାଣ ମେଣ୍ଟାଉଥିଲେ ।  ଦୀର୍ଘ 3ବର୍ଷରୁ ରୋଗାକ୍ରାନ୍ତ ଥିଲେ  । ବହୁ ପୂର୍ବରୁ  ବାପା, ମା ଏବଂ ଭାଇଙ୍କ ମୃତ୍ୟୁ ହୋଇଯାଇଥିବା ବେଳେ ସେ ଘରେ ଏକା ରହୁଥିଲେ  ।  ଘରେ କିରୋସିନ୍‌ ଢାଳି ନିଜକୁ ଜାଳିବା ପରେ ତାଙ୍କ ଚିତ୍କାର  ଶୁଣି ପଡିଶା ଲୋକେ ପହଞ୍ଚିଥିଲେ । ପରେ ତାଙ୍କୁ  ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି ।