ଅର୍ଗସ ବ୍ୟୁରୋ: ବିଜେଡି ସରକାରରେ ଦୁର୍ନୀତି କେମିତି ଚରମ ସୀମାରେ ପହଞ୍ଚିଛି ତାର ପ୍ରମାଣ ହେଉଛି କୁବୋଟା କେଳେଙ୍କାରୀ। ଆଉ ବିଜେଡି ନେତା, ମନ୍ତ୍ରୀଙ୍କ ପ୍ରଚ୍ଛନ୍ନ ସଂପୃକ୍ତି ଓ ସମର୍ଥନରେ କେମିତି ଟିକସଦାତାଙ୍କର କୋଟି କୋଟି ଟଙ୍କା ହରିଲୁଟ୍ ହେଉଛି ତାର ପ୍ରମାଣ ହେଉଛି କୃଷିଯନ୍ତ୍ରପାତି କିଣା ଦୁର୍ନୀତି ପ୍ରସଙ୍ଗରେ କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଏ ବୟାନ।ଆଶ୍ଚର୍ଯ୍ୟର କଥା ଶହ ଶହ ଚାଷୀଙ୍କ ଅଭିଯୋଗ, ଠକେଇ ନେଇ ଭିଜିଲାନ୍ସ ରିପୋର୍ଟ ଥିବା ସତ୍ବେ ଚାଷୀ ଲୁଟେରା ବିଧାୟକ ଓ ଡିଲରଙ୍କ ବିରୋଧରେ ସରକାର ନେଲେ ନାହିଁ ଆକ୍ସନ୍ । ଦୀର୍ଘ ଦିନ ଧରି ଚୁପ୍ ରହିଲେ କୃଷିମନ୍ତ୍ରୀ। ଆଉ ଏବେ ମୁହଁ ଖୋଲିଲେ ତ ସବସିଡି ଲୁଟେରାଙ୍କୁ ଦେଇଦେଲେ କ୍ଲିନ୍ ଚିଟ୍। ପୁଣି ଥରେ ଶୁଣନ୍ତୁ କଣ କହୁଛନ୍ତି କୃଷିମନ୍ତ୍ରୀ ରାଜା ସ୍ବାଇଁ।
18 କୋଟି ଟଙ୍କାର ଧାନ କଟା ମେସିନ ସବିସିଡି ଠକେଇରେ ଫସିଛନ୍ତି ରେମୁଣା ବିଜେଡି ବିଧାୟକ ସୁଧାଂଶୁ ପରିଡ଼ା । ଭିଜିଲାନସ ମଧ୍ୟ ସୁଧାଂଶୁ 4 କୋଟି ଟଙ୍କା ଠକିଥିବା ତା ରିପୋର୍ଟରେ ଉଲ୍ଲେଖ କରିଛି । ସେପଟେ ପୁରୀ ଜିଲ୍ଲା ପିପିଲି, ସତ୍ୟବାଦୀ, ନିମାପଡ଼ାରେ କୁବୋଟା ଡିଲର ରାମରାଜ୍ ପାଲାନିସାମୀ କୋଟି କୋଟି ଟଙ୍କାର ସବସିଡି ଠକିଥିବା ନେଇ ଅଛି ମାଳ ମାଳ ଅଭିଯୋଗ। ପ୍ରଶ୍ନ ହେଲା କୃଷି ବିଭାଗକୁ ପ୍ରମାଣ ପରେ ବି କାହିଁକି ହେଲାନାହିଁ କାର୍ଯ୍ୟାନୁଷ୍ଠାନ ? ମନ୍ତ୍ରୀଙ୍କ ବିବାଦୀୟ ବୟାନ କୃଷି ଯନ୍ତ୍ରପାତି କିଣା ଦୁର୍ନୀତିରେ ତାଙ୍କ ସଂପୃକ୍ତି ଆଡ଼କୁ ଇସାରା କରୁଛି କି ?
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ଗତ କାଲି ପ୍ରକାଶ ପାଇଥିବା ଏନ୍ସିଆର୍ବି ରିପୋର୍ଟ ଦର୍ଶାଉଛି ଯେ, ଓଡିଶା ମହିଳା ଓ ଶିଶୁମାନଙ୍କ ପାଇଁ ସମ୍ପୂର୍ଣ୍ଣ ଅସୁରକ୍ଷିତ ହୋଇପଡିଛି । ରିପୋର୍ଟ ଅନୁଯାୟୀ ଓଡିଶାରେ ୨୦୨୧ରେ ୧ଲକ୍ଷ ୫୫ହଜାର ୪୨୦ ଅପରାଧିକ ମାମଲା ରୁଜୁ ହୋଇଥିଲାବେଳେ ୨୦୨୨ରେ ଏହା ବୃଦ୍ଧି ପାଇ ୧ଲକ୍ଷ ୭୮ହଜାର ୧୯୦ରେ ପହଁଚିଛି । ସେହିପରି ରାଜ୍ୟରେ ବାର୍ଷିକ ପ୍ରତି ଲକ୍ଷ ଲୋକରୁ ୩ଜଣ ହତ୍ୟାର ଶୀକାର ହେଉଛନ୍ତି ଅର୍ଥାତ୍ ସାଢେ ଚାରିକୋଟିରେ ୧୩ ଶହ ୫୦ ଜଣ ଲୋକ ହତ୍ୟାର ଶୀକାର ହେଉଛନ୍ତି । ୨୦୨୧ ତୁଳନାରେ ରାଜ୍ୟରେ ମହିଳାଙ୍କ ପ୍ରତି ଅସଦାଚରଣରେ ଓଡିଶା ଦେଶର ଚତୁର୍ଥ ସ୍ଥାନରେ ଅଛି ଓ ମହିଳା ବିରୋଧୀ ଅପରାଧରେ ଦେଶରେ ସପ୍ତମ ସ୍ଥାନରେ ଅଛି । କିନ୍ତୁ ଓଡିଶାର ଜନସଂଖ୍ୟା ଦୃଷ୍ଟିରୁ ବିଚାର କଲେ ମହିଳା ବିରୋଧୀ ହିଂସାରେ ଓଡିଶା ୧ନଂ ରାଜ୍ୟ । ଅଞ୍ଜନା ଗଣଦୁଷ୍କର୍ମ ଘଟଣାରେ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ଯାଇଥିଲେ ଏଫ୍ଆଇଆର୍ ଦେବା ପାଇଁ କିନ୍ତୁ ବର୍ତମାନ ପ୍ରତ୍ୟେକ ଦିନ ୧୨ଜଣ ମହିଳା ଦୁଷ୍କର୍ମର ଶୀକାର ହେଉଥିଲାବେଳେ ବର୍ଷ ଶେଷରେ ମାତ୍ର ୧୨ଜଣ ଦଣ୍ଡିତ ହେବା ଦୁର୍ଭାଗ୍ୟଜନକ । ସେହିପରି ରାଜ୍ୟରେ ଶିଶୁ ବିରୋଧୀ ଅପରାଧ ବ୍ୟାପକ ମାତ୍ରାରେ ବୃଦ୍ଧି ପାଇଛି । ୨୦୨୦ରେ ୬ହଜାର ୩୩୦ ଶିଶୁ ବିରୋଧୀ ଅପରାଧ ଘଟିବା ସହିତ ରାଜ୍ୟ ସାରା ଦେଶରେ ପଂଚମ ସ୍ଥାନରେ ଥିଲାବେଳେ ୨୦୨୧ରେ ୭ହଜାର ୮୯୯ ଓ ୨୦୨୨ରେ ୮ହଜାର ୨୪୦ ଶିଶୁ ବିରୋଧୀ ଅପରାଧ ଘଟିବା ସହ ଓଡିଶା ଷଷ୍ଠ ସ୍ଥାନରେ ପହଁଚିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ରାଜ୍ୟ ମୁଖପାତ୍ର ଶ୍ରୀମତି ସୋନାଲି ସାହୁ କହିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ମହିଳା ଓ ଶିଶୁମାନଙ୍କ ପ୍ରତି ଘଟୁଥିବା ହିଂସା ପାଇଁ ଗୃହ ବିଭାଗ ହିଁ ଦାୟୀ । ଦୀର୍ଘ ୨୪ବର୍ଷ ଧରି ବିଜେଡି ଶାସନ କ୍ଷମତାରେ ରହିବା ସହିତ ୨୪ବର୍ଷ ଧରି ମୁଖ୍ୟମନ୍ତ୍ରୀ ଗୃହ ବିଭାଗର ମନ୍ତ୍ରୀ ରହିଆସିଛନ୍ତି । ସ୍ଥିର ସରକାର ସହିତ ଜଣେ ବ୍ୟକ୍ତି ପାଖରେ ନିର୍ଦ୍ଦିଷ୍ଟ ଗୋଟିଏ ବିଭାଗ ରହିଥିଲେ ମଧ୍ୟ ଉକ୍ତ ବିଭାଗ ଜନସାଧରଣଙ୍କ ରକ୍ଷକ ହେବା ପରିବର୍ତେ ଭକ୍ଷକ ସାଜିଛି । ବେଶୀ ଦୁର୍ନୀତି ହେଉଛି ପୋଲିସ୍ ବିଭାଗରେ ପୋଲିସ୍ ମହିଳା ଓ ଶିଶୁ ବିରୋଧରେ ଘଟୁଥିବା ହିଂସାର ଏଫ୍ଆଇଆର୍ ନରଖି ଓଲଟା ଅସଦାଚରଣ କରିବାର ନଜିର ରହିଛି । ଖାଲି ସେତିକି ନୁହେଁ, କେଉଁ କନେଷ୍ଟବଳ ଘରୁ ଭିଜିଲାନ୍ସ କୋଟି କୋଟି ଟଙ୍କା ଜବତ କଲାଣି ତ କେଉଁ ଏଏସ୍ଆଇ ଘରୁ ବ୍ୟାପକ ଅର୍ଥ ଜବତ କଲାଣି ତ ପୁଣି କିଏ ଗଞ୍ଜେଇ ଡ୍ରକ୍ସ ଭଳି ନିଶା ଦ୍ରବ୍ୟ କାରବାରରେ ସମ୍ପୃକ୍ତ ଥିବା ଘଟଣା ସାମ୍ନାକୁ ଆସିଲାଣି । ଏଥିରୁ ଜଣାପଡୁଛି ଯେ, ପୋଲିସ୍ ବିଭାଗ କିଭଳି ଦୁର୍ନୀତି ଓ ଭ୍ରଷ୍ଟାଚାରରେ ଲିପ୍ତ ରହିଛି ଯାହାଫଳରେ ରାଜ୍ୟରେ ଦୁର୍ନୀତି, ଭ୍ରଷ୍ଟାଚାର, ଅରାଜକତା, ହିଂସା ଇତ୍ୟାଦି ବ୍ୟାପକ ମାତ୍ରାରେ ବୃଦ୍ଧି ପାଉଛି । ଉପରୋସ୍ତ ଅଧିକାରୀମାନେ ଧନର ରାକ୍ଷସ ସାଜିଛନ୍ତି ଯାହାଫଳରେ ମହିଳା ଓ ଶିଶୁ ଅସୁରକ୍ଷିତ ହୋଇପଡିଛନ୍ତି । ଏହାର ଅନ୍ୟ ଏକ ଦିଗ ହେଉଛି ରାଜ୍ୟରେ ତମାମ୍ ମହିଳା ବିରୋଧୀ ହିଂସା, ଦୁଷ୍କର୍ମ ସହିତ ବିଜୁ ଜନତା ଦଳର ନେତା, ମନ୍ତ୍ରୀ, ବିଧାୟକଙ୍କ ସମ୍ପୃକ୍ତି ଥିବା ସାମ୍ନାକୁ ଆସିଥିଲେ ମଧ୍ୟ ମୁଖ୍ୟମନ୍ତ୍ରୀଙ୍କ ବିଭାଗ କୌଣସି ଦୃଷ୍ଟାନ୍ତମୂଳକ ପଦକ୍ଷେପ ନେଇନାହାଁନ୍ତି ଯାହାଫଳରେ ଅନ୍ୟମାନେ ଅପରାଧ ଘଟାଇବାପାଇଁ ସାହସ କରୁଛନ୍ତି ବୋଲି ଶ୍ରୀମତି ସାହୁ କହିଛନ୍ତି ।
ତେଣୁ ଆମେ ଦାବୀ କରୁଛୁ ଯେ, ନବୀନ ପଟ୍ଟନାୟକ ଫାଷ୍ଟ୍ଟ୍ରାକ୍ କୋର୍ଟ ଜରିଆରେ ନାବାଳିକାମାନଙ୍କୁ ତ୍ୱରିତ ନ୍ୟାୟ ପ୍ରଦାନ କରିବା ସହ ମହିଳାଙ୍କ ପ୍ରତି ହେଉଥିବା ଦୁଷ୍କର୍ମ କ୍ଷେତ୍ରରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ଏବଂ ଦୁର୍ନୀତି ଖୋର ପୋଲିସ୍ କର୍ମଚାରୀଙ୍କୁ କେବଳ ବହିଷ୍କାର କରିଦେଇ ଦାୟିତ୍ୱ ସାରି ନଦେଇ ସେମାନଙ୍କ ବିରୁଦ୍ଧରେ ମଧ୍ୟ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ପୋଲିସ୍ ବିଭାଗରେ ପର୍ଯ୍ୟାପ୍ତ ପରିମାଣର କର୍ମଚାରୀ ନିଯୁକ୍ତି କରନ୍ତୁ । ଶିଶୁମାନଙ୍କ ପ୍ରତି ଘଟୁଥିବା ଅପରାଧକୁ ରୋକିବା ପାଇଁ ସ୍ୱତନ୍ତ୍ର ନୀତି ପ୍ରଣୟନ କରିବା ସହିତ କାର୍ଯ୍ୟକାରୀ କରିବା ଉପରେ ଯଥେଷ୍ଟ ଧ୍ୟାନ ଦିଅନ୍ତୁ । ବର୍ତମାନ ସୁଦ୍ଧା କେତେ ମହିଳା ଓ ଶିଶୁ ନିଖୋଜ ହୋଇଛନ୍ତି, ମହିଳା ଓ ଶିଶୁ ସୁରକ୍ଷା ପାଇଁ କେଉଁ ଯୋଜନା ମାଧ୍ୟମରେ କ’ଣ ସୁଫଳ ମିଳିଛି ତାହା ଉପରେ ସରକାର ଏକ ଶ୍ୱେତପତ୍ର ଜାରି କରନ୍ତୁ । କେବଳ ନୀଳ ରଙ୍ଗର ବୋର୍ଡରେ ମହିଳା ସଶକ୍ତିକରଣ ବିଜ୍ଞାପନ ଦେଇ ସରକାର ନିଜର ଆତ୍ମପ୍ରଚାର ବନ୍ଦ କରନ୍ତୁ ବୋଲି ଶ୍ରୀମତି ସାହୁ କହିଛନ୍ତି ।
