ଅର୍ଗସ ବ୍ୟୁରୋ: ମାଲାବାର ଗ୍ରୁପ ପକ୍ଷରୁ ଆଜି କ୍ଷୁଧା ଦିବସ ପାଳନ। ଏହି ଅବସରରେ “କ୍ଷୁଧା ମୁକ୍ତ ବିଶ୍ୱ କରିବା ଲକ୍ଷ୍ୟରେ ଏକ ନିଆରା ଅଭିଯାନ ଆରମ୍ଭ ହୋଇଛି । ଭୁବନେଶ୍ୱର ରାସ୍ତା ଘାଟରେ ଭୋକିଲା ଲୋକଙ୍କ ମୁହଁରେ ଖାଦ୍ୟ ଦେଇ ହସ ଫୁଟେବା ପାଇଁ ଲକ୍ଷ ରେ ମାଲାବାର ପକ୍ଷରୁ ଆଜି ଠାରୁ ଏହି ନିଆରା ଅଭିଯାନ ଆରମ୍ଭ ହୋଇଛି ।
ଭୁବନେଶ୍ୱରର ଷ୍ଟେସନ ଅଞ୍ଚଳ, ରାମ ମନ୍ଦିର ସହ ବିଭିନ୍ନ ମନ୍ଦିର ଆଖ ପାଖ ଅଞ୍ଚଳରେ ଥିବା ଲୋକଙ୍କ ପାଖରେ ଖାଦ୍ୟ ଯୋଗାଇବ । ଭାରତର 29 ଟି ସ୍ଥାନରେ କାର୍ଯ୍ୟକାରୀ ହୋଇଥିବା, ହଙ୍ଗର ଫ୍ରି ୱାର୍ଲ୍ଡ ପଦକ୍ଷେପ ରାସ୍ତାଘାଟ ବାସିନ୍ଦା ତଥା ବର୍ଗର ଲୋକଙ୍କୁ ଉତ୍ତମ ତଥା ପୁଷ୍ଟିକର ଖାଦ୍ୟ ଯୋଗାଇବାକୁ ଲକ୍ଷ ରଖାଯାଇଛି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ନାରୀଶକ୍ତି ବନ୍ଦନ ଅଧିନିୟମକୁ ରାଷ୍ଟ୍ରପତିଙ୍କ ମଞ୍ଜୁରି । ନାରୀଶକ୍ତି ବନ୍ଦନ ଅଧିନିୟମକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମଞ୍ଜୁରି । ରାଷ୍ଟ୍ରପତିଙ୍କ ମଞ୍ଜୁରି ପରେ ଆଇନରେ ପରିଣତ ହେଲା ବିଲ୍ । ମହିଳା ସଂରକ୍ଷଣ ବିଲ୍ ଏବେ ଆଇନରେ ପରିଣତ ହୋଇଛି । ସଂସଦର ଉଭୟ ଗୃହରେ ପାରିତ ହୋଇ ଇତିହାସ ରଚିଛି ଏହି ବିଲ୍ ।
ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ । ଅର୍ଥାତ ଲୋକସଭାରେ 543 ଆସନ ଆସନ ମଧ୍ୟରୁ 181ଟି ଆସନ ମହିଳାଙ୍କ ପାଇଁ ସଂରକ୍ଷିତ ରହିବ । ସେହିପରି ଓଡ଼ିଶା ବିଧାନସଭାର 147 ଆସନ ମଧ୍ୟରୁ 49ଟି ଆସନ ରିଜର୍ଭ ରହିବ ମହିଳାଙ୍କ ପାଇଁ ।
ଆହୁରି ପଢନ୍ତୁ ଭାରତ ଖବର...
ଖୋର୍ଦ୍ଧା: ମାଟି ଖୋଳିଲେ ବାହାରୁଛି ପୁଳା ପୁଳା କଉଡି । ଏମିତି ଦୃଶ୍ୟ ଦେଖିବାକୁ ମିଳିଛି ବେଗୁନିଆ- ବୋଲଗଡ ବ୍ଲକ ଖଙ୍ଗୁରିଆ ଗ୍ରାମ ପଞ୍ଚାୟତ ଅନ୍ତର୍ଗତ ଯୋଡାପଡ଼ା ଗାଁରେ । ଗାଁର ଗିରିଧାରୀ ସାହୁଙ୍କ ଘର ତିଆର ପାଇଁ ନିଅଁ ଖୋଳା ବେଳେ ବିପୁଳ ପରିମାଣର କଉଡ଼ି ବାହାରିବା ଚର୍ଚ୍ଚାର ବିଷୟ ପାଲଟିଛି । ନିଅଁ ଖୋଳିବା ସମୟରେ ମାତ୍ର ୫ ଫୁଟ ମାଟି ତଳେ ଏକ ଘମା (ମାଠିଆ) ଭିତରେ ସଂଚିତ ଭାବରେ ଥିବା କଉଡ଼ିକୁ ଶ୍ରମିକ ଜଣକ ଦେଖିବାକୁ ପାଇଥିଲେ ।
ସେହି ଜାଗାରୁ କଉଡ଼ି ଅଳ୍ପ ବାହାର କରିବା ପରେ ଦେଖିଲେ ତଳେ ଆହୁରି କଉଡି ଅଛି । ଏମିତି ଖୋଳୁ ଖୋଳୁ ସେ 7 ଝୁଡ଼ି କଉଡ଼ି ବାହାର କରିଥିଲେ । ତେବେ କଉଡ଼ି ବାହାରିବା ନେଇ ଯୋଡ଼ାପଡ଼ା ଗାଁରେ ୟାକୁ ନେଇ ସବୁଠି ଚର୍ଚ୍ଚା ।
ପୁରାତନ କାଳରେ କଉଡ଼ିକୁ ଅର୍ଥ ଆକାରରେ ବ୍ୟବହାର କରିବା ଇତିହାସ ବହିରେ ଉଲ୍ଲେଖ ରହିଛି । ସେହି ସମୟରେ ରାଜ ରାଜୁଡ଼ା ମାନେ ଏହି ସ୍ଥାନରେ ସଂଚିତ ଅର୍ଥ ରଖିଥିବାର ଅନୁମାନ କରାଯାଉଛି ।
ଯୋଡାପଡ଼ା ଗ୍ରାମର ରାମମନ୍ଦିର ନିକଟରେ କାହିଁ କେଉ କାଳରୁ ୨ ଗୋଟି ପାହାଡ ମଧ୍ୟରେ ବିରାଟ ଆମ୍ବ ତୋଟା ମଝିରେ ପୁରାତନ ଦେବସ୍ଥଳୀ ପୀଠ ରହିଛି । ସେଠାରେ ରାଜ ରାଜୁଡା ସମୟରେ ବିଭିନ୍ନ ରାଜ୍ୟର ରାଜାମାନେ ଗୁପ୍ତ ବୈଠକ ଓ ଗୁପ୍ତପୂଜା ପାଠ ନେଇ ଗାଁର ପୁରୁଖା ଲୋକମାନେ ପ୍ରକାଶ କରିଛନ୍ତି ।
ସେହି ସମୟଠୁ ଆଜି ପର୍ଯ୍ୟନ୍ତ ଗ୍ରାମବାସୀମାନେ ମିଳିତ ଭାବେ ପ୍ରତିବର୍ଷ ବୈଶାଖ ମାସର ଶୁକ୍ଳ ପକ୍ଷ ଚତୁଦର୍ଶି ପର୍ବରେ ଗୁପ୍ତ ମେଳା କରନ୍ତି । ଏହି ଦିନ ବିଳମ୍ୱିତ ରାତ୍ରୀରେ ଲୋକମାନେ ନିଷ୍ଠା ସହକାରେ ପୂଜା ପାଠ କରିଥାନ୍ତି । ତେବେ ଏହି ଗାଁରେ ବିଭିନ୍ନ ସମୟରେ ମାଟି ତଳୁ ପୁରାତନ ସାମଗ୍ରୀ ବାହାରିଥିବା ଦେଖାଯାଏ । କଉଡ଼ି ବାହାରିବା ଘଟଣାନେଇ ସେତେବେଳେ ଏଠାରେ ଧନୀଶାଳୀ ରାଜା ବସବାସ କରୁଥିବା ଅନୁମାନ କରାଯାଉଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ : ଲାଇଭ୍ ଟିଭି ବିତର୍କରେ ଚାପୁଡ଼ା-ଗୋଇଠା ମରାମରି ହେଲେ ପାକିସ୍ତାନ ନେତା । ଯାହାର ଏକ ଭିଡିଓ ଭାଇରାଲ୍ ହେବାରେ ଲାଗିଛି । ପାକିସ୍ତାନର ଏକ ଟେଲିଭିଜନ୍ ଚାନେଲ୍ରେ ରାଜନୈତିକ ଡିବେଟ ସୋ’ରେ ଦେଖିବାକୁ ମିଳିଛି ଏପରି ଘଟଣା । ଏହି ବିତର୍କରେ ଅଂଶ ଗ୍ରହଣ କରିଥିବା ଦୁଇଜଣ ନେତା ଉତ୍କ୍ଷିପ୍ତ ହୋଇ ହଠାତ୍ ମାରଧର କରିଥିଲେ ।
ଅଧିକ ପଢନ୍ତୁ ବିଦେଶ ଖବର
ମାଡ଼ଗୋଳରେ ସମ୍ପୃକ୍ତ ଥିବା ଦୁଇଜଣ ରାଜନେତା ହେଉଛନ୍ତି ଇମ୍ରାନ୍ ଖାଁଙ୍କ ‘ପାକିସ୍ତାନ ତେହରୀକ୍-ଏ-ଇନ୍ସାଫ୍’ର (ପିଟିଆଇ) ନେତା ତଥା ଓକିଲ ଏବଂ ନୱାଜ୍ ଶରିଫ୍ଙ୍କ ‘ପାକିସ୍ତାନ ମୁସ୍ଲିମ୍ ଲିଗ୍-ନୱାଜ୍’ର (ପିଏମ୍ଏଲ୍-ଏନ୍) ସିନେଟର୍ ଆଫ୍ନାନ୍ ଉଲ୍ଲା ।
ଯୁକ୍ତିରେ ଏହାର ପ୍ରତ୍ୟୁତ୍ତର ଦେବା ପରିବର୍ତ୍ତେ ମାର୍ୱାତ୍ ଉତ୍କ୍ଷିପ୍ତ ହୋଇ ଖାଁଙ୍କ ମୁଣ୍ଡରେ ମାଡ଼ ମାରିଥିଲେ । ଖାଁ ପ୍ରତିଆକ୍ରମଣ କରିବାରୁ ଦୁହିଁଙ୍କ ମଧ୍ୟରେ ଚାପୁଡ଼ା ଓ ଗୋଇଠା ମରାମରି ଚାଲିଲା । ଏହା ଏକ ଲଜ୍ଜାଜନକ ପରିସ୍ଥିତି ସୃଷ୍ଟି ହୋଇଥିବା କଥା କେତେକ ଗଣମାଧ୍ୟମ ରିପୋର୍ଟ କରିଛନ୍ତି ।
