ଅର୍ଗସ ବ୍ୟୁରୋ : ଦେବଗଡ଼ ବନଖଣ୍ଡ ଅନ୍ତର୍ଗତ ଝାଡ଼େଶ୍ୱର ସଂରକ୍ଷିତ ଜଙ୍ଗଲରେ ନିଆଁ ଲଗାଇ ବନ୍ୟଜନ୍ତୁ ଶିକାର କରୁଥିବା ଅଭିଯୋଗରେ ଦେଶୀ ବନ୍ଧୁକ, ଗୁଳି ଓ ମାରଣାସ୍ତ୍ର ସହ 2 ଶିକାରୀଙ୍କୁ ଗିରଫ କରି କୋର୍ଟ ଚାଲାଣ କରିଛି ବନବିଭାଗ l ତିଳେଇବଣି ସେକ୍ସନ ବେଲମରା ଅଞ୍ଚଳରେ ଥିବା ଝାଡ଼େଶ୍ୱର ସଂରକ୍ଷିତ ଜଙ୍ଗଲରେ ନିଆଁ ଲଗାଇ ଜନ୍ତୁ ଶିକାର ଉଦେଶ୍ୟରେ ଶିକାରୀ ଯାଇଥିବାର ବନବିଭାଗକୁ ଖବର ମିଳିଥିଲା ।
ବନବିଭାଗ ଏକ ଟିମ ସଂରକ୍ଷିତ ଜଙ୍ଗଲରେ ଚଢ଼ାଉ କରି ଶିକାର ଉଦେଶ୍ୟରେ ଯାଇଥିବା ଗୁଣ୍ଡୁରୀପୋଷି ଗ୍ରାମର ସୁବଳ ଧୀବର ଓ ବେଲମରା ଗ୍ରାମର ଖଗେଶ୍ୱର ମୁଣ୍ଡାଙ୍କୁ କାବୁ କରିବା ସହ ସେମାନଙ୍କ ନିକଟରୁ ଦେଶୀ ବନ୍ଧୁକ,ସୀସା ଗୁଳି,ଟାଙ୍ଗିଆ, ଛୁରୀ ଓ ଲାଇଟର ଆଦି ଜବତ କରିଥିଲେ l ଦୁଇ ଅଭିଯୁକ୍ତଙ୍କ ନାମରେ ବିଭିନ୍ନ ଦଫାରେ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ବେଳେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ ହାଜତକୁ ପଠାଇ ଦିଆଯାଇଛି l
ଅଧିକ ପଢନ୍ତୁ ଓଡିଶା ଖବର
ଗଜପତି : ଗଜପତି ଜିଲ୍ଲାରେ ବାତ୍ୟା ପ୍ରସ୍ତୁତି । ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ବୈଠକ । ସମସ୍ତ ବିଡିଓ, ତହସିଲଦାର, ଥାନା ଅଧିକାରୀଙ୍କ ସହ ଆଲୋଚନା କରି ଏକ ଟିମ୍ ହୋଇ କାମ କରିବାକୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଜଳସେଚନ, କୃଷି, ପାନୀୟ ଜଳ ଯୋଗାଣ ଏବଂ ଯୋଗାଣ ଆଦି ବିଭାଗୀୟ ଅଧିକାରୀଙ୍କ ସହ ମଧ୍ୟ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ସେମାନଙ୍କୁ ମଧ୍ୟ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି । ୫ ତାରିଖ ସନ୍ଧ୍ୟା ବେଳକୁ ଗଜପତି ଜିଲାରେ ବର୍ଷା ଆରମ୍ଭ ହେବା ସମ୍ଭାବନା ରହିଛି ।
୬ ତାରିଖ ଦିନ ପ୍ରବଳ ବର୍ଷା ହେବା ସହ ୭ ତାରିଖ ଯାଏଁ ଏହା ଜାରି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଏହାକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ସବୁ ପ୍ରକାର ପ୍ରସ୍ତୁତି କରାଯାଇଛି । ଜିଲ୍ଲାରେ ପ୍ରବଳ ବର୍ଷା ହେବା ସମ୍ଭାବନା ରହିଥିବାରୁ ଧାନ, ମାଣ୍ଡିଆ,କପା ଆଦି ଫସଲ ନଷ୍ଟ ହେବା ଆଶଙ୍କା ରହିଛି । ପରିପକ୍ବ ଫସଲକୁ ଅମଳ କରି କୌଣସି ସୁରକ୍ଷିତ ସ୍ଥାନରେ ରଖିବାକୁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଉଛି । ବାତ୍ୟା ମୁକାବିଲା ପାଇଁ ଜିଲ୍ଲାକୁ ୨୪ ଜଣିଆ ଓଡ୍ରାଫ ଟିମ୍ ଆସିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ନୂଆଦିଲ୍ଲୀ: ସଂସଦର ଶୀତ ଅଧିବେଶନ ଆଜି ଆରମ୍ଭ ହେବ ଏବଂ 22 ଡିସେମ୍ବର ପର୍ଯ୍ୟନ୍ତ ଚାଲିବ | ଏହାପୂର୍ବରୁ ଶନିବାର ଦିନ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ସରକାର ଗଠନମୂଳକ ବିତର୍କ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଏବଂ ସେମାନେ ଗୃହକୁ ସୁରୁଖୁରୁରେ ଚଳାଇବାକୁ ବିରୋଧୀଙ୍କୁ ଅନୁରୋଧ କରିଛନ୍ତି। ୪ଟି ରାଜ୍ୟର ବିଧାନସଭା ନିର୍ବାଚନରେ ବିଜେପିର ବିଜୟ ପରେ ବିଜେପି ସଂସଦର ଶୀତକାଳୀନ ଅଧିବେଶନରେ କଂଗ୍ରେସ ନେତୃତ୍ୱାଧୀନ ବିରୋଧୀଙ୍କ ମୁକାବିଲା ପାଇଁ ପ୍ରସ୍ତୁତ ।
ବିରୋଧୀ INDIA ମେଣ୍ଟର ନେତାମାନେ ମଧ୍ୟ ସଂସଦ ଭିତରେ ଏବଂ ନିର୍ବାଚନ ମଞ୍ଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ବିଜେପିକୁ ଗ୍ରହଣ କରିବା ପାଇଁ ରଣନୀତି ପ୍ରସ୍ତୁତ କରିବା ପାଇଁ ବୈଠକ କରିବେ। ଲୋକସଭାର athics କମିଟି ଆଜି ପ୍ରଶ୍ନ ପାଇଁ ଲାଞ୍ଚ ମାମାଲାର ରିପୋର୍ଟ ବାଚସ୍ପତିଙ୍କୁ ପ୍ରଦାନ କରିବ। ଗୃହରୁ ମହୁଆ ମଇତ୍ରଙ୍କୁ ବହିଷ୍କାର କରିବାକୁ ସୁପାରିଶ କରାଯାଇଥିବା ରିପୋର୍ଟ ମଧ୍ୟ ଆଜି ଗୃହରେ ଉପସ୍ଥାପିତ ପାଇଁ ତାଲିକାଭୁକ୍ତ ହୋଇଛି। ଏହାପୂର୍ବରୁ ଶନିବାର ଦିନ କଂଗ୍ରେସ ଲୋକସଭା ନେତା ଆଧୀର ରଂଜନ ଚୌଧୁରୀ ମଧ୍ୟ ବାଚସ୍ପତି ଓମ ବିର୍ଲାଙ୍କୁ ଚିଠି ଲେଖି ସଂସଦୀୟ କମିଟିର କାର୍ଯ୍ୟକାରିତା ଉପରେ ନିୟମ ଏବଂ ପ୍ରକ୍ରିୟାଗୁଡ଼ିକର ସମୀକ୍ଷା କରିବାକୁ ଦାବି କରିଛନ୍ତି।
ଅଧିକ ପଢନ୍ତୁ ଭାରତ ଖବର
