ବିପୁଳ ପରିମାଣରେ ବେଆଇନ କଫ୍‌ ସିରପ୍‌ ଜବତ

by Aryan Cross

ସୋର: ପାଳପୁର ଓ ଅନନ୍ତପୁର ଅଞ୍ଚଳରୁ ବିପୁଳ ପରିମାଣରେ କଫ୍‌ ସିରପ୍‌ ଜବତ କରିଛି ଅବକାରୀ ବିଭାଗ । ବ୍ୟାନ୍‌ ହୋଇଥିବା କଫ୍‌ ସିରଫ ନିଶା ପାଇଁ ଯୁବପୀଢ଼ି ବ୍ୟବହାର କରୁଥିବା ଜଣାପଡ଼ିଛି । ତେବେ ସୋର, ନିଳଗୀରି ଓ ବାଲେଶ୍ୱର ଅବକାରୀ ବିଭାଗ ମିଳିତ ଚଢ଼ାଉ କରି ବିପୁଳ ପରିମାଣରେ ବେଆଇନ୍‌ କଫ୍‌ ସିରପ୍‌ ଜବତ କରିଛନ୍ତି । ବ୍ୟାନ୍‌ କଫ୍‌ ସିରପ୍‌ ପ୍ରେମରେ ଯୁବପୀଢ଼ି ! ରାଜ୍ୟର ବିଭିନ୍ନ ଜିଲ୍ଲାରେ ଏବେ କୋରେକ୍ସଠୁ ଆରମ୍ଭ କରି ସବୁପ୍ରକାର ବେଆଇନ୍‌ କଫ୍‌ ସିରପ୍‌କୁ ନିଶା ଭାବେ ଗ୍ରହଣ କରୁଛନ୍ତି ଆଜିର ଯୁବପୀଢ଼ି । ଗତକାଲି ବଲାଙ୍ଗିର ଜିଲ୍ଲା ପାଟଣାଗଡ଼ରୁ ପାଖାପାଖି 16 ହଜାର କଫ୍‌ ସିରପ୍‌ ଜବତ ହୋଇଥିଲା । ତେବେ କଥା ଉଠୁଛି ବ୍ୟାନ ହୋଇଥିବା ଏହିସବୁ ସିରପ୍‌ କାରବାର ପଛରେ ମାଷ୍ଟର ମାଇଣ୍ଡ କିଏ ? ସେମାନଙ୍କୁ କାବୁ କରିବାରେ ପୋଲିସ ବିଫଳ କାହିଁକି ? ସେପଟେ ଯୁବପୀଢ଼ି ନିଶାର ପ୍ରେମରେ ଏତେ ମତୁଆଲା ଯେ କମ୍‌ ଟଙ୍କାରେ ମିଳୁଥିବା କଫ ସିରପ୍‌କୁ ନିଶା ପାଇଁ ସେବନ କରୁଛନ୍ତି । ଏକଥା ଆମେ କହୁନୁ ଏହା ବେଆଇନ୍‌ କଫ୍‌ ସିରପ୍‌ କାରବାର ହେଉଥିବା ସ୍ଥାନରେ ଲୋକଙ୍କ ପ୍ରତିକ୍ରିୟା । ରୋଗ ଭଲ କରିବା ପାଇଁ କେବଳ ଡାକ୍ତରଙ୍କ ପରାମର୍ଶ କ୍ରମେ ଦିଆଯାଉଥିବା ଏହି କଫ୍‌ ସିରପକୁ ନିଶା ଭାବେ ଲୋକେ ସେବନ କରୁଥିବା ବେଳେ ଏଥିପ୍ରତି ପ୍ରଶାସନର ନଜର ନାହିଁ । ତେବେ ଏହାର ଚୋରା ଚାଲାଣ ଏବଂ ନିଶା ପାଇଁ ବିପୁଳ ବ୍ୟବହାର ପାଇଁ ଦାୟୀ କିଏ ? ।

ଆଜି ବିଧାନସଭା ମୌସୁମୀ ଅଧିବେଶନର ପ୍ରଥମ ଦିନ

by Banajyotshna Ray

Today is the first day of the monsoon session of the Assembly

ଅର୍ଗସ ବ୍ୟୁରୋ: ଆଜି ବିଧାନସଭା ମୌସୁମୀ ଅଧିବେଶନର ପ୍ରଥମ ଦିନ। ବାଚସ୍ପତି ଦାୟିତ୍ବ ନେବା ପରେ ସର୍ବଦଳୀୟ ବୈଠକ ଡାକିବେ ବାଚସ୍ପତି ପ୍ରମିଳା ମଲ୍ଲିକ । ଅଧିବେଶନର ପ୍ରଥମ ଦିନ ୧୧ଟାରୁ ଆରମ୍ଭ ହେବ ଗୃହ କାର୍ଯ୍ୟ । ଦିବଙ୍ଗତ ନେତାଙ୍କ ଉଦ୍ଦେଶ୍ୟରେ ଶୋକପ୍ରସ୍ତାବ ଆଗତ ପରେ ପ୍ରଥମାର୍ଦ୍ଧ ମୁଲତବୀ ରହିବ । ଅପରାହ୍ନ ୫ଟାରେ ଗୃହରେ ଅତିରିକ୍ତ ବଜେଟ ଉପସ୍ଥାପନ କରିବେ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ । ଅତିରିକ୍ତ ବଜେଟ୍ ର ଆକାର ପ୍ରାୟ ୨୨ହଜାର କୋଟି ବୋଲି ଜଣାପଡ଼ିଛି । ଏହା ବ୍ୟତିତ ଆପାର୍ଟମେଣ୍ଟ ଅଧ୍ୟାଦେଶ, ଡ୍ରିମ୍ ସ ୟୁନଭରସିଟି ବିଲ୍, ପାଣି ପଞ୍ଚାୟତ ବିଲ୍, ଓବିସି କମିଶନ ଅଧ୍ୟାଦେଶ ଗୃହରେ ଆଗତ ହେବ ।

ବିଧାନସଭା ପାଇଁ ତ୍ରି ସ୍ତରୀୟ ସୁରକ୍ଷା ବ୍ୟବସ୍ଥା କରିଛି କମିସନରେଟ ପୋଲିସ । ୩୦ ପ୍ଲାଟୁନ ପୋଲିସ ଫୋସ ଓ ୧୨୫ ଅଫିସର ସୁରକ୍ଷା ପାଇଁ ମୁତୟନ କରାଯିବେ । ସେପଟେ ବିଧାନସଭା ରଣନୀତି ପ୍ରସ୍ତୁତ ପାଇଁ ଆଜି ବସିବ ତିନି ଦଳର ବିଧାୟକ ଦଳ ବୈଠକ । ଶାସକ ଦଳକୁ ଘେରିବାକୁ ଉଭୟ ବିଜେପି ଓ କଂଗ୍ରେସ ପ୍ରସଙ୍ଗର ଲମ୍ବା ତାଲିକା ପ୍ରସ୍ତୁତ କରୁଥିବା ବେଳେ ଶାସକ ଦଳ ବି କାଉଣ୍ଟର ପ୍ଲାନ ପ୍ରସ୍ତୁତ କରିବାକୁ ଯୋଜନା କରିଛି ।

ଅଧିକ ପଢ଼ନ୍ତୁ ଓଡିଶା ଖବର:

ଆଜି ଓଡ଼ିଶା ବିଧାନସଭା ବାଚସ୍ପତି ନିର୍ବାଚନ

by Banajyotshna Ray

6-time MLA Pramila Mallik to be first woman speaker of Odisha assembly

ଅର୍ଗସ ବ୍ୟୁରୋ: ଆଜି ଓଡ଼ିଶା ବିଧାନସଭା ବାଚସ୍ପତି ନିବାଚନ । ଏକମାତ୍ର ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି ବରିଷ୍ଠ ବିଜେଡି ବିଧାୟିକା ପ୍ରମିଳା ମଲ୍ଲିକ । ଏଥିପାଇଁ ସେ ରାଜସ୍ୱ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ତେବେ ଅନ୍ୟ କୌଣସି ଦଳରୁ କେହି ପ୍ରାର୍ଥୀ ଦେଉନଥିବାରୁ ସେ ର୍ନିଦ୍ୱନ୍ଦରେ ନିର୍ବାଚିତ ହେବା ସ୍ପଷ୍ଟ ହୋଇଛି । ତେବେ ଆଜି ଓଡ଼ିଶା ପାଇବାକୁ ଯାଉଛି ପ୍ରଥମ ମହିଳା ବାଚସ୍ପତି । ଆଜିଠୁ ବସିବାକୁ ଥିବା ବିଧାନସଭାର ମୌସୁମୀ ଅଧିବେଶନରେ ଅଧ୍ୟକ୍ଷତା କରିବେ ପ୍ରମିଳା ମଲ୍ଲିକ । ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକ ୬ ଥର ବିଧାନସଭାକୁ ନିର୍ବାଚିତ ହେଲେଣି । ସେ ବିଭିନ୍ନ ସମୟରେ ମନ୍ତ୍ରୀ ଭାବେ ମଧ୍ୟ ଦାୟିତ୍ବ ତୁଲାଇଛନ୍ତି।

ମନ୍ତ୍ରୀପଦରୁ ଇସ୍ତଫା ଦେଇଛନ୍ତି ପ୍ରମିଳା ମଲ୍ଲିକ । ରାଜସ୍ୱ ଓ ବିପର୍ଯ୍ୟୟ ପ୍ରଶମନ ମନ୍ତ୍ରୀପଦରୁ ଇସ୍ତଫା ଦେଇଛନ୍ତି ପ୍ରମିଳା । ବାଚସ୍ପତି ପ୍ରାର୍ଥୀ ଭାବେ ନାମାଙ୍କନପତ୍ର ଦାଖଲ କରିବା ପୂର୍ବରୁ ମନ୍ତ୍ରୀପଦରୁ ଇସ୍ତଫା ଦେଇଛନ୍ତି ପ୍ରମିଳା । ଗତକାଲି ବାଚସ୍ପତି ପଦ ପାଇଁ ନାମାଙ୍କନପତ୍ର ଦାଖଲ କରିଛନ୍ତି ପ୍ରମିଳା।

ପୂର୍ବରୁ ବାଚସ୍ପତି ପଦରେ ଥିବା ବିକ୍ରମ କେଶରୀ ଆରୁଖଙ୍କୁ ପୁଣିଥରେ ନବୀନ ନିଜ ମନ୍ତ୍ରୀମଣ୍ଡଳକୁ ଆଣିବା ପରେ ବାଚସ୍ପତି ପଦ ଫାଙ୍କା ପଡିଥିଲା । କିଏ ପରବର୍ତ୍ତୀ ବାଚସ୍ପତି ହେବେ ତାହାକୁ ନେଇ ଅନେକ ନାଁକୁ ନେଇ ଚର୍ଚ୍ଚା ହେଉଥିଲା । କିନ୍ତୁ ଶେଷରେ ପ୍ରମିଳାଙ୍କ ନାଁରେ ମୋହର ମାରିଥିଲେ ବିଜେଡି ସୁପ୍ରିମୋ । ପ୍ରମିଳା ବାଚସ୍ପତି ଭାବେ ଶପଥ ନେବା ପରେ ଓଡ଼ିଶା ପାଇବ ପ୍ରଥମ ମହିଳା ବାଚସ୍ପତି ।

ଅଧିକ ପଢ଼ନ୍ତୁ ଓଡିଶା ଖବର:

ଲୋକସଭା ପରେ ରାଜ୍ୟସଭାରେ ମହିଳା ସଂରକ୍ଷଣ ବିଲ୍ ପାସ

by Banajyotshna Ray

Rajya Sabha clears women’s reservation bill unanimously

ଅର୍ଗସ ବ୍ୟୁରୋ: ଲୋକସଭା ପରେ ରାଜ୍ୟସଭାରେ ମହିଳା ସଂରକ୍ଷଣ ବିଲ୍ ପାସ । ବିଲ ସପକ୍ଷରେ ପଡ଼ିଲା 215 ଭୋଟ । ବିପକ୍ଷରେ ପଡ଼ିଲାନି ଗୋଟିଏ ବି ଭୋଟ୍‌ । ବୁଧବାର ଲୋକସଭାରେ ବହୁମତରେ ଏହି ବିଲ ପାସ ହୋଇଥିଲା । ଗତକାଲି ଦିନ ତମାମ ଏହି ବିଲ୍‌ ଉପରେ ଚର୍ଚ୍ଚା ସରିବା ପରେ ଭୋଟିଂ ହୋଇଥିଲା । ଏହାପରେ ରାଜ୍ୟସଭାରେ `ନାରୀଶକ୍ତି ବନ୍ଦନ ଅଧିନିୟମ' ପାସ୍ ହୋଇଛି । ଏହି ବିଲ୍ ଦେଶର ଲୋକଙ୍କ ଉପରେ ଏକ ନୂତନ ଆତ୍ମବିଶ୍ବାସ ସୃଷ୍ଟି କରିବ ବୋଲି କହିଛନ୍ତି ପ୍ରଧାନମନ୍ତ୍ରୀ । ଏହାସହ ବିଲ୍‌ କୁ ସମର୍ଥନ ପାଇଁ ସମସ୍ତଙ୍କୁ ଜଣାଇଲେ ଧନ୍ୟବାଦ ।

ଅଧିକ ପଢ଼ନ୍ତୁ ଦେଶ ଖବର:

Download Argus News App

ବିପୁଳ ପରିମାଣରେ ବେଆଇନ କଫ୍‌ ସିରପ୍‌ ଜବତ

Download Mobile App