ଅର୍ଗସ ବ୍ୟୁରୋ: ଗଞ୍ଜାମ ଜିଲ୍ଲା ଖଲ୍ଲିକୋଟ ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୧୪୮ ଲିଟର ବେଆଇନ ଦେଶୀମଦ ଜବତ କରିଥିବା ବେଳେ ଦୁଇ ଜଣଙ୍କୁ ଗିରଫ କରିଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ଅବକାରୀ ଇନ୍ସପେକ୍ଟର ଛତ୍ରପୁର ଦୀପ୍ତିମୟୀ ସାହୁ ଓ ଖଲ୍ଲିକୋଟ ଅବକାରୀ ଇନଚାର୍ଜ ସୁଭେନ୍ଦୁ କୁମାର ପୁହାଣ ଓ ଅନ୍ୟାନ୍ୟ କର୍ମଚାରୀ ମାନେ ସଦଳବଳେ ବେଆଇନ ଦେଶୀମଦ ବିକ୍ରି ହେଉଥିବା ଖବର ପାଇଥିଲେ।
ଏହାପରେ ଖଲ୍ଲିକୋଟ ଥାନା ଅଞ୍ଚଳର ନିର୍ମଳଝର ଓ ମଧୁପଲ୍ଲୀ ଠାରେ ଚଢ଼ାଉ କରି ବିପୁଳ ପରିମାଣର ବେଆଇନ ଦେଶୀମଦ ଜବତ କରିବା ସହ ଏଥିରେ ସଂପୃକ୍ତ ଥିବା ଦୁଇ ଜଣ ବେଆଇନ ମଦ ବେପାରୀଙ୍କୁ ପୋଲିସ ଗିରଫ କରିଛି। ଉକ୍ତ ଦୁଇ ଅଭିଯୁକ୍ତ ହେଲେ ନିର୍ମଳଝରର ଜିତୁ ଖଟୁଆ ଓ ମଧୁପଲ୍ଲୀ ଗ୍ରାମର ଦୀଲିପ ଦାସ। ଉଭୟଙ୍କୁ ଗୀରଫ କରି କୋର୍ଟ ଚାଲାଣ କରାଯାଇଛି।
