ସୂଚନା ଅନୁସାରେ, ଲଦାଖର ଭାରତ-ଚୀନ ସୀମାରେ ପ୍ରତ୍ୟେକ ବର୍ଷ ଶୀତଋତୁରେ ସର୍ବନିମ୍ନ ତାପମାତ୍ରା ମାଇନସ୍ ୪୦ ରୁ ୫୦ ଡିଗ୍ରୀରେ ପହଞ୍ଚେ । ଏବେ ସେଥିରେ ସୁଧାର ଆସିଥିଲେ ବି ଫେବୃଆରୀ ଆରମ୍ଭରୁ ସୀମାର ଦାରମା ଘାଟି ଏବଂ ଆଖପାଖ ଅଂଚଳରେ ତାପମାତ୍ରା ମାଇନସ୍ ୧୫ ଡିଗ୍ରୀ ସେଲସିୟସ୍ରେ ପହଞ୍ଚିଛି। ତାପମାତ୍ର କମ୍ ହେବାରୁ ସମୁଦ୍ର ପତନର ୧୪ ହଜାର ଫୁଟ ଉପରେ ବ୍ୟାସ ଘାଟିର ଜ୍ୟୋଲିକାଙ୍ଗ୍ରେ ଥିବା ପାର୍ବତୀ କୁଣ୍ଡ୍ ଏବଂ କୁଟୀ ଅଂଚଳର ସମସ୍ତ ଖାଲ ଜାଗା ଏବଂ ନଦୀରେ ବରଫ ଜମି ଯାଇଛି ।
ଏହି କାରଣରୁ ସେଠାରେ ମୁତୟନ ଥିବା ଯବାନମାନଙ୍କୁ ପାନୀୟ ଜଳ ମିଳିବାରେ ଅସୁବିଧା ହୋବରୁ ସେମାନଙ୍କୁ ବରଫ ତରଳେଇ ପାଣି ପିଇବାକୁ ପଡ଼ୁଛି । ଏବେ ବରଫପାତ କିଛି ଟା କମ୍ ହେଲେ ବି ଥଣ୍ଡା ଲହର କମ୍ ହୋଇନାହିଁ । ସେଥିପାଇଁ ଗୁଂଜି ଏବଂ କାଲାପାନୀ ଅଂଚଳଠାରୁ ଆରମ୍ଭ କରି କୁଟୀ ଏବଂ ଲିପୁଲେଖ ପର୍ଯ୍ୟନ୍ତ ଚାରିଆଡ଼େ ୨ ଫୁଟ୍ ଆସ୍ତରଣର ବରଫ ଜମି ରହିଛି।
ଅଧକ ବରଫ ଯୋଗୁଁ ଯାତାୟାତରେ ଅସୁବିଧା ହେବାରୁ ଅଖପାଖ ଅଂଚଳରେ ଥିବା କିଛି ଗ୍ରାମବାସୀଙ୍କୁ ଅନ୍ୟତ୍ର ସ୍ଥାନାନ୍ତରିତ କରାଯାଇଛି। ଏପରି ପ୍ରତିକୂଳ ପାଗରେ କିନ୍ତୁ ଦିନରାତି ଜାଗ୍ରତ ରହି ଦେଶର ସୀମାକୁ ଭାରତୀୟ ବୀର ଯବାନ ସୁରକ୍ଷା ଦେଉଛନ୍ତି।
