କଟକ: ମାଟ୍ରିକ ପରୀକ୍ଷା ଅନିୟମିତତା ମାମଲାରେ ଦୁଇ ପ୍ରଧାନ ଶିକ୍ଷକଙ୍କୁ ନିଲମ୍ବିତ କଲେ ମାଧ୍ୟମିକ ଶିକ୍ଷା ନିର୍ଦ୍ଦେଶକ । ନରସିଂହପୁର ଯୋଡୁମ ହାଇସ୍କୁଲ ପ୍ରଧାନ ଶିକ୍ଷକ ଅନ୍ତର୍ଯ୍ୟାମୀ ସ୍ୱାଇଁ ନିଲମ୍ବିତ ଓ କଳାହାଣ୍ଡି ଜିଲ୍ଲାର ଦୟାନିଧି ହାଇସ୍କୁଲର ପ୍ରଧାନ ଶିକ୍ଷକ ପ୍ରଶାନ୍ତ ମହାନ୍ତି ନିଲମ୍ବିତ ହୋଇଥିବା ସୂଚନା ରହିଛି । ପରୀକ୍ଷା କେନ୍ଦ୍ର ସୁପରିଟେଣ୍ଡେଟ ଥିଲେ ଏହି ଦୁଇ ପ୍ରଧାନ ଶିକ୍ଷକ । ସେହିପରି ନୟାଗଡ଼ ଡିଇଓ ଜଣେ ସହକାରୀ ଶିକ୍ଷୟତ୍ରୀଙ୍କୁ ନିଲମ୍ବନ କରିଛନ୍ତି । ନୟାଗଡ଼ ବାଇଗୁଣିଆ ୱେଭର କୋପରେଟିଭ ଶିକ୍ଷୟତ୍ରୀ ଅର୍ପିତା ନାୟକଙ୍କ ନାଁ ମଧ୍ୟ ରହିଛି ।
ପରୀକ୍ଷାର୍ଥୀଙ୍କ ସଫଳତା କାମନା କରୁଛି : ଧର୍ମେନ୍ଦ୍ର ପ୍ରଧାନ
ସୂଚନାଯୋଗ୍ୟ, ମାର୍ଚ୍ଚ 10 ରୁ ଚାଲିଛି ମାଟ୍ରିକ ସେମଟିଭ୍-2 ପରୀକ୍ଷା । 3ଟି ପେପର୍ (ଓଡିଆ,ଇଂରାଜୀ,ହିନ୍ଦୀ/ସଂସ୍କୃତ) ର ପରୀକ୍ଷା ସରିଲାଣି । ସ୍ଵଚ୍ଛ ପରୀକ୍ଷା ପରିଚାଳନା ପାଇଁ ୫୭ଟି କେନ୍ଦ୍ରୀୟ ସ୍କ୍ବାର୍ଡର ବ୍ୟବସ୍ଥା କରାଯାଇଥିବା ସୂଚନା ରହିଛି । ମୋଟ ୩୨୧୮ଟି ରେ କେନ୍ଦ୍ରରେ ପରୀକ୍ଷା ଚାଲିଛି । ଏଥିପାଇଁ 316 ଟି ନୋଡାଲ ସେଣ୍ଟର ରହିଥିବାବେଳେ ମାଓ ଅଧ୍ୟୁଷିତ ଅଞ୍ଚଳରେ 22 ଟି ଥାନାରେ ନୋଡାଲ ସେଣ୍ଟର କରାଯାଇଛି ।
