କଟକ: ପ୍ରକୃତିର ବିସ୍ମୟ ତୁଷାର ଧବଳ କାଶତଣ୍ଡି ଫୁଲ । ଶରତର ପ୍ରେମ ପ୍ରତୀକ, ପ୍ରକୃତିର ଅନବଦ୍ୟ ସୃଷ୍ଟି । ନଈପଠାର ସାଥୀ, ରାସ୍ତାକଡ଼କୁ ସ୍ବର୍ଗ ଭଳି ଆଙ୍କୁଥିବା ଶ୍ବେତ ସାରଥି। ଶୀତର ସ୍ପର୍ଶ ପୂର୍ବରୁ ହସୁଛି କାଶତଣ୍ଡି, ରୋମାଞ୍ଚିତ କରୁଛି କାଶତଣ୍ଡି `। ମାଆଙ୍କର ଆଗମନର ସଂକେତ ଦେଇ ପଥିକକୁ ପ୍ରେମରେ ପକାଉଛି କାଶତଣ୍ଡି। ସଫେତ ଚାଦର ଉଢ଼ି, ଶୁଭ୍ର ବସ୍ତ୍ର ପିନ୍ଧି ମାଆ ଆସିବା ବେଳ ହେଲା ବୋଲି କହିବାକୁ ଆସିଛି କାଶତଣ୍ଡି। ଏହାସହ ମାଆଙ୍କ ସ୍ବାଗତ ପାଇଁ ଆରମ୍ଭ ହୋଇଛି ପ୍ରସ୍ତୁତି ପର୍ବ। ଚଳଚଞ୍ଚଳ କଟକ ସହର।
ଆରମ୍ଭ ହୋଇଛି ମାଆଙ୍କ ଜୀବନ୍ତ ପ୍ରତିମା ପ୍ରସ୍ତୁତି। ତୋରଣରେ ଝଲସିବ ସହର। ଅକ୍ଟୋବର ୨୦ରୁ ଦୁର୍ଗା ପୂଜା ଆରମ୍ଭ ହେବା ନେଇ ଘୋଷଣା ହୋଇଛି। ଚଳିତ ଥର କଟକ ସହରରେ ବିଭିନ୍ନ ପୂଜା ମଣ୍ଡପରେ ମାଆ ଦୁର୍ଗାଙ୍କ ସହ ହର ପାର୍ବତୀ ମଧ୍ୟ ପୂଜା ପାଇବେ। ପାଖାପାଖି ସହରରେ ୧୭୦ଟି ମେଢ଼ ରହିଛି । ଏଥର ମହମ୍ମଦିଆ ବଜାର, କାଫଲା ବଜାର, ନିମଚୌଡି ଭଳି ସାହି ନୂତନ ଭାବେ ଚାନ୍ଦି ମେଢ଼ ତିଆରି କରିଛନ୍ତି। ଅର୍ଥାତ ସହରରେ ଏଥରେ ସମୁଦାୟ ୩୩ ଟି ଚାନ୍ଦି ମେଢ଼ ହେବ। ମାଆଙ୍କ ଆଗମନର ସଂକେତ ମିଳିବା ପରେ ବର୍ତ୍ତମାନ ଉତ୍ସବମୁଖର ହୋଇ ପଡ଼ିଛି କଟକ ସହର।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ଧର୍ମଘଟ ପ୍ରତ୍ୟାହାର କଲା ଘରୋଇ ବସ୍ ମାଲିକ ସଂଘ । ଆଜି ପରିବହନ ମନ୍ତ୍ରୀଙ୍କ ଅଧ୍ୟକ୍ଷତାରେ ସଚିବାଳୟରେ ଏକ ବୈଠକ ବସିଥିଲା। ଯେଉଁଥିରେ ଘରୋଇ ବସ୍ ମାଲିକ ସଂଘର ଦାବୀକୁ ନେଇ ଆଲୋଚନା ହୋଇଥିଲା । ଲଖ୍ମୀ ବସ୍ ଗୁଡିକ ବ୍ଲକରୁ ଜିଲ୍ଲାକୁ ଚଲା ନଯିବା ଦାବୀକୁ ସରକାର ମାନି ନେଇଥିବା ବେଳେ ପ୍ରାଥମିକ ଭାବରେ ଗଜପତି, ଭବାନୀପାଟଣା,ରାୟଗଡା,ରେ ଚାଲୁଥିବା ଲଖ୍ମୀ ବସ୍ ଗୁଡିକ ପଞ୍ଚାୟତରୁ ବ୍ଲକକୁ ଚାଲୁଛି। ଆଗକୁ ନବରଙ୍ଗପୁର ଏବଂ କୋରାପୁଟ୍ ରେ ମଧ୍ୟ ଲଖ୍ମୀ ବସ୍ ପଞ୍ଚାୟତରୁ ବ୍ଲକକୁ ଚାଲିବା ନେଇ ନିଷ୍ପତ୍ତି ହୋଇଛି ।
ଏହା ବାଦ୍ ଘରୋଇ ବସ୍ ମାଲିକ ସଂଘ ଏବଂ ସରକାରଙ୍କର କିଛି ବିଭାଗୀୟ ଅଧିକାରୀଙ୍କୁ ନେଇ ଏକ କମିଟି ଗଠନ କରାଯାଇଛି । ଯେଉଁ କମିଟି ମୋ ବସର ରିଭ୍ୟୁ କରି ଆସନ୍ତା ୭ ଦିନ ମଧ୍ୟରେ ଏକ ବୈଠକ ବସି ମୋ ବସ୍ ଚଳାଚଳ ରୁଟ୍ କୁ ନେଇ ନିଷ୍ପତ୍ତି ନିଆଯିବ । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଲା ଘରୋଇ ବସ୍ ମାଲିକ ସଂଘ ।
ଅଧିକ ପଢନ୍ତୁ ଓଡ଼ିଶା ଖବର
