- ଭକ୍ତଙ୍କ ଭାବାବେଗ ଉପରେ ପ୍ରହାର
- ଜଗା ଦର୍ଶନ ପାଇଁ ବୟସ୍କଙ୍କୁ ବାରଣ ବଢାଇଲା ବିବାଦ
- ଭିଡ଼ ପରିଚାଳନାର ଅପାରଗତା ଲୁଚାଇବାକୁ ଅଜବ ଯୁକ୍ତି
- ଭକ୍ତଙ୍କୁ 12-12 ଘଣ୍ଟା ଛିଡା ହେବା ପରାମର୍ଶ ଦେଉଛନ୍ତି ବିଜେଡି ବିଧାୟକ
- ଭକ୍ତ-ଭଗବାନଙ୍କୁ ଅଲଗା କରିବାକୁ ପ୍ରଶାସନ କିଏ ବୋଲି ପ୍ରଶ୍ନ କଲେ ବିଶ୍ବଭୂଷଣ
- ସେବେ ରଥଯାତ୍ରା ଆଉ ଏବେ ଜଗା ଦର୍ଶନ, ବନ୍ଦ ପାଇଁ କିଏ କରୁଛି ମସୁଧା ?
ଅର୍ଗସ ବ୍ୟୁରୋ: ଜଗନ୍ନାଥ ପ୍ରେମୀଙ୍କ ଭାବାବେଗଙ୍କୁ ଶ୍ରୀମନ୍ଦିର ପ୍ରଶାସନ ର କୁଠାରଘାତ । ନିଜ ପରିଚାଳନାଗତ ଅପାରଗତାକୁ ଲୁଚାଇବାକୁ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ବିତଣ୍ଡା ଯୁକ୍ତିକୁ ନେଇ କ୍ଷୁବ୍ଧ ଜଗନ୍ନାଥ ପ୍ରେମୀ । ପୁଣ୍ୟ କାର୍ତ୍ତିକରେ ଗହଳିକୁ ନଜରରେ ରଖି ବ୍ୟବସ୍ଥାକୁ ଶୃଙ୍ଖଳିତ କରିବା ପରିବର୍ତ୍ତେ ବୟସ୍କଙ୍କୁ ମନ୍ଦିର ଆସିବା ଲାଗି ବାରଣକୁ ନେଇ ବଢୁଛି ଅସନ୍ତୋଷ।ସେପଟେ ଭକ୍ତ-ଭଗବାନଙ୍କୁ ଅଲଗା କରିବାକୁ ପ୍ରଶାସନ କିଏ ବୋଲି ପ୍ରଶ୍ନ କରିଛନ୍ତି ଛତିଶଗଡ ରାଜ୍ୟପାଳ । ଏସବୁ ଭିତରେ ଭକ୍ତଙ୍କ ଯନ୍ତ୍ରଣାକୁ ନେଇ ଖବର ପ୍ରସାରଣ ପରେ ପ୍ରତିକ୍ରିୟା ରଖିଛନ୍ତି କେନ୍ଦ୍ରାଞ୍ଚଳ ଆଇଜି । ବରିଷ୍ଠ ନାଗରିକଙ୍କ ଶୃଙ୍ଖଳିତ ଦର୍ଶନ ପାଇଁ ଆଜିଠାରୁ ୫୦ ଭଲ୍ୟୁଣ୍ଟଅର ନିୟୋଜିତ ହେବେ କହିଛନ୍ତି କେନ୍ଦ୍ରାଞ୍ଚଳ ଆଇଜି ଓ ଜିଲ୍ଲାପାଳ।
ସନାତନ ଧର୍ମର ଆସ୍ଥା ଓ ବିଶ୍ୱାସର ପ୍ରତୀକ ମହାପ୍ରଭୁ ଶ୍ରୀଜଗନ୍ନାଥ । ମୃତ୍ୟୁପୂର୍ବରୁ ଥରେ ହେଲେ ବି ଜଗା ଦର୍ଶନ କରିବାକୁ ଭକ୍ତ ମନରେ ଥାଏ ଆଶା ଓ ଉତ୍କଣ୍ଠା । ସେଇଥିପାଇଁ ତ ଜଗା ଡୋରୀ ଲାଗିଲେ ଯେତେ କଷ୍ଟ ହେଲେ ବି ଦର୍ଶନ ପାଇଁ ଶ୍ରୀକ୍ଷେତ୍ର ଧାଇଁ ଆସିଥାଏ ଭକ୍ତ । ହେଲେ ସାମ୍ପ୍ରତିକ ପରିସ୍ଥିତିରେ ଜଗାଦର୍ଶନ ପୂର୍ବରୁ ସିଂହଦ୍ୱାରରେ ଘଣ୍ଟା ଘଣ୍ଟାର ପ୍ରତୀକ୍ଷା ଭକ୍ତ ଶ୍ରଦ୍ଧାଳୁଙ୍କ ପାଇଁ ଅତିଷ୍ଠ ହେଉଛି। ଅଣ ଓସାରିଆ ବ୍ୟାରିକେଡ ସାଙ୍ଗକୁ ନୀତି ସମୟରେ ସିଂହଦ୍ୱାର ଠାରେ ପ୍ରତୀକ୍ଷା ଯୋଗୁଁ କଲବଲ ହେଉଛନ୍ତି ଭକ୍ତ । ବିଶେଷକରି ବରିଷ୍ଠ ନାଗରିକଙ୍କ ମାନେ ଭିଡ଼ ଭିତରେ ନାହିଁ ନ ଥିବା ଅସୁବିଧା ଭୋଗୁଛନ୍ତି।
ଦିବ୍ୟାଙ୍ଗ ଓ ବରିଷ୍ଠ ମାନଙ୍କ ପାଇଁ ନାହିଁ ସ୍ୱତନ୍ତ୍ର ବ୍ୟବସ୍ଥା। ସେଥିରେ ବିଜେଡି ବିଧାୟକଙ୍କ 12 ଘଣ୍ଟିଆ ଅପେକ୍ଷା ବୟାନ ଭକ୍ତଙ୍କ କଟା ଘାରେ ଚୁନ ସଦୃଶ ହୋଇଛି।ମୁଖ୍ୟ ପ୍ରଶାସକଙ୍କ ପ୍ରତିକ୍ରିୟାରୁ ସ୍ପଷ୍ଟ ବାରି ହେଉଛି ରାଜ୍ୟସରକାରଙ୍କ ସନାତନ ବିରୋଧୀ ଚିନ୍ତାଧାରାର ଗନ୍ଧ । ଅପାରଗତା ଲୁଚାଇବାକୁ ଧର୍ମ ଉପରେ କାହିଁକି ପ୍ରହାର କରୁଛନ୍ତି ସରକାର,ଏହାକୁ ନେଇ ଉଠିଛି ବଡ଼ ପ୍ରଶ୍ନ ।
ଅଧିକ ପଢ଼ନ୍ତୁ ଓଡିଶା ଖବର:
