ଅର୍ଗସ ବ୍ୟୁରୋ : ଜଗତସିଂହପୁର ଜିଲ୍ଲା ତିର୍ତୋଲ ଥାନା ଅଞ୍ଚଳରେ ଜଣେ ନା ବାଳିକାକୁ ଏକ ଲକ୍ଷ ଟଙ୍କାରେ ବିକ୍ରି ହୋଇଥିବା ନେଇ ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କୁ ଖବର ମିଳିବା ପରେ ଆରମ୍ଭ ହୋଇଥିଲା ତନାଘନା । ଜିଲ୍ଲା ଶିଶୁ ଅଧିକାରି ପ୍ରଥମେ ତିର୍ତୋଲ ଥାନାରେ ଏକ ଲିଖିତ ଅଭିଯୋଗ କରିଥିଲେ ପୋଲିସ ଘଟଣାର ତଦନ୍ତ ଆରମ୍ଭ କରିବା ସହ ସଂପୃକ୍ତ ନା ବାଳିକାକୁ ଉଦ୍ଧାର କରି ଶିଶୁ ସୁରକ୍ଷା ଅଧିକାରୀଙ୍କୁ ହସ୍ତାନ୍ତର କରିଛନ୍ତି । ନା ବାଳିକାର ବୟସ 15 ବର୍ଷ ବୋଲି ଜଣାପଡିଛି । ଆଜି ନା ବାଳିକାର ବୟାନ ରେକର୍ଡ କରାଯିବ । ଝିଅର ହାତ ଲେଖା ଚିଠି ସହିତ ସବୁ ଆଡୁ ପୋଲିସ ଓ ଶିଶୁ ଅଧିକାରୀ ତଦନ୍ତ କରିବେ।
ଏହି ବାବଦରେ ନା ବାଳିକା ବାପା ମା’ଙ୍କୁ ପଚାରିବାରୁ ଏହା ସମ୍ପୂର୍ଣ୍ଣ ମିଥ୍ୟା କଥା ବୋଲି କହିଛନ୍ତି । ଝିଅ ତାର ମାମୁଁ ଘରେ ରୁହେ ଝିଅକୁ କାହାକୁ ବିକ୍ରି କରାଯାଇ ନାହିଁ ବୋଲି କହିଛନ୍ତି । ଜିଲ୍ଲା ଶିଶୁ ଅଧିକାରୀ ବର୍ତ୍ତମାନ ଘଟଣା ତଦନ୍ତ ଆରମ୍ଭ କରିଛନ୍ତି । ଘଟଣାର ସତ୍ୟତା ସାମ୍ନାକୁ ଆସିବା ପରେ ସବୁ ଜଣା ପଡ଼ିବା ନେଇ କହିଛନ୍ତି।
ଅପରାଧ ଖବର ଆହୁରି ପଢ଼ନ୍ତୁ ।
