ଅର୍ଗସ ବ୍ୟୁରୋ : ଯାଜପୁର ଜିଲ୍ଲା ଫାଷ୍ଟ ଟ୍ରାକ ଅଦାଲତ ଗୁରୁତ୍ୱପୂର୍ଣ୍ଣ ରାୟ । ନାବାଳିକାକୁ ଅପହରଣ ଓ ଦୁଷ୍କର୍ମ ମାମଲାରେ 2 ଜଣକୁ 10 ବର୍ଷ କାରାଦଣ୍ଡାଦେଶ ସହିତ 50 ଓ 30 ହଜାର ଟଙ୍କା ଜରିମାନା ଆଦାୟ ପାଇଁ ରାୟ ଶୁଣାଇଲେ ମାନ୍ୟବର ଅଦାଲତ । ଗତ 2018 ମସିହା ଅକ୍ଟୋବର ମାସ 29 ତାରିଖ ଦିନ ପାଣିକୋଇଲି ଥାନା ଅଂଚଳରୁ ଜଣେ ନାବାଳିକାକୁ ଅପହରଣ ଓ ଦୁଷ୍କର୍ମ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା ।
ଏହି ଘଟଣାରେ ଶିବ ଜେନା ଏବଂ ମାନସ ଜେନାକୁ ପୋଲିସ ଗିରଫ କରି କୋର୍ଟ ଚାଲାଣ ପୋଲିସ କରିଥିଲା । ମାନ୍ୟବର ଅଦାଲତ 18 ଜଣ ସାକ୍ଷୀଙ୍କ ବୟାନକୁ ଆଧାର କରି ଶିବ ଜେନା କୁ 10 ବର୍ଷ କାରାଦଣ୍ଡାଦେଶ ସହ 50 ହଜାର ଟଙ୍କା ଜରିମାନା ଏବଂ ମାନସ ଜେନାଙ୍କୁ 10 ବର୍ଷ କାରାଦଣ୍ଡାଦେଶ ସହିତ 30 ହଜାର ଟଙ୍କା ଜରିମାନା ଆଦାୟ ପାଇଁ ରାୟ ଶୁଣାଇଛନ୍ତି ।
ଓଡିଶା ଖବର ଆହୁରି ପଢନ୍ତୁ
