PRIME ODISHA 7PM
ଭୁବନେଶ୍ୱର: ରମାଦେବୀ ଛାତ୍ରୀ ମୃତ୍ୟୁ ଘଟଣାରେ ଟ୍ୱିଷ୍ଟ । ଝରାଫୁଲକୁ ହତ୍ୟା କରାଯାଇଥିବା କହିଲେ ଯାଜପୁର ଏସପି । ଫେରାର ଅଭିଯୁକ୍ତ ଶକ୍ତି ଶେଖର ସ୍ୱାଇଁଙ୍କୁ ଭୁବନେଶ୍ୱରରୁ ଗିରଫ କରିଛି ପୋଲିସ । ପୂର୍ବରୁ ଏହି ଘଟଣାରେ ଦୁଇଜଣ ଗିରଫ ହୋଇଛନ୍ତି । ମୟୂରଭଞ୍ଜ ବାସିନ୍ଦା ଝରାଫୁଲ ଭୁବନେଶ୍ୱରରେ ରହି ରମାଦେବୀରେ ପାଠ ପଢୁଥିଲା । କୋରୋନା କଟକଣା ଯୋଗୁଁ ଘରକୁ ଯାଇଥିଲାବେଳେ ସାଙ୍ଗ ଜନ୍ମଦିନ ଯୋଗୁଁ ସେ ଭୁବନେଶ୍ୱର ଆସିଥିଲା । ପରେ ଆଉ ଘରକୁ ଫେରିନଥିଲା ।
ପରେ ଯାଜପୁରରେ ରାସ୍ତାକଡରୁ ଝରାଫୁଲର ମୃତଦେହ ଉଦ୍ଧାର ହୋଇଥିଲା । ଦୁଇ ଜଣ ଯୁବକ ଝରାଫୁଲର ମୃତଦେହ ଫିଙ୍ଗି ଦେଇଯାଇଥିବା ସେଠାକାର ସିସିଟିଭିରେ କଏଦ୍ ହୋଇଥିଲା । ପରେ ଭୁବନେଶ୍ୱରର ଏକ ଓୟୋ ହୋଟେଲରେ ଝରାଫୁଲ ରହିଥିବା କଥା ସାମ୍ନାକୁ ଆସିଥିଲା । ଯାହାକୁ ନେଇ ଘଟଣାରେ ଦୁଇ ଜଣଙ୍କୁ ପୋଲିସ ପୂର୍ବରୁ ଗିରଫ କରିଥିଲାବେଳେ ଓୟୋ ହୋଟେଲକୁ ସିଲ୍ କରିଥିଲା । ଆଜି ଆଉ ଜଣେ ଅଭିଯୁକ୍ତ ଗିରଫ ହୋଇଛି ।
