କଟକ: ମଦରେ ଭାସିଲା ଗାଁ ଦାଣ୍ଡ। କଟକ ଜିଲ୍ଲା ଆଠଗଡ ଅଞ୍ଚଳର ଦେଶୀ ମଦର କୁଟୀର ଶିଳ୍ପ ଭାବେ ପରିଚିତ କରୋଙ୍ଗା ଗାଁରେ ଜିଲ୍ଲାର ଅବକାରୀ ବିଭାଗ ଓ ପ୍ରଶାସନ ପକ୍ଷରୁ ମିଳିତ ଚଢାଉ କରାଯାଇଛି। ଦୀର୍ଘଦିନ ଧରି ମଦ କାରବାର ପରେ ପ୍ରଶାସନ ପକ୍ଷରୁ ରେଡ଼ କରାଯାଇଛି। ହଜାର ହଜାର ଲିଟର ମଦ ପୋଚ ନଷ୍ଟ କରିବା ସହ ବିପୁଳ ପରିମାଣର ଦେଶୀ ମଦ ଜବତ କରାଯାଇଛି।
ଏହି ଗାଁରେ ଖୁଲୁମଖୁଲା ଦେଶୀ ମଦ ଦୀର୍ଘଦିନ ଧରି ରନ୍ଧା ହେଉଥିଲେ ମଧ୍ୟ ଅବକାରୀ ବିଭାଗ ସଂପୂର୍ଣ୍ଣ ବନ୍ଦ କରିପାରୁନାହିଁ। କିଛି ଦିନ ତଳେ ଏହି ଗାଁରେ ଜେସିବି ଲଗାଇ ମଦ ଭାଟି ବନ୍ଦ କରିଥିଲେ ମଧ୍ୟ ଦିନ କେଇଟାରେ ପୁଣି ଭାଟି ଚାଲୁଥିଲା। ମଦର ପରିମାଣ ଏତେ ଥିଲା ଯେ ଗାଁ ଦାଣ୍ଡରେ ବର୍ଷା ପାଣି ଭଳି ମଦର ବନ୍ୟା ଦେଖିବାକୁ ମିଳିଥିଲା।
