ବଲାଙ୍ଗିର : ବିପୁଳ ପରିମାଣର ଦେଶୀ ମଦ ଜବତ । ବଲାଙ୍ଗିର ଅବକାରୀ ବିଭାଗର ଏସପିଙ୍କ ନିର୍ଦ୍ଦେଶରେ ପାଟଣାଗଡ଼ ଅଧିକାରୀ ସତ୍ୟନାରାୟଣ ଦାସ ଆଜି ପେଟ୍ରୋଲିଂ କରୁଥିବା ତମିଆ ଓ ମୁନ୍ଦଳସର ଦୁଇଟି ଗାଁରେ ଚଢ଼ାଉ କରି ବିପୁଳ ପରିମାଣରେ ଦେଶୀ ମଦ ଜବତ କରିଛି। ଉଭୟ ଗାଁର 4 ଜଣଙ୍କ ନିକଟରୁ ଦେଶୀ ମଦ ସହ ଆବଶ୍ୟକ ସାମଗ୍ରୀ ଜବତ କରିଛି।
115 ଲିଟର ଦେଶୀରନ୍ଧା ମଦ ସହ 4 ଜଣଙ୍କୁ ଗିରଫ କରିଛି ପାଟଣାଗଡ଼ ଅବକାରୀ ବିଭାଗର। ଉକ୍ତ 4 ଜଣଙ୍କ ମଧ୍ୟରୁ ଜଣେ ବାବା ମଧ୍ୟ ସାମିଲ ଥିବାର ଦେଖିବାକୁ ମିଳିଛି। ଜବତ ହୋଇଥିବା ଦେଶୀ ମଦର ଆନୁମାନିକ ମୁଲ୍ୟ ପ୍ରାୟ 50 ହଜାର ଟଙ୍କା ହେବ ବୋଲି ଅବକାରୀ ଅଧିକାରୀ ସତ୍ୟନାରାୟଣ ଦାସ କହିଛନ୍ତି।
ଓଡ଼ିଶା ଖବର ଆହୁରି ପଢ଼ନ୍ତୁ ।
