ଅର୍ଗସ ବ୍ୟୁରୋ : ରାଜଧାନୀରେ ମାତିଛନ୍ତି କାଛା ଗ୍ୟାଙ୍ଗ । ଶ୍ରମିକ ବେଶରେ ଆସୁଛନ୍ତି ଘରେ ପଶି ଲୁଟୁଛନ୍ତି । ସିସିଟିଭି କଏଦ ହେଲା ଗ୍ୟାଙ୍ଗର ଦୃଶ୍ୟ । ଏହି ଗ୍ୟାଙ୍ଗର ଲୁଟ ଉଦ୍ୟମ ପଣ୍ଡ ହୋଇଛି । ଲିଙ୍ଗରାଜ ଥାନା ଗ୍ୟାରେଜ ଛକ ନିକଟ କେନାଲ ରୋଡ କଲୋନୀରେ ଜଣକ ଘରେ ରାତି ଅଧରେ ପଶିବାକୁ ଉଦ୍ୟମ କରୁଥିଲେ । ତେବେ ସମ୍ପୃକ୍ତ ଘରର ଲୋକେ ଗ୍ୟାଙ୍ଗକୁ ଦେଖି ପାଟି କରିବା ପରେ ଚମ୍ପଟ ମାରିଥିଲେ ଲୁଟେରା ।
ସିସିଟିଭି ଫୁଟେଜରେ 5 ଜଣ ଲୁଟେରା ଅଛନ୍ତି । ସମସ୍ତେ ଲୁଙ୍ଗି ପିନ୍ଧି ଥିବା ବେଳେ ମୁଣ୍ଡରେ ଗାମୁଛା ଭିଡିଛନ୍ତି । ଲିଙ୍ଗରାଜ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛନ୍ତି । କିଛି ଦିନ ପୂର୍ବରୁ ଏଭଳି ଏକ ଗ୍ୟାଙ୍ଗ ସାମନ୍ତରାୟ ପୁର ଅଂଚଳରେ ଜଣଙ୍କ ଘରେ ପଶି ଲୁଟ କରିଥିଲେ । ସେହି ମାମଲାରେ ସିସିଟିଭି ଫୁଟେଜ ଥାଇ ମଧ୍ୟ ପୋଲିସକୁ କିଛି ସୁରାକ ମିଳି ନଥିଲା ।
