ସରକାରୀ ଯୋଜନା ଫେଲ, ସ୍ୱଚ୍ଛ ଭାରତ ମିଶନ ପାଇଖାନ କାମରେ ର୍ଦୁନିତୀ

ବୌଦ୍ଧ:  ଗ୍ରାମୀଣ ସ୍ୱଚ୍ଛ ଭାରତ ମିଶନ ପାଇଖାନ କାମରେ ର୍ଦୁନିତୀ । ସ୍ୱଚ୍ଛ ଭାରତ ଯୋଜନାରେ କେନ୍ଦ୍ର ସରକାର ଗ୍ରାମା ଅଞ୍ଚଳରେ କରୁଛନ୍ତି କୋଟି କୋଟି ଟଙ୍କା ଖର୍ଚ୍ଚ । ହେଲେ ରାଜ୍ୟ ସରକାରଙ୍କ ପିସି ସରକାର ଯୋଗୁଁ ଏହି ଯୋଜନାମାନ ଲୋକମାନଙ୍କର କୌଣସି କାମରେ ଆସୁନି । ହିତାଧିକାରୀ ଟଙ୍କା ହଡ଼ପ କରୁଛନ୍ତି ବିଭାଗିୟ ଅଧିକାରୀ । ଯାହାଫଳରେ ହଟହଟା ହେଉଛନ୍ତି ହିତାଧିକାରୀ । ଏମିିତି ଏକ ସଙ୍ଗିନ ଅଭିଯୋଗ ଆଣିଛନ୍ତି ବୌଦ୍ଧ ଜିଲ୍ଲା ଲେଙ୍ଗରପାଜୁ ଗାଁର ଲୋକେ । ପାଇଖାନା ତିଆରିର ୬ ମାସ ବିତିଛି ସମସ୍ତ ଦସ୍ତାବିଜ ସହ ୫ଶହ ଟଙ୍କା ହାତଗୁଞ୍ଜା ମଧ୍ୟ ଦିଆଯାଇଛି । ହେଲେ ଏବେ ନାଁ ସରକାରୀ ବାବୁଙ୍କ ଦେଖା ମିଳୁଛି ନାଁ ପାଇଖାନା ତିଆରି ଟଙ୍କା ମିଳୁଛି ।

ବୌଦ୍ଧ ଜିଲ୍ଲା ଅନ୍ତର୍ଗତ ଘଞ୍ଚ ଜଙ୍ଗଲ ଘେରା ଗାଁ ଲେଙ୍ଗରପାଜୁ । ଆଧୁନିକତା ଛାପର ବହୁ ପଛରେ ରହିିଛି ଲେଙ୍ଗରପାଜୁ । ଗାଁର କିଛି ସଚେତନ ଯୁବକ ସରକାରଙ୍କ ଗ୍ରାମୀଣ ସ୍ୱଚ୍ଛ ଭାରତ ମିଶନ ବାବଦକୁ ଖବର ପାଇ ଗାଁରେ ପାଇଖାନା ତିଆରି ପାଇଁ ଆବେଦନ କରିଥିଲେ । ସରକାରୀ ମଂଜୁରୀ ପାଇବା ପରେ ଦିନ ମଜୁରିଆ ଲୋକେ ପ୍ରଥମେ ମାଗିଜାଚି ଘରେ ଘରେ ପାଇଖାନା ତିଆରି କଲେ । ଆଶା ଥିଲା ପାଇଖାନା ପରିଦର୍ଶନ ପରେ ସଙ୍ଗେସଙ୍ଗେ ସରକାରୀ ଅନୁଦାନ କରାଇ ଦେବେ ସରକାରୀ ବାବୁ । ହେଲେ ଆଜିକୁ ପାଇଖାନା ତିଆରିର ୬ ମାସ ବିତିଛି ହେଲେ ଲୋକେ ପାଇଖାନା ବିଲ ପାଇପାରି ନାହାନ୍ତି । ନିରିହ ଲୋକେ ପରିଦର୍ଶନରେ ଆସିଥିବା ସରକାରୀ ବାବୁଙ୍କୁ ୫ଶହ ଟଙ୍କା ହାତଗୁଞ୍ଜା ମଧ୍ୟ ଦେଇଥିବା ଅଭିଯୋଗ କରିଛନ୍ତି । ଏବେ ବିଲ ପାଇଁ ବାରମ୍ବାର ବ୍ଲକ ଏବଂ ଆରଡବ୍ଲୁଏସଏସ କାର୍ଯ୍ୟାଳୟକୁ ଦୌଡ଼ିଦୌଡ଼ି ନୟାନ୍ତ ହେଉଛନ୍ତି ।

ପରିବାର ଲୋକଙ୍କ ଇଜତ ରକ୍ଷା ପାଇଁ ଉପାନ୍ତ ଅଂଚଳର ଲୋକେ ସଚେତନ ହୋଇ ପାଇଖାନା ତିଆରି କରିଛନ୍ତି । ହେଲେ ଏବେ ବିଲ ପାଇଁ ହରଡ଼ଘଣାରେ ପଡିଥିବା ଘଟଣା ଜାଣିବା ପରେ ଗାଁର ଅନ୍ୟ ଲୋକମାନେ ପାଇଖାନା ତିଆରି କରିବା ପାଇଁ ଆଗ୍ରହ ପ୍ରକାଶ କରୁ ନାହାନ୍ତି । ପାଇଖାନା ତିଆରି ନାଁରେ ସରକାର କେବଳ ସରକାରୀ ଅଧିକାରୀଙ୍କୁ ମାଲେମାଲ କରାଉଥିବା ବେଳେ ଗରିବ ହିତାଧିକାରୀ ଶୋଷଣର ଶିକାର ହେଉଥିବା ଅଭିଯୋଗ ହେଉଛି । ଲେଙ୍ଗରପାଜୁ ଗାଁରେ ପାଇଖାନା ତିଆରି ଟଙ୍କା ଅଧିକାରୀମାନେ ଖାଇଦେଇଥିବା ଅଭିଯୋଗ ହେବା ପରେ ପଡ଼ୋଶୀ ଗାଁ ସୁଲୁଗାଁ, ସବେଶୀ, କୁଚୁଡ଼ା ଆଦି ଗାଁରେ ପାଇଖାନାକୁ ନାଁ କରୁଛନ୍ତି । ସେପଟେ ହିତାଧିକାରୀ ଟଙ୍କା ନ ପାଇବା ଘଟଣାକୁ ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀ ଘଟଣାର ସତ୍ୟାସତ୍ୟ ଜାଣିବା ପାଇଁ ଅନୁସନ୍ଧାନ କରାଯାଇ ତୁରନ୍ତ ପଦକ୍ଷେପ ଗ୍ରହଣ କରାଯିବ ବୋଲି ପ୍ରକାଶ କରିଛନ୍ତି ।

ପ୍ରତ୍ୟେକଙ୍କ ଘରେ ପାଇଖାନା, ବାହ୍ୟ ମଳମୁକ୍ତ ହେବ ଗାଁ ଏବଂ ସ୍ୱଚ୍ଛ ହେବ ଭାରତ । ଏହି ଉଦ୍ଦେଶ୍ୟ ନେଇ କେନ୍ଦ୍ର ସରକାର ସ୍ୱଚ୍ଛ ଭାରତ ମିଶନ ଜରିଆରେ ହିତାଧିକାରୀ ଚୟନ କରି ପାଇଖାନା ତିଆରି ପାଇଁ ସହାୟତା ରାଶି ପ୍ରଦାନ କରୁଛନ୍ତି । ହେଲେ ଲେଙ୍ଗରପାଜୁ ଗାଁରେ ପାଇଖାନା ବିଲକୁ ନେଇ ଉଠିଥିବା ସନ୍ଦେହ ଯୋଗୁଁ ସରକାରୀ ବ୍ୟବସ୍ଥା ଉପରୁ ଲୋକଙ୍କ ବିଶ୍ୱାସ ତୁଟିବାରେ ଲାଗିଛି ।