ଅର୍ଗସ ବ୍ୟୁରୋ : ମା ଗୋଜବାୟାଣୀଙ୍କ ପୀଠରେ ଜମୁଛି ଶ୍ରଦ୍ଧାଳୁଙ୍କ ଭିଡ଼ । ନୂଆ ବର୍ଷ ପୂର୍ବରୁ ମା’ ଙ୍କ ପୀଠରେ ଜମୁଛି ଭୋଜି ଭାତର ଆସର । ଆମେ କହୁଛୁ କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ବ୍ଲକର ପ୍ରସିଦ୍ଧ ବାଘଡିଆ ମା ଗୋଜବାୟାଣୀଙ୍କ ପୀଠର ମହାତ୍ମ କଥା । ଏହି ପବିତ୍ର ପୀଠରେ ଡିସେମ୍ବର ମାସର ଆରମ୍ବରୁ ରାଜ୍ୟର କୋଣ ଅନୁକୋଣରୁ ଶ୍ରଦ୍ଧାଳୁ ମାନଙ୍କର ଭିଡ଼ ପରିଲକ୍ଷିତ ହେଉଛି । ନିଜ ନିଜ ପରିବାର ବନ୍ଧୁବର୍ଗଙ୍କ ସହ ମା ବ୍ୟାୟାଣୀ ଙ୍କ ପୀଠରେ ମାଙ୍କୁ ଦର୍ଶନ କରିବା ସହ ଆମିଷ ଭୋଗ କରି ଭୋଜିରେ ମସଗୁଲ ହେଉଛନ୍ତି । ଏହି ଶକ୍ତି ପୀଠରେ ମାନସିକ କରୁଥିବା ଭକ୍ତ ମାନେ ମାନସିକ ପୂରଣ ହେଲେ ଘୋଡା ଦାନ କରିଥାନ୍ତି । ବେଶେଷ କରି ବିଭିନ୍ନ ସଂଗଠନର ମିଟିଙ୍ଗ ସମେତ ପିକନିକ ପାର୍ଟିର ଆସର କରି ବେଶ ଖୁସି ଥିବା କୁହନ୍ତି ଶ୍ରଦ୍ଧାଳୁ ।
କେନ୍ଦ୍ରାପଡ଼ା ଜିଲ୍ଲା ସମେତ ଜଗତସିଂହପୁର ଯାଜପୁର ଭଦ୍ରକ ବାଲେଶ୍ୱର କଟକ ଭୁବନେଶ୍ୱର ଆଦି ସ୍ଥାନରୁ ପ୍ରତିଦିନ ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ ମାନେ ପିକନିକ ପାଇଁ ଆସୁଥିବା ବେଳେ ଗୋଜବାୟାଣୀଙ୍କ ପୀଠର କାର୍ଯ୍ୟକର୍ତ୍ତା ମାନେ ସମ୍ପୂର୍ଣ ସହଯୋଗ କରୁଥିବା ଦେଖାଦେଇଛି । ପୀଠ ନିକଟରେ ଥିବା ଗୋବରୀ ନଦୀ କୂଳରେ ଶ୍ରଦ୍ଧାଳୁ ମାନେ ନିଜ ପରିବାରଙ୍କ ସହ ଭୋଜି କରି ପରିବାର ଙ୍କ ସହ ଭୋଜନ କରିବାର ଚିତ୍ର ବେଶ ମନ ମହୁଛି ।
