ଅର୍ଗସ ବ୍ୟୁରୋ: ମହାନଦୀ ଟ୍ରିବୁନାଲର ଅବଧି ୨ ବର୍ଷ ବୃଦ୍ଧି କରିଲେ କେନ୍ଦ୍ର ସରକାର। ଓଡିଶା ଛତିଶଗଡ଼ ମଧ୍ୟରେ ଲାଗି ରହିଥିବା ଜଳ ବିବାଦର ସମାଧାନ ପାଇଁ ୨୦୧୮ ମାର୍ଚ୍ଚ ୧୨ ତାରିଖରେ ଟ୍ରିବୁନାଲ ର ହୋଇଥିଲା ଗଠନ। ଆଜି କେନ୍ଦ୍ର ଜଳ ସଂପଦ ନଦୀ ବିକାଶ ଏବଂ ଗଙ୍ଗା ସଂରକ୍ଷଣ ମନ୍ତ୍ରାଳୟ ପକ୍ଷରୁ ଅବଧି ବୃଦ୍ଧି ନେଇ ବିଜ୍ଞପ୍ତି ଜାରି କରାଯାଇଛି। ନିକଟରେ ଟ୍ରିବୁନାଲ ମୂଳ ମାମଲାର ଶୁଣାଣି ପାଇଁ ପ୍ରସଙ୍ଗ ଧାର୍ୟ୍ୟ କରିଛନ୍ତି ହେଲେ ଶୁଣାଣି ହୋଇନାହିଁ। ଜୁନ ୨୬ରେ ଟ୍ରିବୁନାଲରେ ଆଗାମୀ ଶୁଣାଣି ରହିଛି।
ଅନ୍ତଃରାଜ୍ୟ ନଦୀ ଜଳ ବିବାଦ ଆଇନ ୧୯୫୬ ଧାରା ୪ ଅନୁସାରେ ଟ୍ରିବୁନାଲ ର ଗଠନ ହୋଇଥିଲା। ଟ୍ରିବୁନାଲ ନିଜର ୩ ବର୍ଷର କାର୍ୟ୍ୟକାଳ ଶେଷ ହୋଇଛି। ୨୦୨୧ମାର୍ଚ୍ଚ ୧୧ ସୁଦ୍ଧା ଟ୍ରିବୁନାଲ ଏହାର ରିପୋର୍ଟ ଦାଖଲ କରିବାର ଥିଲା । କିନ୍ତୁ କେତେକ କାରଣ ପାଇଁ ବର୍ତ୍ତମାନ ସୁଦ୍ଧା ଟ୍ରିବୁନାଲ ରିପୋର୍ଟ ଦାଖଲ କରି ନାହାନ୍ତି।
