ମାହାଙ୍ଗା ଡବଲ ମର୍ଡର ଘଟଣାରେ ପ୍ରତାପ ଜେନାଙ୍କ ନାଁରେ ଏଫଆଇଆର ହୋଇଛି। ଆଉ ଦଫା 302 ଭଳି ସଙ୍ଗୀନ ଦଫା ବି ଲାଗିଛି । ଖାଲି ସେତିକି ନୁହେଁ ଡବଲ ମର୍ଡର ଘଟଣାର ଅନ୍ୟତମ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳଙ୍କ ସନ୍ଦେହଜନକ ମୃତ୍ୟୁ ଘଟଣାରେ ମଧ୍ୟ ମାହାଙ୍ଗା ବିଧାୟକ ତଥା ମନ୍ତ୍ରୀ ପ୍ରତାପ ଜେନା ସନ୍ଦେହ ଘେରରେ ଅଛନ୍ତି। କାରଣ ପରିବାରର ମାଲିକାନାରେ ଥିବା ଷ୍ଟକୟାର୍ଡ ନିକଟରୁ ଅତି ସନ୍ଦେହଜନକ ଅବସ୍ଥାରେ ପ୍ରଫୁଲ୍ଲଙ୍କ ମୃତଦେହ ମିଳିଥିଲା। ମୃତ୍ୟୁ ପୂର୍ବରୁ ପ୍ରଫୁଲ୍ଲ ବି କୁଳମଣି ବରାଳଙ୍କ ପୁଅଙ୍କୁ ଫୋନ୍ କରି କହିଥିଲା ମନ୍ତ୍ରୀ ପ୍ରତାପ ଜେନା ମୋତେ ଫସାଇ ଦେଲା । ମାହାଙ୍ଗା ଡବଲ ମର୍ଡର ଘଟଣାରେ କାହିଁକି ମନ୍ତ୍ରୀ ପ୍ରତାପ ଜେନା ତଦନ୍ତ ପରିସରକୁ ଆସୁନାହାନ୍ତି ତାର ପ୍ରତିବାଦରେ ବିଜେପି ବିଧାନସଭା ଘେରାଉ କରିବ । ଆଉ ଏ ପ୍ରଶ୍ନ ପଚାରିଲେ ମନ୍ତ୍ରୀ ପ୍ରତାପ ଜେନା ରାଗି ଯାଉଛନ୍ତି । ଇଏ ପ୍ରଥମ ଘଟଣା ନୁହେଁ ପୂର୍ବରୁ ବି କିଛି ନ କହି ଧମକାଇ ମୁହଁ ବୁଲାଇ ପ୍ରତାପ ପଳାଇଛନ୍ତି।
ତେବେ ଏଠି ପ୍ରଶ୍ନ ଉଠୁଛି କାହିଁକି ଏମିତି ହେଉଛନ୍ତି ପ୍ରତାପ ଜେନା ? କାହିଁକି ଅର୍ଗସ୍ ପ୍ରଶ୍ନରେ ମନ୍ତ୍ରୀଙ୍କର ଏତେ ରାଗ? ନିଜର ଖାସ ଅନୁଗତ ପ୍ରଫୁଲ ବିଶ୍ୱାଳଙ୍କ ମୃତ୍ୟ ପରେ ବି ମୁହଁ ଖୋଲୁନାହାନ୍ତି କାହିଁକି ?
