ବେଗୁନିଆ: ଶଳାର ବିବାହ ଭୋଜିକୁ ଆସି ପାଣିରେ ବୁଡି ଭିଣୋଇ ନିଖୋଜ ଏପରି ଏକ ଅଭାବନୀୟ ଘଟଣା ଘଟିଛି ବୋଲଗଡ ଥାନା ହାଟବସ୍ତ ଗ୍ରାମରେ । ସୂଚନାନୁଯାୟୀ ପୁବୁସାହି ଗ୍ରାମର ବାପି ସାମନ୍ତରାୟ ହାଟବସ୍ତ ସ୍ଥିତ ନିଜ ଶଳା ଦିପୁ ଚମ୍ପତିଙ୍କ ବିବାହ ଭୋଜିକୁ ଆସିଥିଲେ । ତେବେ ଗତକାଲି ବିଳମ୍ବିତ ରାତିରେ ବାପି କିଛି ଯୁବକଙ୍କ ସହ ହାଟବସ୍ତ ଗ୍ରାମ ନିକଟରେ ଥିବା ବେଗୁନିଆ ପୋଖରୀ କୁଳରେ ପ୍ରଚୁର ମଦପାନ କରି ଅସାବଧାନତା କାରଣରୁ ପୋଖରୀ ଭିତରେ ଗଳି ପଡି ନିଖୋଜ ହୋଇଯାଇଥିଲେ ।
ଗ୍ରାମବାସୀ ବୋଲଗଡ଼ ଅଗ୍ନିଶମ ବହିନୀକୁ ରାତିରେ ଖବର ଦେବାସହ ରାତିସାରା ପୋଖରୀ ଖୋଜାଖୋଜି କରିଥିଲେ କିନ୍ତୁ ପାଇନଥିଲେ । ସେହିପରି ଆଜି ସକାଳୁ ଖୋର୍ଦ୍ଧାରୁ ଗୋଟିଏ ଓଡ୍ରାଫ ଟିମ ସହ ବୋଲଗଡ ଅଗ୍ନିଶମ ବାହିନୀ ପହଞ୍ଚି ପୋଖରୀରେ ଖୋଜା ଖୋଜି ଜାରି ରଖିଥିବା ବେଳେ କିଛି ସନ୍ଧାନ ମିଳିନଥିବା ସୂଚନା। ଏଥିସହିତ ସ୍ଥାନୀୟ ଧୀବର ପୋଖରୀରେ ଖୋଜାଖୋଜି କରୁଛନ୍ତି କିନ୍ତୁ ଏ ପର୍ଯ୍ୟନ୍ତ ନିଖୋଜ ବାପି ସାମନ୍ତରାୟ ସନ୍ଧାନ ମିଳିପାରିନାହିଁ ।
ଓଡ଼ିଶା ଖବର ଆହୁରି ପଢ଼ନ୍ତୁ ।
