Mathuranagari is bustling with activity for the world famous Archery Festival

ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ପାଇଁ ଚଳଚଞ୍ଚଳ ବରଗଡ଼ ମଥୁରାନଗରୀ

ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ପାଇଁ ଚଳଚଞ୍ଚଳ ବରଗଡ଼ ମଥୁରାନଗରୀ

by Manisha Rout

Mathuranagari is bustling with activity for the world famous Archery Festival

ଅର୍ଗସ ବ୍ୟୁରୋ : ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ପାଇଁ ଚଳଚଞ୍ଚଳ ବରଗଡ଼ ମଥୁରାନଗରୀ ଓ ଗୋପପୁର ଅମ୍ବାପାଲି। ଆରମ୍ଭ ହୋଇଯାଇଛି ଧନୁଯାତ୍ରା କମିଟି ପକ୍ଷରୁ ଜୋରସୋରରେ ପ୍ରସ୍ତୁତି। ପରମ୍ପରା ଅନୁସାରେ ଆଜି ବରଗଡ଼ କଲ୍ୟାଣ ମଣ୍ଡପଠାରେ ମୁକ୍ତାକାଶ ରଙ୍ଗମଞ୍ଚରେ ଅଭିନୟ କରିବା ପାଇଁ ଆରମ୍ଭ ହୋଇଛି ମହାରାଜା କଂସ ଓ ପାତ୍ରମନ୍ତ୍ରୀଙ୍କ ଆଖଡ଼ା। ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ ମାଁ ସରସ୍ବତୀଙ୍କ ଫଟୋଚିତ୍ରରେ ପୂଜାର୍ଚ୍ଚନା କରି ଏହି ଆଖଡ଼ା ଶାଳାକୁ କରିଛନ୍ତି ଉଦଘାଟନ। ଆସନ୍ତା ଡିସେମ୍ବର ୨୬ ତାରିଖରୁ ଜାନୁୟାରୀ ୬ ପର୍ଯ୍ୟନ୍ତ ବିଶ୍ବ ପ୍ରସିଦ୍ଧ ଧନୁଯାତ୍ରା ଅନୁଷ୍ଠିତ ହେବ। ଉଦଘାଟନୀ ଉତ୍ସବରେ ବାହାରିବ ବିଶାଳ ସାଂସ୍କୃତିକ ଶୋଭାଯାତ୍ରା। ପାରମ୍ପରୀକ ବେଶଭୂଷାରେ ସଜେଇ ହେବେ 3000 କଳାକାର। ଲୋକବାଜା, ଲୋକ ନୃତ୍ୟ ତାଳେ ତାଳେ ଝୁମିବେ ସମଗ୍ର ମଥୁରାବାସୀ। ମଥୁରାନଗରୀରେ ମହାରାଜା କଂସଙ୍କ ରାଜ ଦରବାର ଓ ଗୋପପୁରରେ ଶ୍ରୀକୃଷ୍ଣ ବାଲ୍ୟଲୀଳା ଓ ନନ୍ଦୋତ୍ସବ ପାଇଁ ଚାଲିଛି ଜୋରଦାର ପ୍ରସ୍ତୁତି। କୃଷ୍ଣ, ବଳରାମ, ରାଧା, ସୁଦାମା ଆଦି ଗୋପୀ, ଗୋପାଙ୍ଗନାଙ୍କ ପ୍ରେମରେ ବିଭୋର ହେବେ ସମଗ୍ର ଗୋପପୁରବାସୀ। ପ୍ରଚ୍ଛଦ ପଟ୍ଟରେ ରହି ଧନୁଯାତ୍ରା ମହୋତ୍ସବକୁ ସରସ, ସୁନ୍ଦର ଏବଂ ସଫଳ କରିବା ପାଇଁ ମନପ୍ରାଣ ଦେଇ ଲାଗି ପଡ଼ିଛନ୍ତି ଧନୁଯାତ୍ରା କମିଟି ଓ ଜିଲ୍ଲା ପ୍ରଶାସନ।

ଇସ୍ରୋର ମିଶନ ମଙ୍ଗଳଯାନ-୨

by Banajyotshna Ray

ISRO begins preparation for India’s 2nd mission to Mars

ଅର୍ଗସ ବ୍ୟୁରୋ: ଇସ୍ରୋର ମିଶନ ମଙ୍ଗଳଯାନ-୨ । ୯ ବର୍ଷ ପରେ ପୁଣି ଥରେ ମଙ୍ଗଳକୁ ମହାକାଶ ଯାନ ପଠାଇବାକୁ ଭାରତୀୟ ମହାକାଶ ଗବେଷଣା ସଂସ୍ଥା ପକ୍ଷରୁ ଆରମ୍ଭ ହୋଇଛି ପ୍ରସ୍ତୁତି । ମଙ୍ଗଳ ଗ୍ରହ ପୃଥିବୀର ସବୁଠୁ ନିକଟତମ ଗ୍ରହ ହୋଇଥିବା ବେଳେ ପୃଥିବୀ ସହ ଏହାର ଅନେକ ସାମଞ୍ଜସ୍ୟ ରହୁଛି । ତେଣୁ ଏହି ଲାଲ ଗ୍ରହରେ ଅଧିକ ଗବେଷଣା ପାଇଁ ପୁଣି ଥରେ ମିଶନ ପଠାଇବାକୁ ଅଣ୍ଟା ଭିଡିଛି ଇସ୍ରୋ । ମଙ୍ଗଳଯାନ-୨ରେ ରହିବ ୪ଟି ପେ ଲୋଡ୍‌ । ଏହି ମିଶନ ଜରିଆରେ ମଙ୍ଗଳ ଗ୍ରହର ଧୂଳିକଣା, ବାତାବରଣ ଓ ପରିବେଶ ସମ୍ପର୍କରେ ଅଧ୍ୟୟନ କରାଯିବ ।

ମଙ୍ଗଳରେ ମଣିଷ ବସବାସ କରିବା ସମ୍ଭବ କି ନୁହେଁ ତାହା ଉପରେ ଅଧ୍ୟୟନ କରିବ ଇସ୍ରୋ । ତେବେ ୨୦୧୪ ମସିହା ସେପ୍ଟେମ୍ବର ୨୪ ତାରିଖରେ ପ୍ରଥମ ପ୍ରୟାସରେ ମଙ୍ଗଳର କକ୍ଷ ପଥରେ ପ୍ରବେଶ କରି ଇତିହାସ ରଚିଥିଲା ଭାରତ । ଚତୁର୍ଥ ଦେଶ ଭାବେ ମଙ୍ଗଳକୁ ମିଶନ ପଠାଇବାରେ ସଫଳ ହୋଇଥିଲା ଭାରତ । ଏବେ ପୁଣିଥରେ ମଙ୍ଗଳରେ ନୂଆ ଇତିହାସ ଲେଖିବାକୁ ଯାଉଛି ଇସ୍ରୋ ।

ଅଧିକ ପଢ଼ନ୍ତୁ ଦେଶ ଖବର:

ଅଯୋଧ୍ୟାରେ ଶେଷ ପର୍ଯ୍ୟାୟରେ ପହଞ୍ଚିଛି ରାମ ମନ୍ଦିର ନିର୍ମାଣ କାର୍ଯ୍ୟ

by Banajyotshna Ray

The construction work of Ram Temple in Ayodhya has reached its final stage

ଅର୍ଗସ ବ୍ୟୁରୋ: ଅଯୋଧ୍ୟାରେ ଶେଷ ପର୍ଯ୍ୟାୟରେ ପହଞ୍ଚିଛି ରାମ ମନ୍ଦିର ନିର୍ମାଣ କାର୍ଯ୍ୟ । ପ୍ରାଣ ପ୍ରତିଷ୍ଠା ମହୋତ୍ସବ ପାଇଁ ଚଳଚଞ୍ଚଳ ଅଯୋଧ୍ୟା । ଏହାରି ମଧ୍ୟରେ ଅଯୋଧ୍ୟାରେ ରାମ ମନ୍ଦିର ପ୍ରାଙ୍ଗଣରେ ପହଞ୍ଚିଛି ରାଜସ୍ଥାନର ମାଉଣ୍ଟଆବୁ ଠାରେ ନିର୍ମିତ ହୋଇଥିବା ଶ୍ରୀ ରାମ ସ୍ତମ୍ଭ । ଏହି ରାମ ସ୍ତମ୍ଭରେ ରାମାୟଣର ବିଭିନ୍ନ ପ୍ରସଙ୍ଗକୁ ସ୍ଥାନୀୟ ଭାଷାରେ ଲିପିବଦ୍ଧ କରାଯାଇଛି ।

ଶ୍ରୀ ରାମ ଗମନ ମାର୍ଗରେ ଲାଲ ପଥରରେ ନିର୍ମିତ ଏହି ରାମ ସ୍ତମ୍ଭକୁ ପ୍ରତିଷ୍ଠା କରାଯିବ । ଅଯୋଧ୍ୟା ଠାରୁ ରମେଶ୍ବରମ୍ ପର୍ଯ୍ୟନ୍ତ ବନବାସ କାଳରେ ଶ୍ରାରୀମଙ୍କ ପାଦ ଯେଉଁଠାରେ ବି ପଡ଼ିଛି ସେଠାରେ ଶ୍ରୀ ରାମ ସ୍ତମ୍ଭ ସ୍ଥାପନ କରାଯିବ । ପ୍ରାୟ 2 ହଜାର 500 କିଲୋମିଟର ଲମ୍ବା ଜଙ୍ଗଲ ଯାତ୍ରା ମାର୍ଗରେ ଶ୍ରୀ ରାମ ସ୍ତମ୍ଭ ସ୍ଥାପନ ପାଇଁ 290 ସ୍ଥାନ ଚିହ୍ନଟ କରାଯାଇଛି ।

ଅଧିକ ପଢ଼ନ୍ତୁ ଦେଶ ଖବର:

ଆଜି ଶେଷ ହୋଇପାରେ ବିଧାନସଭା ମୌସୁମୀ ଅଧିବେଶନ

by Banajyotshna Ray

ଅର୍ଗସ ବ୍ୟୁରୋ: ଆଜି ଶେଷ ହୋଇପାରେ ବିଧାନସଭା ମୌସୁମୀ ଅଧିବେଶନ। ଆସନ୍ତାକାଲି କୌଣସି ସରକାରୀ କାର୍ଯ୍ୟ ଦିବସ ନଥିବାରୁ ଆଜି ଗୃହକାର୍ଯ୍ୟ ଶେଷ ହେବା ନେଇ ଅନୁମାନ କରାଯାଉଛି । ତେବେ ଆଜି ବି କମ୍ପିବ ବିଧାନସଭା । ଆସିବ ବ୍ୟୟ ମଞ୍ଜୁରୀ ବିଲ୍ । ଅତିରିକ୍ତ ବଜେଟ୍‌କୁ ଗୃହର ମଞ୍ଜୁରୀ ମିଳିବ। ସିଏଜି ରିପୋର୍ଟ ମଧ୍ୟ ଉପସ୍ଥାପନା ହୋଇପାରେ । ବିଜେପିର ନିଲମ୍ବିତ ଦୁଇ ବିଧାୟକଙ୍କ ଉପରୁ ନିଲମ୍ବନ ପ୍ରତ୍ୟାହାର ଦାବିରେ ବିଜେପି ଗୃହକୁ ଅଚଳ କରିପାରେ।

ଆଜି ପ୍ରଶ୍ନକାଳରେ ପଞ୍ଚାୟତ ରାଜ, ଗ୍ରାମ୍ୟ ଉନ୍ନୟନ, ଗୃହ ନିର୍ମାଣ ନଗର ଉନ୍ନୟନ, ଜଙ୍ଗଲ ପରିବେଶ, ଦକ୍ଷତା ବିକାଶ ଓ ବୈଷୟିକ ଶିକ୍ଷା, ସୂଚନା ଓ ଲୋକସମ୍ପର୍କ ବିଭାଗ ରହିଛି। ବିଧାନସଭା କାର୍ଯ୍ୟସୂଚୀ ଅନୁସାରେ ୪ତାରିଖରେ ଶେଷ ହେବାକୁ ଥିବା ବେଳେ କୌଣସି ସରକାରୀ କାର୍ଯ୍ୟ ଦିବସ ନଥିବାରୁ ଆଜି ଶେଷ ହେବା ନେଇ ଅନୁମାନ କରାଯାଉଛି ।

ଅଧିକ ପଢ଼ନ୍ତୁ ଓଡିଶା ଖବର:

Download Argus News App

Mathuranagari is bustling with activity for the world famous Archery Festival

Download Mobile App