ଅର୍ଗସ ବ୍ୟୁରୋ: ପୁଅ ର ଚିକିତ୍ସା ପାଇଁ ଭିକ ମାଗୁଛନ୍ତି ମାଆ। ମାତ୍ର 4 ବର୍ଷ ବୟସରେ ହାଇଡ୍ରୋସ ଟ୍ୟୁମର ରେ ଆକ୍ରାନ୍ତ ହୋଇଛି ଶିଶୁ। ଏହି ଶିଶୁ ଟିର ରୋଗ ଜାଣିବା ପରେ ପରିବାର ପାଇଁ ଦୁଃଖ ଯନ୍ତ୍ରଣା ଦ୍ବିଗୁଣିତ ହୋଇଛି। ଲକ୍ଷ୍ମୀ ଦାସ, ଘର ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅଧିନସ୍ଥ ବାଲିଗାଁ ପଞ୍ଚାୟତରେ। ଘରେ ସମସ୍ତେ ଅଛନ୍ତି ହେଲେ ସମସ୍ତେ ରୋଗାଗ୍ରସ୍ତ। ପରିବାରର ମୁଖ୍ୟ ରୋଜଗାରିଆ ସ୍ବାମୀ ଲିଭର ଜନିତ ରୋଗରେ ପୀଡ଼ିତ ଥିବାବେଳେ ସ୍ତ୍ରୀ ବି ଟ୍ୟୁମରରେ ପୀଡ଼ିତ ଅଛନ୍ତି। ଆଉ ଏବେ ଛୋଟ ପୁଅର ଏଭଳି ରୋଗ ଜାଣି ଭାଙ୍ଗି ପଡ଼ିଛିନ୍ତି ସମ୍ପୂର୍ଣ ପରିବାର। ଖାଇବାକୁ ରାସନ ମିଳୁନଥିବା ବେଳେ ପୁଅର ଔଷଧ ଖର୍ଚ୍ଚ ଲାଗି ମାସକୁ 10 ହଜାର ଟଙ୍କା ଆବଶ୍ୟକ ପଡୁଛି। ଆଉ ଏବେ ଅପରେସନ ପାଇଁ ଲକ୍ଷାଧିକ ଟଙ୍କା ଆବଶ୍ୟକ ହେଉଥିବା ବେଳେ ଯଦି ଅପରେସନ ହେବାରେ ବିଳମ୍ୱ ହୁଏ ତେବେ ପୁଅକୁ ହରେଇବାକୁ ପଡିପାରେ ବୋଲି ସିଧା ସିଧା ଘରୋଇ ଡାକ୍ତର କହିଛନ୍ତି। ଆଉ ଏ ନେଇ ବିଚରା ମାଆ ପ୍ରତିଦିନ ଭିକ୍ଷା କରିବାକୁ ବାଧ୍ୟ ହେଉଛି। ପୁଅ ର ଚିକିତ୍ସା ପାଇଁ ଲକ୍ଷ୍ମୀ ଚାନ୍ଦବାଲି ବ୍ଲକର ବିଡ଼ିଓ,ତହସିଲଦାର ଅଫିସର ଙ୍କୁ ଗୁହାରୀ କରିବା ପରେ ମଧ୍ୟ କୌଣସି ସାହାଯ୍ୟ ସହାୟତା ମିଳିପାରି ନାହିଁ। ଏମିତିକି ବିଧାୟକଙ୍କ ପାଖକୁ ଯାଇ ମଧ୍ୟ ନିରାଶ ହୋଇ ଫେରିଛନ୍ତି। ଚାନ୍ଦବାଲି ବାଲିଗାଁର ଅସହାୟ ଜଗା ଦାସଙ୍କ ସ୍ତ୍ରୀ ଲକ୍ଷ୍ମୀ ଦାସ।
ଅଧିକ ପଢନ୍ତୁ: କିଡନୀ ରୋଗରେ ଆକ୍ରାନ୍ତ ୭ ବର୍ଷର ପୁଅର କେମିତି କରିବେ ଚିକିତ୍ସା
ଭଦ୍ରକ ଜିଲ୍ଲାପାଳଙ୍କୁ ଦେଖା କରି ସାହାଯ୍ୟ ପାଇଁ ଧାଇଁ ଆସିଥିଲେ. ଆଉ ନିଜ କୋହ ଭରା କଣ୍ଠରେ କାନ୍ଦି କାନ୍ଦି ନିଜର ଦୁଃଖ ଜଣାଇଥିଲେ। ଆଉ ଏ ସମସ୍ତ ତଥ୍ୟ ଜାଣିବା ପରେ ଭଦ୍ରକ ଜିଲ୍ଲାର ଅତିରିକ୍ତ ଜିଲ୍ଲାପାଳ ଶାନ୍ତନୁ ମହାନ୍ତି ହୃଦୟଙ୍ଗମ କରି ତୁରନ୍ତ ରେଡକ୍ରସ ପାଣ୍ଠିରୁ 5 ହଜାର ଟଙ୍କା ଦେଇଥିଲେ। ସଙ୍ଗେ ସଙ୍ଗେ ଚିକିତ୍ସା ଓ ରାସନ କାର୍ଡ କରେଇବା ପାଇଁ ପ୍ରତିଶ୍ରୁତି ଦେଇଛନ୍ତି। ଯାହା ଏବେ ଚର୍ଚ୍ଚାର ବିଷୟ ପାଲଟିଛି।
ଓଡିଶା ନ୍ୟୁଜ ଆହୁରି ପଢନ୍ତୁ
କନ୍ଦୁଝର: ଯାତ୍ରା ଦେଖି ଯାଇଥିବାବେଳେ ଘରୁ ଚୋରି। ଆନନ୍ଦପୁର ଥାନା ଚମର୍ଦା ଗାଁର ରମେଶ ଚନ୍ଦ୍ର ସାହୁଙ୍କ ପରିବାର ଗାଁ ରେ ଚାଲିଥିବା ଯାତ୍ରା ଦେଖିବାକୁ ଯାଇଥିବା ସମୟରେ ତାଙ୍କ ଘରୁ ନଗଦ ଟଙ୍କା ସହିତ ସୁନା ଓ ରୁପା ଅଳଙ୍କାର ଚୋରି ହୋଇଥିବା ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ ରମେଶ ପଦ୍ମପୁର ଗାଁରେ ଏକ ଅଳଙ୍କାର ଦୋକାନ କରି ଜୀବନ ଜୀବିକା ଚଳାଇଥାନ୍ତି। ତେବେ ଗତକାଲି ରାତିରେ ଚୋର ମାନେ ତାଙ୍କ ଘରୁ ୯ହଜାର ଟଙ୍କା ସମେତ ୮୦ ଗ୍ରାମ ରୁପା ଓ ୧୦ ଗ୍ରାମ ର ସୁନା ଗହଣା ଚୋରି ହୋଇଯାଇଛି। ଯାତ୍ରା ଅଧାରୁ ରମେଶ ଙ୍କ ବାପା ଘରକୁ ଆସିବାରୁ ଘର ର ଚାବି ଭଙ୍ଗା ହୋଇ ଚୋରି ହୋଇଯାଇଥିବା ଦେଖିବାକୁ ପାଇଥିଲେ। ଘଟଣା ର ଲିଖିତ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ହଷ୍ଟେଲରେ ଖାଇବାକୁ ମିଳୁନି, ଅସଭ୍ୟ ଭାଷାରେ ଗାଳିଗୁଲଜ କରୁଛନ୍ତି । ଏମିତି ଅଭିଯୋଗ କରି ଜଣାଇବାକୁ 15 କିମି ଚାଲି ଚାଲି ଜିଲ୍ଲାପାଳଙ୍କ ଅଫିସ୍ ଗଲେ ୧୪ ଛାତ୍ରଛାତ୍ରୀ । ରାୟଗଡା ଜିଲ୍ଲା ବଡରାଇସିଙ୍ଗ ଅଞ୍ଚଳରୁ ଆସିଛି ଏଭଳି ଅଭାବନୀୟ ଚିତ୍ର ।
ବଡ଼ରାଇସିଙ୍ଗ ଆଶ୍ରମ ସ୍କୁଲ ଆବାସିକ ବିଦ୍ୟାଳୟର 14 ଜଣ ପିଲା ଚାଲି ଚାଲି ଯାଉଥିବାର ଦେଖାଯାଇଥିଲା । ସ୍କୁଲର ପ୍ରଧାନ ଶିକ୍ଷକ ଦୀର୍ଘ ଦିନ ହେବ ହଷ୍ଟେଲରେ ରହୁଥିବା ପିଲାମାନଙ୍କୁ ଖାଇବା ପିଇବାରେ ଅବହେଳା କରୁଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ । ଯାହାର ପ୍ରତିବାଦରେ ଆଜି ରାତି 4ଟାରୁ ଦୀର୍ଘ 15 କିମି ଚାଲି ଚାଲି ଜିଲ୍ଲାପାଳଙ୍କ ଅଫିସରେ ଅଭିଯୋଗ ଦେବା ନିମନ୍ତେ ଆସିଛନ୍ତି ପିଲା। ତେବେ ଆଶ୍ଚର୍ଯ୍ୟକର କଥା ହେଉଛି ରାତି ତମାମ ଛାତ୍ରମାନେ ହଷ୍ଟେଲ ଛାଡ଼ି ରାସ୍ତାରେ ଯାଇଥିଲେ। ବାଘ ଭୟ ଭିତରେ ରାତି ତମାମ ଜଙ୍ଗଲରେ ଚାଲିଥିଲେ ୧୪ଜଣ ଛାତ୍ର। ହଷ୍ଟେଲ ଛାଡ଼ି ୨୫ କିଲୋମିଟର ଦୂର ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଲେ ଛାତ୍ରମାନେ।
ଉକ୍ତ ହଷ୍ଟେଲରେ 100 ଜଣ ବାଳକ ଏବଂ 140 ବାଳିକା ହଷ୍ଟେଲରେ ରହି ପାଠ ପଢ଼ୁଥିବା ନେଇ କହିଛନ୍ତି ହଷ୍ଟେଲ ଛାତ୍ରଛାତ୍ରୀ । ସମସ୍ତ ଛାତ୍ରଛାତୀ ଅନୁସୂଚିତ ଜାତି ଓ ଜନଜାତି ବର୍ଗର ଅଟନ୍ତି। ପ୍ରଥମରୁ ଅଷ୍ଟମ ଶ୍ରେଣୀ ଛାତ୍ରଛାତ୍ରୀ ସେଠାରେ ରହୁଛନ୍ତି। ସେମାନଙ୍କ ଉପରେ ନିର୍ଯାତନା ଅସହ୍ୟ ହେବାରୁ ହଷ୍ଟେଲ ଛାଡ଼ି ଜିଲ୍ଲାପାଳଙ୍କୁ ଜଣାଇବା ପାଇଁ ଆସିଥିବା କହିଛନ୍ତି। ଜିଲ୍ଲାପାଳ ଆସିବା ପରେ ଆମେ ଆମ କଥା ଜଣାଇବୁ ବୋଲି ପ୍ରକାଶ କରିଛନ୍ତି।
ଅଧିକ ପଢ଼ନ୍ତୁ ଓଡ଼ିଶା ଖବର
