ଡ୍ରାଇଭରକୁ ଗଳାକାଟି ହତ୍ୟା, ପୋଲିସର ତଦନ୍ତ ଜାରି

ଡ୍ରାଇଭରକୁ ଗଳାକାଟି ହତ୍ୟା, ପୋଲିସର ତଦନ୍ତ ଜାରି

by Banajyotshna Ray

ରାୟଗଡ଼ା: ଡ୍ରାଇଭରକୁ ଗଳାକାଟି ହତ୍ୟା କରାଯାଇଥିବା ଜଣାପଡ଼ିଛି । ଏଭଳି ଘଟଣା ଦେଖିବାକୁ ମିଳିଛି ରାୟଗଡ ଜିଲ୍ଲା ଟିକିରିଥାନା ନଟରାଜ ପେଟ୍ରୋଲ ପମ୍ପ ସମ୍ମୁଖରେ । ସୂଚନା ଅନୁଯାୟୀ, ମଙ୍ଗଳବାର ମଧ୍ୟାହ୍ନରେ ଏକ ଟ୍ରକ ନଂ OR 07 W 0955 ରାଉରକେଲା ଠାରୁ ଟିକିରି ସ୍ଥିତ ଉତ୍କଳ ଆଲୁମିନା କମ୍ପାନୀକୁ ଲୁହା ବୋଝେଇ ନେଇ ଆସୁଥିଲା । ଟିକିରି ପହଂଚିବା ପରେ ନଟରାଜ ପେଟ୍ରୋଲ ପମ୍ପ ସମ୍ମୁଖରେ ଅଟକି ରହିଥିଲା। ତେବେ ଗତକାଲି ମଧ୍ୟାହ୍ନ ପର୍ଯ୍ୟନ୍ତ ଦୀର୍ଘ ସମୟ ଗାଡିଟି ଅଟକି ରହିଥିବାରୁ ସ୍ଥାନୀୟ ଲୋକେ ଯାଇ ଡୋର ବାଡେଇଥିଲେ ।

ଉତର ନ ମିଳିବାରୁ ଉପରକୁ ଉଠି ଦେଖିବା ବେଳେ ଡ୍ରାଇଭରର ରକ୍ତ ଜୁଡୁବୁଡୁ ଶବ ଦେଖିବାକୁ ପାଇଥିଲେ। ଏନେଇ ପୋଲିସକୁ ଖବର ଦେବାପରେ ଘଟଣା ସ୍ଥଳରେ ପୋଲିସ, ସାଇଣ୍ଟିଫିକ ଟିମ, ଡଗ୍‌ ସ୍କ୍ୱାଡ ପହଂଚି ତଦନ୍ତ ଆରମ୍ଭ କରିଛନ୍ତି । ପ୍ରାଥମିକ ତଦନ୍ତରୁ ଡ୍ରାଇଭର ଜଣକ ଆସ୍କାର ସୁରେନ୍ଦ୍ରନାଥ ପାତ୍ର ବୋଲି ଜଣାପଡିଥିବା ବେଳେ ବ୍ୟବହୃତ ଛୁରୀ ଜବତ ହୋଇଛି ।

ଏନେଇ ଡ୍ରାଇଭରଙ୍କ ପରିବାରକୁ ଖବର ଦିଆଯାଇଛି । ତେବେ ଟ୍ରକର ହେଲ୍ପର ଫେରାର ହୋଇଥିବାରୁ ହେଲ୍ପରକୁ ଧରିବାକୁ ପୋଲିସ ଉଦ୍ୟମ ଜାରି ରହିଥିବାବେଳେ ବିଳମ୍ବିତ ରାତିରେ ହେଲ୍ପର ଆତ୍ମ ସମର୍ପଣ କରିଥିବା ଜଣାପଡ଼ିଛି ।ଅନ୍ୟପଟେ ପରିବାର ବର୍ଗ ପହଂଚି ଶବକୁ ଚିହ୍ନଟ କରିବାପରେ ଶବ ବ୍ୟବଛେଦ କରି ପରିବାରକୁ ହସ୍ତାନ୍ତର କରାଯିବା ନେଇ ସୂଚନା ଦେଇଛନ୍ତି ଟିକିଟି ଥାନା ଅଧିକାରୀ ସୁଜ୍ଞାନୀ ସାହୁ ।

୪୮ଘଣ୍ଟାରେ ଏକ ଲଘୁଚାପ ସମ୍ଭାବନା

by Manini Pattanayak

Low pressure is likely in October. A cyclonic storm is likely to form in the North Andaman Sea and adjacent areas by September 29.

ଭୁବନେଶ୍ୱର: ଅକ୍ଟୋବର ପହିଲାରେ ଲଘୁଚାପ ସମ୍ଭାବନା । ସେପ୍ଟେମ୍ବର ୨୯ ତାରିଖ ବେଳକୁ ଉତ୍ତର ଆଣ୍ଡାମାନସାଗର ଏବଂ ପାର୍ଶ୍ଵବର୍ତ୍ତୀ ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ଏହି ଘୂର୍ଣ୍ଣିବଳୟ ପ୍ରଭାବରେ ପରବର୍ତ୍ତୀ ୪୮ଘଣ୍ଟାରେ ଉତ୍ତର ଆଣ୍ଡାମାନ ସାଗର ପାର୍ଶ୍ଵବର୍ତ୍ତୀ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ ସମ୍ଭାବନା ରହିଛି।

ଏହି ଲଘୁଚାପ କ୍ଷେତ୍ର ଆହୁରି ଘନୀଭୂତ ହେବାର ସମ୍ଭାବନା ରହିଛି । ଏହାର ପ୍ରଭାବରେ ରାଜ୍ୟରେ ପ୍ରବଳ ବର୍ଷା ହେବ। ଏନେଇ ପାଣିପାଗ କେନ୍ଦ୍ର ପକ୍ଷରୁ ସୂଚନା ମିଳିଛି। ସେହିପରି ବିଗତ 24 ଘଣ୍ଟାରେ ଉତ୍ତର ଓଡ଼ିଶାରେ ହାଲୁକାରୁ ମଧ୍ୟମ ଧରଣର ବର୍ଷା ରେକର୍ଡ କରାଯାଇଥିବା ବେଳେ ଦକ୍ଷିଣ ଓଡ଼ିଶାର କିଛି କିଛି ସ୍ଥାନରେ ମାଧ୍ୟମ ଧରଣର ବର୍ଷା ରେକର୍ଡ କରାଯାଇଛି l ସର୍ବାଧିକ ବର୍ଷା ମୟୂରଭଞ୍ଜ ଜିଲ୍ଳାର କପ୍ତିପଦାଠାରେ ରେକର୍ଡ କରାଯାଇଛି l

ଅଧିକ ପଢନ୍ତୁ ଓଡ଼ିଶା ଖବର

ଭାରତ ହାତୀ ହେଲେ କାନାଡା ପିମ୍ପୁଡି: ମାଇକେଲ୍‌ ରୁବିନ୍

by Banajyotshna Ray

Former US official compares Canada with ‘ant’ and India with ‘elephant’

ଅର୍ଗସ ବ୍ୟୁରୋ: ଭାରତ ଆଗରେ କାନାଡା ପିମ୍ପୁଡି ପରି। ଭାରତ ହାତୀ ହେଲେ କାନାଡା ପିମ୍ପୁଡି ବୋଲି କହିଲେ ଆମେରିକା ପ୍ରତିରକ୍ଷା ବିଭାଗ ପେଣ୍ଟାଗନର ପୂର୍ବତନ ଅଧିକାରୀ ମାଇକେଲ୍‌ ରୁବିନ୍। ଭାରତ ଉପରେ କାନାଡାର ଅଭିଯୋଗ ଉପରେ ପ୍ରତିକ୍ରିୟା ବ୍ୟକ୍ତ କରି ରୁବିନ୍‌ କହିଛନ୍ତି, ସତ କହିବାକୁ ଗଲେ ଏଥିରେ ଭାରତ ଅପେକ୍ଷା କାନାଡା ପ୍ରତି ଅଧିକ ବିପଦ ରହିଛି। ଯଦି କାନାଡା ଯୁଦ୍ଧ କରିବାକୁ ବାହାରେ, ଏ କ୍ଷେତ୍ରରେ ହାତୀ ସହିତ ପିମ୍ପୁଡ଼ି ଯୁଦ୍ଧ ଘୋଷଣା କରିବା ପରି କଥା ହେବ। ଏହାର କାରଣ ହେଲା ଭାରତ ହେଉଛି ବିଶ୍ବର ବୃହତ୍ତମ ଗଣତନ୍ତ୍ର।

ବିଶେଷକରି, ଭାରତ ମହାସାଗର ବେସିନ୍‌ ଓ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଚୀନ୍‌ର ପ୍ରାଧାନ୍ୟ ଓ ଅନ୍ୟାନ୍ୟ ସମସ୍ୟା ଦୃଷ୍ଟିରୁ ଦେଖିଲେ, ଭାରତର ରଣନୀତି କାନାଡାଠାରୁ ଢେର୍‌ ଉନ୍ନତ ବୋଲି କହିଛନ୍ତି ପେଣ୍ଟାଗନର ପୂର୍ବତନ ଅଧୀକାରୀ। ଏହା ସହିତ ଆମେରିକା , କାନାଡା ଏବଂ ଭାରତ ମଧଯରେ ନିଶ୍ଚିତ ଭାବରେ ଭାରତ କୁ ସମର୍ଥନ କରିବା ଠିକ୍ ହେବ ବୋଲି ମଧଯ ସେ କହିଛନ୍ତି।

ଅଧିକ ପଢ଼ନ୍ତୁ ଦେଶ ଖବର:

ଏବେ ସମୟ ଆସିଲା ମୌସୁମୀକୁ ବିଦାୟ ଦେବା ପାଇଁ

by Manini Pattanayak

By September 25, the weather is likely to be favorable for the return of Southwest Monsoon from West Rajasthan region.

ଭୁବନେଶ୍ୱର: ଫେରିଯିବ ମୌସୁମୀ । ଏବେ ସମୟ ଆସିଲା ମୌସୁମୀକୁ ବିଦାୟ ଦେବା ପାଇଁ। ୨୫ ସେପ୍ଟେମ୍ବର ବେଳକୁ ପଶ୍ଚିମ ରାଜସ୍ଥାନ ଅଞ୍ଚଳରୁ ଦକ୍ଷିଣ-ପଶ୍ଚିମ ମୌସୁମୀ ବାୟୁ ପ୍ରତ୍ୟାବର୍ତନ ପାଇଁ ପାଗ ଅନୁକୂଳ ହେବାର ସମ୍ଭାବନା ରହିଛି। ଭିଜାଇ ବୁଡାଇ ଏବେ ଘର ମୁହାଁ ହେବ ମୌସୁମୀ। ଧରାପୃଷ୍ଠକୁ ଭିଜେଇଥିଲା ଆଉ ସିଜୁଥିବା ମଣିଷ ଏବଂ ପ୍ରକୃତିକୁ କରାଇଥିଲା ଶାନ୍ତ। ତାର ଆଗମନରେ ପୁଲକିତି ହୋଇଥିଲା ଧରିତ୍ରୀ। ଶସ୍ୟସ୍ୟାମଳା ହୋଇଉଠିଥିଲା ବିଲବାଡି। ସୁଖି ଝଡୁଥିବା ବୁକ୍ଷରେ ଜୀବନ ଭରିଥିଲା ମୌସୁମୀ। ସୂର୍ଯ୍ୟଙ୍କର ପ୍ରଖର ଉତାପରେ କଲବଲ ହେଉଥିବା ମଣିଷଙ୍କୁ କରିଥିଲା ଆଶ୍ୱସ୍ତ। ହସିଥିଲା ଧରଣୀ ଆଉ ନାଚି ଉଠିଥିଲେ ଜୀବଜନ୍ତୁ। ଯେତେବେଳେ ପ୍ରଚଣ୍ଡ ଗ୍ରୀଷ୍ମରେ ହାହାକାର ପଡିଥିଲା ସେତିକିବେଳେ ଭିଜାଇଥିଲା ମୌସୁମୀ। କିନ୍ତୁ ଜୁନ ଆଉ ଜୁଲାଇଲେ ଏମିତି ଭିଜାଇଲା ଚାରିଆଡେ ଭରିଗଲା ପାଣି। କେଉଁଠି ଘର ଭାଷିଲା ତ ଆଉ କେଉଁଠି ଗାଡି ବୁଡିଲା। ବନ୍ୟାରେ ଅନେକ ଅଞ୍ଚଳ ବାହ୍ୟଜଗତରୁ ବିଚ୍ଛିନ୍ନ ହେଲା। ଘରେ ପାଣି ପସିଲା । ଧନ ଜୀବନ ହାନି ଘଟିଲା। ମୌସୁମୀ ଜନିତ ବର୍ଷାରେ ସାଖା ନଦୀମାନଙ୍କରେ ବନ୍ୟା ଆସି ଚାଷୀର ଫସଲ ନଷ୍ଟ ମଧ୍ୟ ହେଲା।

ସେଇଥିପାଇଁ ତ କୁହନ୍ତି ଜଳ ବିହୁନେ ସୃଷ୍ଟି ନାଶ ଜଳ ବହୁଳେ ସୃଷ୍ଟି ନାଶ। ଯେତେବେଳେ ନୂଆଁ କରି ଆସେ ମୌସୁମୀ ସମସ୍ତଙ୍କ ମନରେ ଖୁସି ଭରିଦେଇଥାଏ। ପ୍ରଥମ ବର୍ଷାରେ ଭିଜିବାକୁ ଅନେକ ପସନ୍ଦ କରିଥାନ୍ତି। କିନ୍ତୁ ଯେତେବେଳେ ଅଧିକ ଦିନ ରହିଯାଏ ଆଉ ଚାରିଆଡେ ପାଣି ହିଁ ପାଣି କରିଦିଏ ସେତେବେଳେ ବିରକ୍ତି ଭାବ ମଧ୍ୟ ଆସିଯାଇଥାଏ । କେହି କେହି କହିଦେଇଥାନ୍ତି, ବର୍ଷା ଦିନ କେବେ ଯିବ। କେବେ ଫେରିବଯିବ ଏ ମୌସୁମି। ଚଷା ଭାଇ ମଧ୍ୟ ତାର ଚାଷ କାମ ପାଇଁ ମୌସୁମୀ କୁ ଅନାଇ ରହିଥାଏ। ଯେତେବେ ମୌସୁମି ଆସେ ଚଷା ଭାଇ କୃଷି କାର୍ଯ୍ୟ ଆରମ୍ଭ କରେ । ଧାନରୁ ଆରମ୍ଭ କରି ପନିପରିବା ପାଇଁ ଉପଯୁକ୍ତ ବର୍ଷା ପାଣି ପାଇଥାଏ। କିନ୍ତୁ ଯେତେବେଳେ ଏହି ଲର୍ଷାରେ ପରିଣତ ହୁଏ ବିଲ ବାଡିରେ ପାଣି ଜମିକି ରହେ ଏବଂ ବନ୍ୟା ପାଣି ଫସଲ ନଷ୍ଟ କରେ ସେତେବେଳେ ଚଷା ଭାଇ ମଧ୍ୟ କହେ ମୌସୁମୀ ତୁ ଫେରି ଯା। ଭିଜାଇଥିବା ବୂଡାଇଥିବା ମୌସୁମୀ ବିଦାୟ ନେଉଛି ।

ଦେଖନ୍ତୁ ଭିଡିଓ :

Download Argus News App

ଡ୍ରାଇଭରକୁ ଗଳାକାଟି ହତ୍ୟା, ପୋଲିସର ତଦନ୍ତ ଜାରି

Download Mobile App