ସୋଡାମାଲର ଜଙ୍ଗଲ ଜମିକୁ ହାତେଇଛନ୍ତି ସ୍ଵାସ୍ଥ୍ୟମନ୍ତ୍ରୀ ନବ ଦାସ। ବେଆଇନ ଭାବେ ନବ ଦାସଙ୍କ ପୁଅ ବିଶାଲ ଦାସଙ୍କ ନାଁରେ ଥିବା ମହାନଦୀ ୱେଷ୍ଟ ମ୍ୟାନେଜମେଣ୍ଟ ସର୍ଭିସେସ୍କୁ ଦିଆଯାଇଛି 8 ଏକର ଜମି । ଯାହାର ଖୁଲାସା କରିଛି ଅର୍ଗସ୍ । ଫଳରେ ଜଙ୍ଗଲ ଜମିରେ ଗଛ ଥିବାରୁ ସୋଡାମାଲ ଜମିକୁ କାହାକୁ ନ ଦେବା ପାଇଁ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ଗାଁଲୋକେ । ସେପଟେ ଆରଆଇ କହୁଛନ୍ତି ସେ ଅଞ୍ଚଳରେ ବଡ଼ ଗଛ ନାହିଁ କେବଳ ବୁଦା ଅଛି । ଏବେ ବଡ଼ ପ୍ରଶ୍ନ କେଉଁ ଆଧାରରେ ଆରଆଇ ଦେଲେ ଏ ରିପୋର୍ଟ, କାହିଁକି ମିଛ କହିଲେ ରାଜସ୍ବ ନିରୀକ୍ଷକ, ପାୱାରଫୁଲ୍ ମିନିଷ୍ଟର ନବ ଦାସଙ୍କ ଇସାରରେ ଏ ସବୁ ହୋଇଥିବା ଅଭିଯୋଗ ହୋଇଛି । ଏବେ ଝାରସୁଗୁଡାରେ ମୋ ସରକାର ନୁହେଁ ନବ ସରକାର ଚାଲିଥିବା ବି ଅଭିଯୋଗ ହୋଇଛି ।
ଏବେ ବଡ଼ ପ୍ରଶ୍ନ ଶିଳ୍ପ ବିଭାଗ ବାତିଲ କରିବ କି ନବ ଦାସଙ୍କ ପୁଅଙ୍କୁ ଦିଆଯାଇଥିବା ଜମି ? ଆବେଦନ ଆଗରୁ ଜମି କ୍ଲିୟରାନ୍ସର ଜବାବ ଦେବେ କି ଜିଲ୍ଲାପାଳ ? କାହିଁକି ଚୁପ୍ ଶିଳ୍ପମନ୍ତ୍ରୀ କ୍ୟାପଟେନ୍ ମିଶ୍ର ? ଉତ୍ତର ରଖନ୍ତୁ ଶିଳ୍ପ ସଚିବ ହେମନ୍ତ ଶର୍ମା ? ଆଗାମୀ ଦିନରେ ନବଙ୍କୁ ଝାରସୁଗୁଡାବାସୀ ଜବାବ ଦେବେ ବୋଲି କହିଛନ୍ତି ବିଜେପି ରାଜ୍ୟ ସଂପାଦକ ଟଙ୍କଧର ତ୍ରିପାଠୀ ।
