ଭୁବନେଶ୍ୱର: କିପରି କରାଯିବ ପଶୁ ପକ୍ଷୀଙ୍କ ଦେହରେ ଦେଖା ଯାଉଥିବା ରୋଗର ପ୍ରତିକାର ? ବିଦେଶାଗତ ପକ୍ଷୀଙ୍କ ଉପରେ କିପରି କରାଯିବ ସର୍ଭିଲାନ୍ସ ? ଏଥିପାଇଁ ଭୁବନେଶ୍ୱରରେ ଆଜି ଏକ ଜାତୀୟ ସ୍ତରୀୟ କର୍ମଶାଳା ଅନୁଷ୍ଠିତ ହୋଇଛି । ଏଥିରେ କେନ୍ଦ୍ର ମତ୍ସ୍ୟ ଓ ସମ୍ପଦ ବିଭାଗର ଯୁଗ୍ମ ସଚିବଙ୍କ ସହ ରାଜ୍ୟ ସରକାରଙ୍କ ମତ୍ସ ଓ ପଶୁ ସମ୍ପଦ ବିଭାଗର ପ୍ରମୁଖ ସଚିବ ଯୋଗ ଦେଇଥିଲେ । ଚିଲିକାକୁ ବିଦେଶରୁ ଆସୁଥିବା ପକ୍ଷୀଙ୍କ ପାଖରେ କିଛି ରୋଗର ଲକ୍ଷଣ ଦେଖା ଦେଲେ କିପରି ଏହାର ସର୍ଭିଲେନ୍ସ କରାଯାଇ ରୋଗ ବ୍ୟାପିବା ପୂର୍ବରୁ ନିରାକରଣ କରାଯିବ ସେ ନେଇ ଆଲୋଚନା ହୋଇଛି ।
ଲମ୍ପି ଡିଜିଜ୍ ର ନିରାକରଣ ପାଇଁ କ’ଣ କରିବା ଆବଶ୍ୟକ ରହିଛି ? ପଢନ୍ତୁ...
ଏହା ଛଡା ବାର୍ଡ଼ ଫ୍ଲୁ , ଫାଟୁଆ, ସାହାଣ, ବଜବଜିଆ ଓ ଲମ୍ପି ସ୍କିନ ଡିଜିଜ ଭଳି ରୋଗର କିପରି ସର୍ଭିଲେନ୍ସ ସହ ନିରାକରଣ କରାଯିବ ସେ ନେଇ ମଧ୍ୟ ଆଲୋଚନା ହୋଇଛି । ବିଶେଷ କରି କୁକୁଡ଼ା ଚାଷ ସହ ଗୋପାଳ କରୁଥିବା ଚାଷୀଙ୍କୁ କିପରି ରୋଗ ବିଷୟରେ ସତର୍କତା କରାଯିବା ନେଇ ଚର୍ଚ୍ଚା ହୋଇଛି ।
